Ҭаркьылԥҳа: Аҟәатәи ашколқәа роушьҭымҭацәа рзы иаку ахәылԥаз аиҿкаара ҳазыхиам

46
(ирҿыцуп 11:00 18.06.2020)
Аҟәа аҵара аусбарҭа аиҳабы Асҭанда Ҭаркьылԥҳа арадио Sputnik Аԥсны аефир аҿы еиҭалҳәеит аҳҭнықалақьтә школқәа роушьҭымҭацәа рзы еизаку ахәылԥаз аиҿкаара ишазыхиам.
Атәылауаҩи аиҳабыреи: Ҭаркьылԥҳа аушьҭымҭацәа рыхәылԥазқәа иазкны

"Ашколкәа зегьы рҿы аушьымҭацәа рзы имҩаԥысит актәи аԥышәара, ахатәы бызшәа аҩразы. Аҟәа ақалақь иҿы иҟоуп 465-ҩык аушьҭымҭацәа. Аклассқәа зегьы анорма иақәыршәаны аԥышәаракәа рымҩаԥгара иазыхиан. Жәаҩык-жәаҩык ртәаны ахәыҷқәа ҩуан. Аҩбатәи аԥышәара мҩаԥгахоит амза 23 рзы. Уи анаҩс игоит аҵыхәтәантәи аҵәҵәабжьы аушьҭымҭацәа мацара рзы. Уи ҟалоит арыцхә 26-27 инақәыршәаны. Аклассқәа зегьы ахәылԥазгьы амҩаԥгара иазыхиам, иахьырҭаху ыҟоуп, иҟоуп иахьырҭахымгьы. Џьара ԥсабарак ахь имцозар, инеиҵыхны ахәылԥаз азгәаҭара агәаҳәара змоу маҷуп. Иахьатәи аҭагылазаашьа еилкаатәуп, ауалафахәы аганхьалагьы иазыхиам рацәаҩуп. Ҳара аҳҭнықалақь аҿы аушьҭымҭацәа зегьы еидкыланы аиԥылара рзеиҿкаара ҳазыхиам ", - ҳәа еиҭалҳәеит Ҭаркьылԥҳа.

Аҟәа аҵара аусбарҭа аиҳабы далацәажәеит ахәыҷбаҳчақәа раартра азҵаарагьы.

"Арыцхә акынӡа ахәыҷбаҳчақәа раартра азин ҳамаӡам. Агәыԥқәа зегьы рҿы ирацәаҩуп ахәыҷқәа, 20-ҩык ыҟазарц ахьахәҭоу 40-ҩык ыҟоуп. Урҭ ачымазара рацәыхьчара аус аиҿкаара цәгьоуп. Убри азоуп еиҳарак ахәыҷбаҳчақәа иахьа уажәраанӡагьы изарку. Иаадыруеит аҭаацәа аус шыруа, уи зегьы еилыркаауеит, аха аҭагылазаашьа макьана ашәарҭара ацуп. Иҟалап азҵаара ықәгылар, аус зуа аҭаацәа рхәыҷқәа рзы ахәыҷбаҳчақәа раартра, аус зымуа рзы иаркызарац, аха уигьы макьана зҵаароуп", - ҳәа азгәалҭеит Ҭаркьылԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

46

Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

10
(ирҿыцуп 15:42 29.10.2020)
Аныҟәарақәа рымҩаԥгаҩ Денис Гоԥиа арадио Sputnik аефир аҿы иҳәеит аԥсшьаҩцәа рзы ҿыц еиҿыркаауа атурқәа зхылҿиаауа атуристцәа рҭахрақәа шракәу.
Гоԥиа: аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп

"Амандарин аҿалара ианалагалак Урыстәылантә арахь ирацәаҩны аԥсшьаҩцәа аауеит. Иҟоуп атурфирмақәа Аԥсны "амандаринтә тур" ҳәа иахьырбо. Ҳара заа амандаринатә баҳчақәа змоу ҳрацәажәоит аԥсшьаҩцәа ҳаманы ҳашнеиуа ала. Аԥсшьаҩцәа рнапала амандарин ҿырхуеит, агьама рбоит, абаҳчаҿы афотоҭыхымҭақәа ҟарҵоит. Анаҩс урҭ асоциалтә даҟьақәа рҿы иӡырыргоит, уи акыр иацхраауеит Аԥсны аӡбахә аларҵәаразы. Уи збо ҳтәылахь аара иҭаххоит. "Амандаринатә тур" адагьы иҟоуп аџьырмыкьахь игоу аныҟәарақәагьы, ҳмилаҭтә чысқәа: аџьынџьыхәа, алаҳарҩа, аҵәарҩа, ахьырҭиуа аҭыԥқәа рҿы инеиуеит, ирзеиҭаҳҳәоит уи заку. Аԥсшьаҩцәа атур ҿыцқәа рҭахуп, ҳаргьы ирыдаҳгалаша ҳамоуп", - ҳәа еиҭеиҳәеит Гоԥиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

10

Ашәԥҳа Франциа COVID-19 аҿагыларазы аԥкрақәа реилагаразы: ахараԥса ду иааннакылоит

4
(ирҿыцуп 10:53 29.10.2020)
Франциа инхо ҳџьынџьуаҩ Алина Ашәԥҳа арадио Sputnik Аԥсны аефир аҿы еиҭалҳәеит атәылаҿы акоронавирус азы иҟоу аҭагылазаашьеи иаԥҵоу аԥкрақәа аус шыруеи ртәы.
Ашәԥҳа Франциа COVID-19 иахҟьаны аԥкрақәа реилагаразы: ахараԥса ҳаракы иааннакылоит

"Ачымазара ҿкы аҩбатәи ацәқәырԥа аларҵәаразы Франциа уажәы Европа атәылақәа зегьы рҟынтә актәи аҭыԥ аанакылоит. Атәыла аиҳабыра аԥкрақәа даара ахшыҩзцара арҭоит, аха уажәы хәажәкырамзазы мшаԥымзазы иҟаз аԥкрақәа реиԥш иӷәӷәаны иҟоуп ҳәа сызҳәом. Ҳахьындәылҵуа зегьынџьара асабрадақәа ҳхазароуп, асааҭ 21 инаркны ашьыжь 6-нӡа аҩны адәылҵра азин ыҟаӡам. Уахынла аус руӡом ақьафурҭақәеи акрыфырҭақәеи. Афранцызцәа ахақәиҭра даара бзиа ирбоит, аԥҟарақәа рықәныҟәарагьы рцәыуадаҩуп, аха иахьатәи аамҭаз еилыркааит адисциплина шаҭаху, уи иагьықәныҟәоит.  Иқәымныҟәо, амҩан иааныркыло раԥхьа ирацәажәоит, ирабжьаргоит ачымазара аҟынтә рхы хылаԥшра арҭар шахәҭоу. Аҩынтә раан ахараԥса рықәырҵоит, 135 евро ршәоит, анаҩс мчыбжьык ашьҭахь еиҭа дааныркылар, ишәоит 1000 евро еиҳаны. Ахараԥса ду иааннакылоит". – ҳәа еиҭалҳәеит Ашәԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Акоронавирус иазку ажәабжьқәа зегьы шәрыԥхьар ҟалоит абра>>

4

Аԥснынтәи Урыстәылаҟа иргоз аконтрабанда аанкылоуп

2
(ирҿыцуп 16:55 29.10.2020)
Краснодартәи аҳазалхратә маҵзура Шәача ақалақь аҿтәи апресс-маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

АҞӘА, жьҭаара 29 - Sputnik. Аушьҭырҭатә ҭыԥ "Адлер" аҿы Урыстәыла АШәМ Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи иааныркылеит аҭаҭын аалыҵ аконтрабанда. Абри атәы аанацҳауеит Шәачатәи аҳазалхырҭа апресс-маҵзура.

Аидаратә транспорттә хархәага иҭаҵәахны аԥсуа-аурыс ҳәаа аҭаҭын аалыҵ ахыгара аԥырҟәҟәаан Урыстәыла Афедералтә Шәарҭадаратә Маҵзура Краснодартәи атәылаҿацә аҿтәи амаҵзура аусзуҩцәеи аҳазалхыҩцәеи русеицурала ҳәа азгәаҭоуп аҳәамҭаҿы.

Аԥснынтәи Урыстәылаҟа амҩа иқәыз аидарамҩангагатә автотранспорт агәаҭараан иаарԥшын иҭаҵәахыз аҭаҭын аалыҵ 2560 ҭоԥ (25600 пачка).

Аконтрабандатә аалыҵ изгоз имхуп, аекспертизахь инашьҭуп. Уи алкаақәа инарықәыршәаны ишьақәыргылахоит аалыҵ аџьармыкьатә хәыԥса. Аусҭҵааратә уснагӡатәқәа мҩаԥысуеит.

Уаанӡа Шәача аҳазалхратә маҵзура адырра ҟанаҵахьан аурыс-аԥсуа ҳәааҿы аҭаҭын аалыҵ изакәанымкәа ахыгаразы азинеилагарақәа рхыԥхьаӡара иазҳаит ҳәа.

Краснодартәи атәылаҿацә Шәача ақалақь аҳазалхырҭа иазгәанаҭоит еиҳа иҿыцу атехникатә ҭаԥшыхәгақәа ахархәара шрырҭо урыстәылатәи аџьармыкьахь асигарет маӡала алагалара аԥырҟәҟәааразы.

2