Қәҭелиаԥҳа Аҟәа амшын аԥшаҳәа арԥшӡара иазкны: ауаа адгылара анурҭо - гәахәароуп

40
(ирҿыцуп 18:35 29.06.2020)
Аҳҭнықалақь аԥшаҳәа ариаҵәаразы аусмҩаԥгатәқәа ахьынӡанагоу атәы арадио Sputnik аефир аҟны еиҭалҳәеит ақалақь арԥшӡаразы аҳҭнықалақь ахадара анџьныр Кама Қәҭелиаԥҳа.
Қәҭелиаԥҳа Аҟәа амшын аԥшаҳәа арԥшӡара иазкны: ауаа адгылара анурҭо - гәахәароуп

"Иахьатәи аамҭазы ҳаԥсадгьыл, ҳауаажәлар, адунеи зегьы азы иуадаҩуп, афинастә проблемақәагьы ыҟоуп, аха ус шакәугьы, ҳамчқәа еидкыланы амшын аԥшаҳәа арыцқьара, арԥшӡара, арҭбаара ҳаҿуп. Аҳәынҭқарратә драматә театр аҿаԥхьа иҟоу ашәҭҭра санахәаԥшуаз сгәы ҵәыуан, избанзар машьынала иадгылон ахыкәшара иацәаашьаны, икәаҳаны иахысны ицон… Аҳҭнықалақь ахада атеатр анапхгара аҟынтәи аҳәара аниоу, амашьынақәа рнеирҭа атеатр ахахьы иҟаҵазарц адҵа ҳаиҭеит, иаразнак аклумбақәа ҳааханы иҳаргылеит. Адгьыл ԥсахны ашәҭ ԥшӡақәа еиҭаҳҳаит. Ақалақьуаа аусурақәа анымҩаԥаагоз инеины иҭабуп ҳәа ҳарҳәон", - лҳәеит Қәҭелиаԥҳа.

Лара еиҭалҳәеит хара имгакәа Багаԥшь ихьӡ зху ашҭаҟны арԥшӡаратә усурақәа ишрылаго.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

40
Алиас Авидзба

Аҩӡба: аҭыԥҳацәа ахысшьа иаҳа ирлас ирыцааиуеит, аԥаҭԥаҭра рылаӡам

12
Ачадара иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik Аԥсны аефир аҿы еиҭеиҳәеит аҭыԥан ашәарҭара шеиҿкаау, насгьы избан аҭыԥҳацәа ахысраҿы алҵшәа бзиақәа заадырԥшуа.
Раионк аԥсҭазаараҟынтә: Аҩӡба "Аԥсуа хысратә клуб" аусура иазкны

"Ахысҩы данаалаик, аинструктор раԥхьа атеориатә курс дахижьуеит, уи сааҭк инарзынаԥшуа ицоит. Акласс аҿы икыдуп афотоматериалқәа, урҭ рыла ахысҩы иҳамоу абџьар хкы аҟнытә иалихыр илшоит иара ииҭаху, уи аимыхшьа, аибыҭашьа ирбаны, акышьа, агылашьа иеилыркааны ахысырҭахь диаргоит. Уаҟагьы иара дицуп аинструктор. Ахысра аҽазыҟаҵара сааҭки, сааҭки бжаки аамҭа агоит. Абри аус зегьы аан ашәарҭадаратә маҵзура ахаҭарнакгьы дрыцуп. Араҟа ус баша ахысшьа ада, абџьар аныҟәгашьа, уи ахархәашьа акультурагьы аҭыԥ амоуп. Иааџьаушьаратә, иаауа рахьтә аҭыԥҳацәа рацәоуп. Иҟоуп лассф-лассы иаҳҭаауа. Шьоукы ахысра спортк аҳасабала иазнеиуеит, абџьар бзиа ирбоит. Иҳәатәуп, аҭыԥҳацәа рхысшьа ҽакала ишеиҿкаау, иаҳа ирлас ишрыцааиуа. Иҭышәынҭәалоуп аҟнытә, ироуа аинформациа иаҳа лассы ирыдыркылоит, аԥаҭԥаҭра рылаӡам, ҭынч ихысуеит", - ҳәа азгәеиҭеит Аҩӡба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

11
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

11