Микрофон  - Sputnik Аҧсны
Арадио

Қәычбериа амшынҭалара аамҭа аҽазыҟаҵаразы: излаҳалшо аԥҟарақәа наҳагӡоит

© Sputnik / Томас ТхайцукСлавик Кучуберия
Славик Кучуберия - Sputnik Аҧсны
Анапаҵаҩра
Амшын аҟны аҽыкәабара аамҭа рыҽшазыҟарҵо арадио Sputnik аефир аҟны еиҭеиҳәеит Очамчыра араион ахада актәи ихаҭыԥуаҩ Славик Қәычбериа.
Қәычбериа амшынҭалара аамҭа аҽазыҟаҵаразы: излаҳалшо аԥҟарақәа наҳагӡоит

Рашәара 5 рзы Аԥсны официалла амшын аҟны аҽыкәабара анаартхо аамҭоуп ҳәа адырра ҟаиҵеит Аԥсны аҭагылазаашьа ҷыдақәа рзы аминистрра иаҵанакуа зышәагаа маҷу аӷбақәа рзы аҳәынҭинспекциа аиҳабы Ҭенгиз Сабуа. Иара дырԥылеит ақалақьқәеи араионқәеи рхадацәа амшын аҟны аҽыкәабара ашәарҭадара иадҳәалоу азҵаарақәа рыӡбаразы. Уи аганахьала иҟоуп араионқәа рхадарақәа зхылаԥшыша, инарыгӡаша аԥҟарақәа.

"Иҳарҳәо зегьы ҳзынамыгӡозаргьы есышықәса амшын аҿықә излаҳалшо иаҳрыцқьоит, аҽыкәабара ахьынӡаҟало адыргақәа ҟарҵалоит, аиқәырхаратә нышьқәа ҳәа иҳадырҵо, урҭ раахәаразы алшара ҳамам. Аҷкәынцәа иҳарҳәеит (Аҭагылазаашьа ҷыдақәа рминистрра аусзуҩцәа - аред.), аиқәырхара аус зҭаху идҳарҵоит рсиа ҳашәҭар ҳәа. Ауаҩы дыӡсар ахьынӡаҟало адыргақәа агазтә баллонқәа ирылхны иҟарҵон ажәытәгьы, убри ҳаҿуп аҟаҵара, амза азбжанӡа ҳалагп ҳәа ҳгәы иҭоуп. Иҳаҩсыз ашықәс азы ус еиԥш адыргақәа ҳамамызт. Амшын аԥшаҳәа иахьаҵанакуаз Аалӡгеи Мықәи аӡиасқәа амшцәгьақәа раан иаарго агәам арыцқьара ҳаҿын. Амшын аҿықә аԥсшьаҩцәа анааиуа рҽахьыркәабо Очамчыра х-километрак рҟынӡа ыҟоуп, убри ҩы-мчыбжьа арыцқьара аҭахуп. Еиҭах амш цәгьахар арыцқьара аҭахуп, уи иазку жәаҩык раҟара ариаҵәаратә нхамҩа аусзуҩцәа ыҟоуп",- иҳәеит Қәычбериа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

Ажәабжьқәа зегьы
0