Халиманова: анхаҩы маҷк иадамхаргьы ацхыраара аниоулак, ихы дахәартә дҟалоит

123
(ирҿыцуп 11:59 13.06.2020)
Џьал ақыҭан инхо Олесиа Халиманова афонд "Кьараз" ацхыраара иабзоураны ауҭраҭыхи аиаҵәареи реиҭаҳатә лҭиуеит, иара убас ианҵаны илымоуп акәытқәа. Уи шалыршахаз атәы Халиманова еиҭалҳәеит арадио Sputnik аефир аҿы.
Халиманова: анхаҩы маҷк иадымхаргьы ацхыраара аниоулак, ихы дахәартә дҟалоит

"Кьаразаа сынтәа иаҳзааргеит ауҭраҭых ажәлақәа. Ҳаргьы ҳаҿын ақыҭаҿы ишаԥу еиԥш ауҭраҭых ааӡара, аха дара ҳдырманшәалеит. Апырпыл ца жәа-нызқь шьаҭа ҟаҳҵеит, апомидоргьы убыс. Анаша акәзар, аиҭаҳатә ҟаҳҵартә еиԥш ҳаихьымӡаӡеит, ҳхазы иааҳрыхыз мацароуп иҳамоу. Аахәаҩцәа бзиан иҳамоуп, есыҽны исзасуеит, аиҭаҳатә иадҵаалоит. Саргьы Тҟәарчалҟа аџьырмыкьахь сныҟәоит, уахьгьы иганы исҭиуеит сеиҭаҳатә. Ҵыԥх уажәааны иара убас кьаразаа рыбзоурала акәытқәагьы анаҳҵеит. Шәкы рҟынӡа сыман, сынтәа ибзиан исҭиит, уажәы еиҭа акәҷарақәагьы рааӡара саҿуп. Иара убас исзаҿарҵоит акәтаӷь, уигьы сҭииртә сыҟоуп", - ҳәа еиҭалҳәеит Халиманова.

Ауаҩы илымшо ҳәа акгьы ыҟаӡам, аха аџьабаа дацәымшәароуп ҳәа азгәалҭеит лара.

"Ҳашьыжь алагоит асааҭ фба рзы. Зны арахә еилҳаргоит, нас ҳаԥсаатә, нас амра шаанӡагьы ауҭра нап адкылатәуп, уи нахыс шьыбжьышьҭахьгьы убас, абасала зегьы уск-уск ҳарҿуп аҭаацәараҿы. Анхаҩы маҷк иадамхаргьы ацхыраара аниоулак, ихы дахәартә дҟалоит", - ҳәа лҳәеит Халиманова.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

123
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6
Ирма Скверия

Аҭоурых иагәылаҵәаху: Шәқьериаԥҳа Аԥсны Афырхаҵа Завер Тәанба изкны

11
(ирҿыцуп 15:23 27.09.2020)
Ешыратәи аибашьцәа рмузеи аиҳабы лхаҭыԥуаҩ Ирма Шәқьериаԥҳа арадио Sputnik аефир аҟны еиҭалҳәеит Аԥсны Аџьынџьтәылатә еибашьраҟны иҭахаз, Аԥсны Афырхаҵа ҳәа ахьӡ ҳаракы иаԥсахаз Завер Тәанба иҭоурых.
Аҭоурых иагәылаҵәаху: Шәқьериаԥҳа Аԥсны Афырхаҵа Завер Тәанба изкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы ес-мҽыша.

11

Даҽа 46-ҩык Аԥсны атәылауаа акоронавирус рыдбалоуп

2
(ирҿыцуп 19:25 27.09.2020)
Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1332 ыҟоуп. Ргәы бзиахахьеит 400-ҩык, жәҩык рыԥсҭазаара иалҵит.

АҞӘА, цәыббра 27 – Sputnik. Аԥсны иҳаҩсыз уахыки-ҽнаки рыла акоронавирус зыхьуа рхыԥхьаӡара даҽа 46-ҩык рыла еиҳахеит ҳәа аанацҳауеит Ауааԥсыра акоронавирус рацәыхьчаразы аоперативтә штаб.

"Иҳаҩсыз уахыки-ҽнаки рыла акоронавирустә инфекциа амазааразы игәаҭан 160-ҩык атәылауаа, урҭ рахьтә адиагноз COVID-19 рзышьақәыргылан 46-ҩык", - ҳәа аанацҳауеит аоперштаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 120-а апациентцәа, урҭ рахьтә COVID-19 адиагноз рзышьақәырӷәӷәоуп 117-ҩык, рҭагылазаашьа хьанҭоуп 14-ҩык, ибжьаратәуп 27-ҩык.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

Акоронавирус иазку ажәабжьқәа шәрыԥхьар ҟалоит абра>>

2
Атемақәа:
Ачымазара ҿкы – акоронавирус Аԥсни адунеи аҿи: иалкаау