Эльвира Арсалия

Арсалиаԥҳа "Аҟәа есымша иуцу аныҳәа" азы: ацәыргақәҵа аҭааҩцәа ҿыцрақәак рзаатуеит

22
(ирҿыцуп 15:42 29.06.2020)
Ацәыргақәҵа "Аҟәа – есымша иуцу аныҳәа" ахшыҩҵаки ахықәки арадио Sputnik аефир аҟны дырзааҭгылеит Аҟәатәи ацәыргақәҵатә зал хада аиҳабы Ельвира Арсалиаԥҳа.

Аҭоурых беиа змоу Аԥсны аҳҭнықалақь аҩажәатәи ашәышыкәсазы имаҷымкәа асахьаҭыхыҩцәа русумҭақәа азыркхьеит, ашәҟәыҩҩцәа иазкны аҩымҭақәа аԥырҵахьеит.

Арҭқәа ургәылазырхало ацәыргақәҵа "Аҟәа – есымша иуцу аныҳәа" мҩаԥгахоит ԥхынгәы 3, асааҭ 13 рзы Аҟәатәи ацәыгақәҵатә зал хадаҟны. Ацәыргақәҵа еиҿнакаауеит Аԥсны асахьаҭыхыҩцәа реидгыла. Аҭааҩцәа рзы ацәыргақәҵа аартызаауеит ԥхынгәы 28-нӡа.

Арсалиԥҳа "Аҟәа - есымша иҳацу аныҳәа" азы: ацәыргақәҵа аҭааҩцәа ҿыцрақәак рзаатуеит

"…Шықәсыбжак иназынаԥшуеит ацәыргақәҵақәа рымҩаԥгара аанкылоуижьҭеи акарантин иахҟьаны. Асахьаҭыхыҩцәа ҳааилацәажәан иҳаӡбеит цәыргақәҵак аиҿкаара, ҳсахьаҭыхыҩцәа русумҭақәа Аԥсны инхо, иаҭаауа дырбаразы. Традициала ԥхынгәы раԥхьатәи асабша Аҟәа ақалақь амш азгәарҭоит. Убри аҟынтәи ҳцәыргақәҵа Аҟәа атоурых, акультура иадҳәаланы еиҿаҳкаарц ҳаӡбеит. Ацәыргақәҵа аекспозициа еиҿкаауп аҩажәатәи ашәышықәса аԥхьатәи азбжа иатәу аурыс шәҟәыҩҩцәа Аҟәа иазку ргәалашәарақәа рыла, нас аҩажәатәи ашәышықәса аҩбатәи азбжазы аус зуаз сахьаҭыхыҩцәеи иахьа аус зуа асахьаҭыхыҩцәеи русумҭақәа рыла… Аекспозициаҿы иҟоуп уаанӡа иӡыргахахьаз аусумҭақәа, аха абас темак ала, иалкааны ақалақь аҭоурых, акультуратә баҟақәа ирызкны хаҭала раԥхьаӡа акәноуп, ишыздыруа ала, ишымҩаԥысуа. Сгәы иаанагоит иаҭаауа рзы ҿыҵрақәак аатып ҳәа", – лҳәеит Арсалиаԥҳа.

Ацәыргақәҵаҟны ахәаԥшҩы ибар илшоит зынӡа 49 усумҭа, 25-ҩык рҟынӡа асахьаҭыхыҩцәа раԥҵамҭақәа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

22
Алиас Авидзба

Аҩӡба: аҭыԥҳацәа ахысшьа иаҳа ирлас ирыцааиуеит, аԥаҭԥаҭра рылаӡам

12
Ачадара иҟоу "Аԥсуа хысратә клуб" ашәарҭадаратә маҵзура аиҳабы Алиас Аҩӡба арадио Sputnik Аԥсны аефир аҿы еиҭеиҳәеит аҭыԥан ашәарҭара шеиҿкаау, насгьы избан аҭыԥҳацәа ахысраҿы алҵшәа бзиақәа заадырԥшуа.
Раионк аԥсҭазаараҟынтә: Аҩӡба "Аԥсуа хысратә клуб" аусура иазкны

"Ахысҩы данаалаик, аинструктор раԥхьа атеориатә курс дахижьуеит, уи сааҭк инарзынаԥшуа ицоит. Акласс аҿы икыдуп афотоматериалқәа, урҭ рыла ахысҩы иҳамоу абџьар хкы аҟнытә иалихыр илшоит иара ииҭаху, уи аимыхшьа, аибыҭашьа ирбаны, акышьа, агылашьа иеилыркааны ахысырҭахь диаргоит. Уаҟагьы иара дицуп аинструктор. Ахысра аҽазыҟаҵара сааҭки, сааҭки бжаки аамҭа агоит. Абри аус зегьы аан ашәарҭадаратә маҵзура ахаҭарнакгьы дрыцуп. Араҟа ус баша ахысшьа ада, абџьар аныҟәгашьа, уи ахархәашьа акультурагьы аҭыԥ амоуп. Иааџьаушьаратә, иаауа рахьтә аҭыԥҳацәа рацәоуп. Иҟоуп лассф-лассы иаҳҭаауа. Шьоукы ахысра спортк аҳасабала иазнеиуеит, абџьар бзиа ирбоит. Иҳәатәуп, аҭыԥҳацәа рхысшьа ҽакала ишеиҿкаау, иаҳа ирлас ишрыцааиуа. Иҭышәынҭәалоуп аҟнытә, ироуа аинформациа иаҳа лассы ирыдыркылоит, аԥаҭԥаҭра рылаӡам, ҭынч ихысуеит", - ҳәа азгәеиҭеит Аҩӡба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

12
Алхас Аргун

Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

11
(ирҿыцуп 18:19 12.07.2020)
Афонҿыцтәи аҭоурых-культуратә ҳәырԥсарра "Анаҟәаԥиа" аиҳабы Алхас Аргәын арадио Sputnik Аԥсны аефир аҿы аҳәырԥсарра иаҵанакуа Аԥсны аҳра амузеи аекспонат ҿыцқәа ртәы еиҭеиҳәеит.
Аҭоурых иагәылаҵәаху: Аргәын Аԥсны аҳра амузеи аекспонат ҿыцқәа ирызкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы есмҽыша.

Иара убас шәаԥхьар ҟалоит:

11