Батал Тапаӷәуа

Тапаӷәуа Мурман Џьопуа изы: иеиԥш анхамҩа аус здыруаз маҷҩуп

53
(ирҿыцуп 16:28 17.06.2020)
Очамчыра араион ахадас иҟаз, Агәымшәараз амедал занашьоу, Ахьӡ-аԥша аорден занашьоу Мурман Џьопуа иахьа аҵыхәтәантәи имҩахь днаскьаргеит. Аԥсны Жәлар Реизара адепутат Баҭал Тапаӷәуа арадио Sputnik Аԥсны аефир аҿы игәалаиршәеит уи иԥсҭазааратә мҩа.
Тапаӷәуа Мурман Џьопуа изы: иеиԥш анхамҩа аус здыруаз маҷҩуп

"…Араион аҿы иусуреи, иҟазшьеи, идырреи азгәаҭаны иара Очамчыра ачаифабрика аиҳабыс дарҭеит, усҟантәи аамҭазы уи анхамҩаҿы иреиҳау усны иԥхьаӡан. Аибашьра ашьҭахьгьы иара дгьежьит афабрикахь, аха нас иҳәаны диаргеит Аҟәатәи ачаифабрикахь, ачаиҟаҵара иара иеиӷьны издыруаз маҷын аҟнытә. Анаҩс аус иуан ацитрустә фабрикаҿгьы, уи ашьҭахь ауп Очамчыра араион ахадас данарҭа. Фышықәса инеиԥынкыланы уа дыҟан. Иара унеишь-уааишь ззырҳәоз уаҩын. Ацәгьеи абзиеи еилызкаауаз, анхаҩы, ақыҭа иалҵыз, уи бзиа избоз уаҩын. Иара ачымазара бааԥс иман, аха уаниацәажәоз уи уирдыруамызт. Ҳара аамҭаказы аус еицаҳуан. Мурман иус бзиан идыруан, аколнхара ақыҭанхамҩа аус иара иеиԥш издыруаз маҷын. Иара ақыҭа ахы инаркны аҵыхәанӡа, абригада, агрономра, аколхоз аҿы аиҳабыра, абри зегьы дахысноуп анапхгарахь дышнеиз. Иара дуаҩ ҟәышын, ауаҩы дизааигәан, анхаҩы имаз ауадаҩрақәа еиликаауан, уи атәы идыруан", - еиҭеиҳәеит Тапаӷәуа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

53

Ажьиԥҳа: аҵыхәтәантәи ажәыларақәа шьала икәабан, ҳгәырӷьарызу, ҳҵәыуарызу ҳаздыруамызт

17
(ирҿыцуп 18:55 30.09.2020)
Тҟәарчал араион акультура аҟәша аиҳабы Рита Ажьиԥҳа арадио Sputnik аефир аҿы еиҭалҳәеит Аиааира амш араион аҿы ишазгәарҭаз, илгәалалыршәеит 27 шықәса раԥхьа ажәабжь шлаҳаз атәы.
Раионк аԥсҭазаараҟынтә: Ажьиԥҳа Аиааира амш азы

"Ҳара зегьы Тҟәарчал ҳаҟан, сентиабр 30 шааигәахоз агәра ҳгахьан, аҵыхәтәантәи астратегиатә жәалырақәа ҳгәыӷрақәа зегьы рыдҳәалан. Сентиабр 16 инаркны есыҽны ахәышәтәырҭаҿы ҳгылан, избанзар ҳаҷкәынцәа зегьы аӡәаӡәала иԥсны иааргон. Уажәы-уажә иҟаларызеишь ҳәа ҳгәы хыҭхыҭуан, аиааира агәра шаҳгозгьы, ҳҵәыуо ҳгылан. Аҵыхәтәантәи ажәыларақәа убысҟак шьала икәабан, ҳгәырӷьарызу, ҳҵәыуарызу ҳзымдыруа. Ҳалаӷырӡи ҳаччаԥшьи еилаҭәо иҟаз мшқәан, еиҳарак аҵыхәтәантәи ахымш, цәыббра 27 инаркны 30-нӡа", - ҳәа еиҭалҳәеит Ажьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

Чхебелиаԥҳа: амза 27 нахысгьы Егры ҳнеиаанӡа иҭахаз аҷкәынцәа рацәоуп

17

Табаӷәуа амнистиаз ақәҵаразы: шьоукы рхы иҭашәаны, адепутатцәа рхы иархәаны иҟаҵоу усуп

60
(ирҿыцуп 17:04 30.09.2020)
Аԥсны Жәлар Реизара адепутат Баҭал Табаӷәуа Апарламент аҿы ирыдыркылаз амнистиазы ақәҵара ахҳәаа аиҭеит.

Аԥсны Апарламент адепутатцәа цәыббра 24 рзы Аиааиреи Ахьыԥшымреи рымш 27 шықәса ахыҵра ахьӡала амнистиазы ақәҵара рыдыркылеит.

Табаӷәуа амнистиа иазку ақәҵаразы: шьоукы рхы иҭашәаны, адепутатцәа рхы иархәаны иҟаҵоу усуп

"Ҩышықәса раԥхьа имҩаԥган Аԥсны амнистиа. Ҳәараҭахума, азакәан аҿы ианӡам ианымҩаԥгалатәу ҳәа, аха ҳара ҳхы иԥнамҟаӡои абас ҟауҵар шамуа. Ҳара шьоукы рхы иҭашәаны, дрыуоу дазусҭоу са исыздырам иҭаку, ргәы иҭаркит дахьҭаку ишықәс армаҷра, мамзаргьы иҭыгара. Абри рхы иҭашәаны, адепутатцәа рхы иархәаны абас иҟаҵоу усуп ҳәа агәаанагара сымоуп. Уи ԥхашьароуп. Апарламент ажәлар ианалырхуа, иҳақәгәыӷны ауп рыбжьы шҳарҭо. Ҳара аҳәынҭқарра иамыхәо, ҳхы иҭашәо, ҳхатә ус мацара ҳәа аус зуа, уи аҳәынҭқарратә хәыцра змам уаҩуп ҳәа исыԥхьаӡоит", - ҳәа азгәеиҭеит Табаӷәуа.

Кәыдрытәи аҩхаа аҭарцәраан ҳәа иҟаҵоу азгәаҭаҿы иубоит, "алымҳақәа" ҳәа иҳәеит Жәлар Реизара адепутат.

"Уи иахьа иҭаку ауаҩы, мамзаргьы иҭаркраны иҟоу зусқәа цәгьаны иҟоу, аибашьраан деибашьуамызт, аха абри Кәыдрытәи аҩхаа аҭарцәара џьара дацраҳәан. Убри азоуп ус еиԥш ажәа уа изнеиз. Ҳара иҳадаҳкылоит аус, ацәгьаус ҟазҵо уаҵәы дҭыхны, ҳара ҳалызхыз ауаа ацәгьа рзиурц. Азакәан дыҿнамхӡеит - ҳара дҿаҳхырц ҳаҿуп", - ҳәа иҳәеит Табаӷәуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

60