Нури Кварчия

Кәарҷиа аԥкрақәа рырԥсыҽразы: иҭакыз ҳаиҩызан

20
(ирҿыцуп 16:46 16.06.2020)
Жәлар рырҿиара ареспубликатә центр аиҳабы Нури Кәарҷиа арадио Sputnik Аԥсны аефир аҿы еиҭеиҳәеит акоронавирус аламырҵәарзы Аԥсны иҟаз аԥкрақәа акультуратә усхкқәа ишырныԥшыз атәы.
Ҳазлацәажәаша ҳамоуп: Кәарҷиа аԥкрақәа акультуратә усхкқәа ишырныԥшыз иазкны

Лаҵара 15 инаркны Аԥсны акультура-массатә усмҩаԥгатәқәа рымҩаԥгара азин ыҟоуп.

"Иҭакыз ауаа ҳарҩызан, ҳзышьцылаз аус ааныжьны. Ҳәарада, иаҳцәыӡыз рацәоуп. Аицлабра "Аҿар рыбжьы" амҩаԥгара ҩымш шагыз ҳусмҩаԥгатә аанаҳкылар акәхеит. Ари даара гәалсра дуны ирыдыркылеит ахәыҷқәа. Уажәы азин анҳау, еиҭа ахәыҷқәа рнапхгаҩцәа ҳарзасит, адырра раҳҭеит ҳусура еиҭашхацҳаркуа ала. Ахәыҷқәа, ҳәара аҭахума, ари аамҭа иалагӡаны ихьшәашәеит. Еиҭа иазгәаҭан иҳаман ахореографиатә гәыԥқәа реицлабрагьы "Аӡыхь". Ҳара ауал зду ҳакәны ҳхы ҳаԥхьаӡоит, еиҳарак ахәыҷқәа рҿаԥхьа. Аицлабрақәа, иаабжьаужьыр, уи иацәыхҟьо аҿар рацәахоит. Ҳара ҳхықәкы хада – шаҟа ирацәаны ахәыҷқәа аҟазара иадҳаԥхьало, уи амҩа ианаҳҵо убри ауп. Жәларбжьаратәи аицлабрақәа рымҩаԥгара – уи макьана зҵаароуп, аамҭа уахәаԥшны ухы мҩаԥугароуп", - ҳәа еиҭеиҳәеит Кәарҷиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

20
Атемақәа:
Ачымазара ҿкы – акоронавирус Аԥсни адунеи аҿи: иалкаау (726)

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4

"Жәлар рдоуҳа": Ҭодуаԥҳа аамсҭашәара иазкны

10
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

10

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7