Енгин Ҭаскәач-иԥа (Папба)

Папба: Аԥсны ахьыԥшымра азҵаара Ҭыркәтәыла Апарламент аҟны ианахәаԥш ҳадгылоит

181
(ирҿыцуп 17:00 25.06.2020)
Ҭырқәтәылатәи Апарламент адепутат, аоппозицаитә Жәлар-республикатә партиа ахаҭарнак Енгин Ҭаскәач-иԥа (Папба) арадио Sputnik аефир аҟны ахҳәаа аиҭеит Ҭырқәтәылатәи апартиақәа руак Аԥсны ахьыԥшымра азхаҵара азҵаара иахәаԥшырц иҟанаҵаз ажәалагала.
Папба: Аԥсны ахьԥшымра азҵаара Ҭыркәтәыла апарламент аҟны ианахәаԥш - ҳадгылоит

Ҭырқәтәылатәи апартиа Vatan ("Аԥсадгьыл") иазнархиеит Аиҩызарази аҭынчрази Амшынеиқәа-Адгьылбжьарамшынтә план, Аԥсны ахьыԥшымра азхаҵара азҵаарагьы убрахь иналаҵаны. Адокумент инақәыршәаны, апартиа ажәадгала ҟанаҵеит иара убасгьы: Ҟрым Урыстәыла ишахәҭаку азхаҵаразы, Ҭырқәтәылатәи Ареспублика Аҩадатәи Кипр хьыԥшымкәа азхаҵаразы, иара убасгьы Шьамтәыла аҭынчреи Азербаиџьан аҵакыратә акзаареи ралыршареи, Америкатәи аштатқәа Ливиа аусқәа аҽалагалара аанкылазарц.

"Аԥсны ахатә закәанқәа амоуп, Урыстәыла иатәуп ҳәа иаԥхьаӡом ҳпартиагьы. Ааигәа егьырҭ апартиақәа рхаҭарнакцәеи ҳареи ҳаиқәшәараны ҳаҟоуп, уаҟагьы ирасҳәоит абри. Догу Перинчек (апартиа Vatan (Аԥсадгьыл) ахантәаҩы - аред.) ииҳәаз Аԥсны азхаҵара аганахьала ҳпартиаҟынгьы ус ҳазхәыцуеит. Даара ибзаны иҟалон Апарламент аҟны ҳалацәажәар. Ас еиԥш ашәҟәы ахцәажәара аныҟала, ари (Аԥсны ахьԥшымра –аред.) ҟалааит ҳәа ҳнапы ақәаҳҵоит", – иҳәеит Папба.

2008 шықәса рзы официалла Аԥсны ахьыԥшымра азхарҵеит Урыстәыла, Никарагуа, аҽа шықәсык ааҵуаны – Венесуела, Науру, 2018 шықәса рзы Аԥсны ахьыԥшымра азханаҵеит Шьамтәыла.

Приднестровиа-Молдавиатәи Ареспубликеи Ашьха-Ҟарабахтәи Ареспубликеи Аԥсны ахьыԥшымра азхарҵеит абҵара 17, 2006 шықәса рзы, 2015 шықәсазы – Донецки Лугански Жәлар рреспубликақәа.

Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

 

 

181

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30
Аслан Кобахия

Хра злоу ахҭысқәа: Кобахьиа "Абџьар азы" азакәан апроект азы

12
Аҩбатәи аԥхьарала Аԥсны Жәлар Реизара адепутатцәа ирыдыркылеит абџьар азы азакәан апроект. Аԥсны Афырхаҵа аамҭаказы Аԥсны Аҩнуҵҟатәи аусқәа рминистр иҟаз Аслан Кобахьиа арадио Sputnik аефир аҿы иҳәеит уи шыҟазарц ахәҭоу азы игәаанагара.
Хра злоу ахҭысқәа: Кобахьиа "Абџьар азы" азакәан апроект азы

"Абџьар иахьа Аԥсны имаҷӡам, иагьымыцхәуп ҳәа уҳәар алшоит. Аха абџьар аҩны аҵәахра - уи акоуп, аныҟәгара - уи даҽакуп. Азакәан аҟны иарбазароуп уи аныҟәгара зықәнагоу. Сара сгәаанагарала абџьар аныҟәгаразы азин рымазароуп Аԥсны амчратә усбарҭақәа, нас зхатә ус иаҿу ашәарҭара иҭагылоу, абизнес иаҿу ауаа, аха уи адепутатцәа ирыӡбозар акәхап, нас атәыла ахада инапы аҵаиҩуеит. Аҩнуҵҟатәи аусбарҭақәа аинструкциақәа аԥырҵоит. Ус иахьабалак ишыҟоу, зхы иааҭашәо зегьы абџьар иган иалыҳәҳәо ақалақь алалара азин имоуп ҳәа игәы иаанагозар, уи дажьеит", - ҳәа иҳәеит Кобахьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

12