Ҭыжәԥҳа Аԥсуа театр аҭааҩцәа рзы: асценаҟны ҳаиқәшәаранӡа хәыҷык ауп иаанхаз
Ҭыжәԥҳа Аԥсуа театр аҭааҩцәа рзы: асцена аҟны ҳаиқәшәаранӡа хәыҷык ауп иаанхаз
"Акарантин ашьҭахь атеатрқәа рыԥсы ҭалеит, аусура ҳахьҭыҵыз агәахәара ҳнаҭоит. Актиорцәа рзы асцена насыԥуп, уи ианагу, рыԥсҭазаара кьаҿхоит. Иахьазы аспектакль ҿыц ақәыргыларазы аҽазыҟаҵарақәа цоит, апҳьарбара ҟалоит ԥхынгәы 7-8 рзы. Уи Едуардо де Филиппо икомедиа "Цилиндр" ауп. Сгәаанагарала, ҳахәаԥшцәа даара игәхьааганы иҟоуп аԥсышәала алаф, уи асценаҟынтәи ианраҳауа гәахәарыла ирыдыркылоит. Убасгьы ԥхынгәымзазы идҳарбоит зегьы бзиа еицырбо "Ромеои Џьулеттеи". Уи Аԥсуа театр аҟны ҵыԥх аԥхьарбара ыҟан, аншлагқәа 15 ҟалахьеит… Ԥхынгәымза 23 рзы Аԥсуа бираҟ амш аҳаҭыр азы Аҳәынҭқарратә ахортә капелла аконцерт дҳарбоит ахәаԥшцәа, ҳарзыԥшуп аклассикатә музыка абзиабаҩцәа", - лҳәеит Ҭыжәԥҳа.
Лара лажәақәа рыла Аԥсуа театр афиша еиҿкаауп, аинтернет даҟьаҟны избаз гәахәарыла ирыдыркылеит.
Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.
Иара убас шәаԥхьар ҟалоит:
-
"Оскар", "Аҿар рыбжьы", "Цилиндр": акарантиншьҭахьтәи акультуратә афиша
-
Аԥснытәи атеатрқәа акарантиншьҭахьтә қәгыларақәа ирзыԥшуп
Аршба Тҟәарчал АҶА аҟәша аусура иазкны: ҳмашьынақәа еснагь аҭыҵра иазыхиоуп
(ирҿыцуп 19:39 05.08.2020)
Тҟәарчал араион аҿы иҟоу АҶА аҟәша аиҳабы Едуард Аршба арадио Sputnik Аԥсны аефир аҿы еиҭеиҳәеит амцарцәаратә ҟәшаҿы аусура шеиҿкаау, насгьы ауааԥысра рҟнытә ироуа азыҳәақәа ртәы. Раионк аԥсҭазаараҟынтә: Аршба Тҟәарчал АҶА аҟәша аусура иазкны
"Тҟәарчал иаҵанакуа абылраҽацәыхьчаратә маҵзура еиқәшәоуп 32-ҩык аусзуҩцәа рыла, амцарцәагатә машьынақәа ракәзар, ҩба ҳамоуп. Амашьынакәа еиқәшәоуп, дара еснагь аҭыҵра иазыхианы игылоуп. Ашьыжь аусура иааиз амацарцәаҩцәа амашьынақәа гәарҭоит. Мышкы аус руеит быжьҩык, урҭ рахьынтә иҟоуп амцарцәаҩцәа, аҟарул аиҳабы, амашьынарныҟәцаҩ, аҭел иаҿатәоу. Амцарцәарақәа рыдагьы иҟоуп аҭагылазаашьақәа аҭыҵра анҳақәшәо ақалақь аҭахрақәа рзы. Иара уи адагьы ауааԥсыра рырахә-рышәахә џьара машәырк ахьзаргьы ианаҳзасуа ыҟоуп. Егьырҭ араионқәа рҿы џьа машәырк ҟалазаргьы, Тҟәарчалтәи амцарцәаратә ҟәша ацхырааразы иҭыҵуеит. Ус, Гал аӡхыҵра аныҟаз ауааԥысра ацхыраара рыҭаразы ааԥхьара ҳаман", - ҳәа еиҭеиҳәеит Аршба.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.
Иара убас шәаԥхьар ҟалоит:
- Аршба: ауаҩы иеиқәырхара бзиа избоит, уи ацхыраара иҭара еснагь сашьҭан
-
Кәыҵниа еиҭеиҳәеит Очамчыра АҶА аҽазыҟаҵарақәа шымҩаԥысыз атәы
Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы
(ирҿыцуп 17:28 05.08.2020)
Аҵлақәа ркульт ҳажәлар рытрадициатә культураҟны ҭыԥс иааннакыло, зымшьҭа бзиоу ма ицәгьоу ҳәа ирԥхьаӡо аҵлақәа арбану арадио Sputnik аефир аҟны еиҭалҳәеит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа. Жәлар рдоуҳа: Ҭаниаԥҳа аԥсуаа аҵлақәа ишырзыҟаз атәы
Шәазыӡырҩла арубрика "Жәлар рдоуҳа" арадио Sputnik аефир аҟны.
Абри анҵамҭа атексттә версиа шәаԥхьар ҟалоит абра: