Мирон Чалмаз

Чалмаз Афонҿыцтәи аҳаԥы аусзуҩцәа рзы: хатәгәаԥхарала зегьы ԥсшьара ицеит

28
Афонҿыцтәи аҳаԥы аиҳабы Мирон Чалмаз арадио Sputnik аефир аҟны еиҭеиҳәеит ачымазара COVID -19 алаҵәаразы ашәарҭара иахҟьаны Аԥсны иалагалоу аԥкрақәа раан аҳаԥы амаҵ азызуа русура шеиҿкаау атәы.
Чалмаз еиҭеиҳәеит апандемиа аан Афонҿыцтәи аҳаԥы аусушьа шеиҿкаау

"Иахьа апандемиа аныҟоу аамҭазы аҳаԥы аусура аанкылоуп. Хәажәкыреи мшаԥи рзы аусзуҩцәа ауалафахәы рызшәан. Лаҵарамза 1 инаркны аҳаԥы амаҵ азызуа ҳәа хҩык аилыргаҩцәеи ԥшьҩык ахьчаҩцәеи аанҳажьит, ауалафахәы уаҳа аӡәгьы иоуӡом. Ус аҳаԥы анапхгара ҳнеиуеит, ҳааиуеит акәымзар, аҳәаа аартны аԥсшьаҩцәа дәықәлаанӡа аус ҳауӡом. Аԥыза-министр ҳаизганы иҳаиҳәеит аҳәаа аартра мчыбжьык-жәамш шыбжьоу адырра ҟаҵахоит, аҳаԥы аусура аҽазыҟаҵаразы ҳәа. Уи аамҭа ҳазыԥшуп зегьы. Ауалафахәы азҵаара аанкыларазы аизара мҩаԥаҳгеит, аколлектив 150–ҩык ҳаҟоуп, зегьы хатәгәаԥхарала ԥсшьара ицеит", - иҳәеит Чалмаз.

Иара иазгәеиҭеит апандемиа зегьы ааха шырнаҭаз, аҳаԥы аусзуҩцәагьы уи шеилыркаауа.

"Ҳамацара ҳакәӡам, зегьы аԥырхага рнаҭеит ари аҭагылазаашьа, ҳаргьы иҳачҳап, ҳақәгәыӷуеит Аԥсны ачымазара ҟамлап ҳәа", - иҳәеит Чалмаз.

Иара иажәақәа рыла, ҵыԥх аҳаԥы аҳәынҭқарратә биуџьет иаланагалеит 50 миллион мааҭ инацны, сынтәатәи ашықәс азы акәзар - 15 миллион мааҭ иназынаԥшуа.

Иара убас шәаԥхьар ҟалоит:

28

Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

2
(ирҿыцуп 17:28 05.08.2020)
Аҵлақәа ркульт ҳажәлар рытрадициатә культураҟны ҭыԥс иааннакыло, зымшьҭа бзиоу ма ицәгьоу ҳәа ирԥхьаӡо аҵлақәа арбану арадио Sputnik аефир аҟны еиҭалҳәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы

Шәазыӡырҩла арубрика "Жәлар рдоуҳа" арадио Sputnik аефир аҟны.

Абри анҵамҭа атексттә версиа шәаԥхьар ҟалоит абра:

2

Хәытаба Ливан иҟалаз аԥжәаразы: ааха зауз рҟынтә ҳдиаспора ахаҭарнакцәа макьана иалкаам

65
(ирҿыцуп 15:36 05.08.2020)
Аԥсадгьыл ахь архынҳәразы Аԥсны аҳәынҭқарратә еилакы ҳџьынџьуаа рымадаразы аҟәша аиҳабы Инал Хәытаба арадио Sputnik Аԥсны аефир аҿы еиҭеиҳәеит Ливан иҟоу аҭагылазаашьа ишазҿлымҳау атәы.

Беирут абаӷәазаҿы иҟалеит аԥжәара ӷәӷәа. Аҵыхәтәантәи адыррақәа рыла шәҩык инареиҳаны ауааԥсыра рыԥсҭазаара иалҵит, ԥшь-нызықьҩык рҟныӡа ааха роуит. Ирацәаҩуп хабарда ибжьаӡаз ҳәа иԥхьаӡоугьы.

Аԥсадгьыл ахь архынҳәразы Аԥсны аҳәынҭқаратә еилакы ахантәаҩи Ливан иҟоу ачерқьесцәа рхеилак ахантәаҩы ихаҭыԥуаҩи рҽеимырдеит Ливан иҟалаз аԥжәара иахҟьаны. Реиҿцәажәараан иҳәан ааха зауз рахьынтә макьана аԥсуа-дыга диаспора ахаҭарнакцәа шалкаам.

Хәытәаба Ливан иҟалаз аԥжәаразы: ааха зауз рҟынтә ҳдиаспора ахаҭарнакцәа макьана иалкаам

"Уа иҟоу аԥсуа-дыга хеилаки ҳареи аимадара ҳабжьоуп, уи еснагьгьы иҟан. Аха макьаназы еилкааны иҟам Ливан арыцҳара иақәшәаз рхыԥхьаӡараҵәҟьагьы, убри аҟнытә аҳәара уадаҩуп урҭ ирылоу ирыламу ҳдиаспора ахаҭарнакцәа. Ливан инхоит 100 нызықьҩык инареиҳаны ачерқьесцәа рхаҭарнакцәа. Уаатәи ахеилак ахаҭарнаки аҳәынҭқарратә еилакы ахантәаҩи реимадараан Вадим Ҳаразиа иҳәеит ҳдиаспора ахаҭарнакцәа рахьынтә ааха зауз ҟалар, еиҳарак ахәыҷқәа урҭ ргәабзиара аиҭашьақәыргылара ҳшазыхиоу. Макьана дара рхаҭа ирыздырӡом иарбан цхыраароу иаҭаххо, убысҟак уа аҭагылазаашьа уадаҩуп", - ҳәа азгәеиҭеит Хәытаба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

65

Акоронавирустә хҭыс ҿыцқәа ҩба аарԥшуп Аԥсны

1
(ирҿыцуп 19:13 05.08.2020)
Абри аамҭазы Гәдоуҭатәи ахәышәтәырҭаҿы ишьҭоуп акоронавирус зцәа иалоу 37-ҩык апациентцәа.

АҞӘА, нанҳәа 5 - Sputnik. Даҽа ҩыџьа Аԥсны ауааԥсыра акоронавирус рыдбалоуп ҳәа аанацҳауеит Ауааԥсыра акоронавирустә ҿкы рацәыхьчаразы аоперативтә штаб.

"Ииасыз уахыки-ҽнаки рыла акоронавирустә чымазара амазааразы агәаҭара иахысит 105-ҩык ауааԥсыра. Урҭ рахьтә адиагноз COVID-19 рзықәыргылоуп ҩыџьа. Ачымазцәа ирныруаз ауаа ргәаҭарақәа ирыцҵахоит", - ҳәа аҳәоит аштаб аацҳамҭа.

Иахьазы Аԥсны акоронавирус здырбалахьоу рхыԥхьаӡара 109-ҩык ыҟоуп. Урҭ рахьтә 37-ҩык ргәы бзиахеит, хҩык рыԥсҭазаара иалҵит.

Акоронавирус иадҳәалоу ажәабжьқәа зегьы шәрыԥхьар ҟалоит абра>>

1
Атемақәа:
Ачымазара ҿкы – акоронавирус Аԥсни адунеи аҿи: иалкаау