Маланиаԥҳа: Аԥсныҟа атурқәа рыҭира азҵаара иалацәажәатәым аҳәаа аартхаанӡа

187
(ирҿыцуп 10:46 22.05.2020)
Атурфирма "Аԥсуа-тур" аиҳабы Елизавета Маланиаԥҳа арадио Sputnik Аԥсны аефир аҿы Аԥсныҟа атурқәа рыҭира хацыркуп ҳәа ицәырҵыз аинформациа ахҳәаа алҭеит.
Ҳазлацәажәаша ҳамоуп: Маланиаԥҳа аԥсшьаҩцәа Аԥсныҟа раара азҵаара иазкны

"Аҳәаа аартра азҵаара ӡбамкәа аԥсшьаҩцәа арахь раара алацәажәара аԥсаны исыԥхьаӡом. Ҳарзыԥшуп атуроператорцәа ирҳәо ҳәа. Краснодартәи атәылаҿацә анаартхо ашьҭахь, аҳәынҭқарра аиҿцәажәарақәа мҩаԥганы ари азҵаара ӡбахароуп ҳәа сгәы иаанагоит. Аԥснытәи атуристтә фирмақәеи ҳареи иҳаман аизара, асас ԥсшьара ҳәа арахь даарцаз иарбан ԥҟарақәоу иаԥҵатәу аилкааразы, иҟаҵатәу ҳәа. Уадак аҿы аӡәы имацара дыҩнаҵаны, аҭаацәа ракәзар, зегьы џьарак иҟазаауаны, акрыфарҭақәа рҿы жәаҩык инареиҳамкәа итәаны уҳәа, еиуеиԥшым азнеишьақәа рыла ҳалацәажәеит. Аха ииашоуп ҳәа исыԥхьаӡоит аԥсшьаҩцәа арахь иаанӡа атест иахысны ачымазара шрымам атәы зҳәо ашәҟәы рыцымкәа рыдкылара мап ацәкызарц. Уи ҳаргьы ҳхы алаҳахьчоит. Аԥсшьаҩы даар ҳҭахуп, аха иҟоу ашәарҭарагьы еилкаатәуп", - ҳәа азгәалҭеит Маланиаԥҳа.

Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

187

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

10
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

16
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

16