Заур Кишмария

Қьышьмариа Тҟәарчалтәи атеатр актиорцәа рзы: аусура ианбаҭыҵуа ҳәа иԥшуп

39
Шәарах Ԥачалиа ихьӡ зху Тҟәарчалтәи аҳәынҭқарратә акомедиатә театр аиҳабы Заур Қьышьмариа арадио Sputnik Аԥсны арубрика "Раионк аԥсҭазаараҟынтә" аҿы еиҭеиҳәеит ачымазара ҿкы алаҵәаразы ашәара иахҟьаны актиорцәа арҭ амзақәа аҽазыҟаҵарақәа шырзымҩаԥымгаз.
Раионк аԥсҭазаараҟынтә: Кьышьмариа Тҟәарчалтәи атеатр акарантин шаныԥшыз атәы

"Раԥхьа ианалага аԥкрақәа авирус азы ҩынтә-хынтә ҳаизеит, аха аҽазыҟаҵарақәа ҟалом анырҳәа, ҳаҟәыҵит. Уажәы амза 15 рҟынӡа рҳәан - ҳаԥшуп. Арежиссиор Роман Сабуа ақәыргыламҭа ҿыц азы аҽазыҟаҵарақәа дшырҿыз ауп ас еиԥш ахҭыс шыҟалаз. Макьана зегьы аҩны итәоуп, ҳаԥшуп ҳанбаҭыҵуа, аусура ҳанбалагои ҳәа. Аҭел иасуеит иҟаҳҵари ҳәа. Зны усгьы рҳәеит ашьшьыҳәа ҳцаны аҽазыҟаҵарақәа ҳрылагап ҳәа, аха мап скит. Уажәшьҭан џьара рыцҳарак, анцәа иҟаумҵан, иҟалар аҭакԥхықәра сыдлоит. Зынӡа ҳаиҵахаӡеит рҳәоит аҭел ианасуа, аха, абаақәа, иаашәычҳа ҳәа расҳәоит, агәабзиара ҳаманы ҳҟалар атеатр шьҭаҳхып", - иҳәеит Қьышьмариа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аҟны.

Иара убас шәаԥхьар ҟалоит:

39

Џьопуа Тҟәарчалтәи аџьармыкьазы: апроект ала иаартны иазгәаҭоуп, аха иаркызар иаҳа еиӷьхон

12
(ирҿыцуп 19:41 24.02.2021)
Тҟәарчалтәи аџьармыкьа аиҳабы Сасрыҟәа Џьопуа арадио Sputnik аефир аҿы еиҭеиҳәеит аџьармыкьаҿы ицо аргыларатә усурақәа ртәы.
Раионк аԥсҭазаараҟынтә: Џьопуа Тҟәарчалтәи аџьармыкьа аиҭашьақәыргылара иазкны

"Аремонттә усурақәа ирзоурыжьран иҟоуп 3 миллионки 500 нызқь мааҭи. Урҭ аԥарақәа ҳарзыԥшуп. Апроект ала аџьармыкьа аартны иазгәаҭоуп, аха иаркызар иаҳа еиӷьхон. Уажәы ахәаахәҭразы аџьармыкьахь иааиуа ауаа маҷуп. Иахьықәгыло ыҟаӡам, ақәа леи, асы леи, адәы иқәгылазароуп. Бедиа ибгаз амҩа иахҟьаны аџьармыкьаҿы ахәаахәҭыҩцәа агхеит. Уажәы ауаа адәахьы ихәаахәҭуеит, астолқәа ргыланы ирымоуп", - ҳәа еиҭеиҳәеит Џьопуа.

Иаҳа инеиҵыху аиҿцәажәара шәазыӡырҩыр шәылшоит аудио аҿы.

12

Жәлар рдоуҳа: Ҭодуаԥҳа аҳамҭақәа рҵакы, урҭ рахьынтә аԥхьа игылоу

6
(ирҿыцуп 17:48 24.02.2021)
Аҳамҭа аҵакы, аҳамҭақәа рҟынтәи зегь раԥхьа игылоу, иреиҳау уҳәа ртәы дазааҭгылоит Нарҭдырреи адәынтәи афольклорҭҵаареи рцентр аҭҵаарадырратә усзуҩы Есма Ҭодуаԥҳа.
Жәлар рдоуҳа: Ҭодуаԥҳа аҳамҭақәа рҵакы, урҭ рахьынтә аԥхьа игылоу

Шәазыӡырҩла арубрика "Жәлар рдоуҳа" арадио Sputnik Аԥсны аефир аҟны есхаша.

Атекст шәаԥхьар ҟалоит абра>> "Амалқәа зегьы ирмалу" – аҳамҭа аҵаки ҳамҭас иҟарҵои

 

6

Иҳаҩсыз уахыки-ҽнаки рыла Аԥсны акоронавирус ҩажәаҩык ирыдырбалеит

5
(ирҿыцуп 21:06 24.02.2021)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

АҞӘА, жәабран 24 – Sputnik. Иҳаҩсыз уахыки-ҽнаки рыла COVID-19 рылоу ирыламу аилкааразы 260-ҩык атестқәа рзыҟаҵан, урҭ рахьтә 20-ҩык акоронавирус рцәа ишалаз аадырԥшит ҳәа аанацҳауеит Ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 49-ҩык, урҭ рахьтә 43-ҩык акоронавирус адиагноз рзышьақәыргылоуп, рҭагылазаашьа бааԥсуп 16-ҩык, ибжьаратәуп - 14-ҩык.

Аҟәатәи аинфекциатә хәышәтәырҭаҿы ирхәышәтәуеит акоронавирус зцәа иалоу 12-ҩык апациентцәа, Очамчыра ирхәышәтәуеит быжьҩык, Тҟәарчалтәи ахәышәтәырҭаҿы - хҩык, Гагратәи ахәышәтәырҭаҿы - 13-ҩык, Аҟәатәи амобилтә госпиталь аҟны ишьҭоуп акоронавирус зыдбалоу 14-ҩык апациентцәа.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 12745-ҩык ыҟоуп, ргәы бзиахеит 12097-ҩык, рыԥсҭазаара иалҵит 196-ҩык.

Акоронавирус иазку ажәабжьқәа зегьы шәрыԥхьар ҟалоит абра>>

5
Атемақәа:
Аҿкычымазара – акоронавирус Аԥсни адунеи аҿи: иалкаау