Далила Пилия

Ԥлиаԥҳа: Азиантә иааз аԥҳәыс "ахьурӡы ақәыргылан абысҭа сызу" ҳәа лаҳҳәо ҳҟалеит

162
(ирҿыцуп 14:15 09.07.2020)
Асоциалтә-економикатә ҭҵаарақәа рцентр аҿы имҩаԥысыз астол гьежь азкын акризис аамҭазы атәыла ауааԥсыра ацхыраара рыҭара. Аполитолог Далила Ԥлиаԥҳа иазгәалҭеит асовет аамҭа иааӡаз ауаа иарбанзаалакгьы аус анагӡара ишацәыԥхамшьоз, иахьа ус еиԥш аҭагылазаашьа шыҟам.
Ԥлиаԥҳа: Азиантәи иааз аԥҳәыс "ахьурӡы ақәыргыланы абысҭа сызу" ҳәа лаҳҳәо ҳҟалеит

"Акьыԥхь аҿы иарбоуп 80% Аԥсны аус зуа аԥарарҳара иааз роуп ҳәа, ус анакәха, атәыла иқәынхо бжьаратәла рыԥсҭазаара еиҿкаауп ҳәа узҳәаӡом, аха аԥарарҳара иаауа аԥара дырҳауеит. Иџьашьатәуп, абас еиԥш аҭагылазаашьа зыҟалаз. Убри аҟынӡа аԥсуаа ҳаԥсҭазаара еиҿаҳкааит, иаарласны "ахьурӡы ӡәӡәаны абысҭа сызу" ҳәа азиантәи иааз аԥҳәыс адҵа лырҭо аҟынӡа. Изыҟалеи ус атәым тәылантә иааз аус иуа, аԥсуа уи дацәыԥхашьо? Аџьаус аиҿкаара, агәыбылра, пату ақәҵара, хымԥадатәи усуп ҳәа аԥхьаӡара асовет аамҭазы ицәгьамкәа еиҿкаан. Актәи акласс инаркны аԥшьбатәи аҟынӡа арԥарцәа аџьаус ддырбон, иддырҵон. Аиҳабацәа ракәзар, ашколқәа ркомбинатқәа ҳәа иҟаз рҿы ҳаизыргон, аӡӷабцәа хазы, аҷкәынцәа хазы. Иаҳдырҵон аӡахшьа, аԥашьа. Ҳаналгоз иҳарҭоз ашәҟала аусура ҳцон. Аҷкәынцәа ракәзар, аџьаус рызҭоз арҵаҩы иман дцон иҟаз атехникатә усбарҭақәа рахь, ашахтатә ргылара, арԥхагатә станциа уҳәа рахь, аԥсҭазаара иааҭахыз амаҭәарқәа зегьы ддырбон, иддырҵон. Урҭгьы аналгоз ирырҭон ашәҟәы, аусура инеины аус руртә еиԥш. Иуҭахума, иуҭахымума ҳәа иуазҵааӡомызт. Ашколтә маҭәарқәа зегьы рҿы аџьа абзиабара агәылазар акәын, абас акәын ишыҟаз асовет аамҭазы. Иахьа? Иауа иашәан акгьы ыҟаӡам. Ашкол даналгоз ахәыҷы аҵара дҭамлозаргьы аус ахьиуаз ыҟан, убыс илааӡан аџьаус, абри сҭахым иҳәаӡомызт, иарбанзаалакгьы аус уара уоуп изырԥшӡо ҳәа иахьатәи аҭагылазаашьаҿы аӡәгьы идирҵаӡом", - ҳәа азгәалҭеит Ԥлиаԥҳа.

Иаҳа инеиҵыху аиҿцәажәара шәазыӡырҩы арадио Sputnik Аԥсны аефир аҿы.

Иара убас шәаԥхьар ҟалоит:

162

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30
Аслан Кобахия

Хра злоу ахҭысқәа: Кобахьиа "Абџьар азы" азакәан апроект азы

12
Аҩбатәи аԥхьарала Аԥсны Жәлар Реизара адепутатцәа ирыдыркылеит абџьар азы азакәан апроект. Аԥсны Афырхаҵа аамҭаказы Аԥсны Аҩнуҵҟатәи аусқәа рминистр иҟаз Аслан Кобахьиа арадио Sputnik аефир аҿы иҳәеит уи шыҟазарц ахәҭоу азы игәаанагара.
Хра злоу ахҭысқәа: Кобахьиа "Абџьар азы" азакәан апроект азы

"Абџьар иахьа Аԥсны имаҷӡам, иагьымыцхәуп ҳәа уҳәар алшоит. Аха абџьар аҩны аҵәахра - уи акоуп, аныҟәгара - уи даҽакуп. Азакәан аҟны иарбазароуп уи аныҟәгара зықәнагоу. Сара сгәаанагарала абџьар аныҟәгаразы азин рымазароуп Аԥсны амчратә усбарҭақәа, нас зхатә ус иаҿу ашәарҭара иҭагылоу, абизнес иаҿу ауаа, аха уи адепутатцәа ирыӡбозар акәхап, нас атәыла ахада инапы аҵаиҩуеит. Аҩнуҵҟатәи аусбарҭақәа аинструкциақәа аԥырҵоит. Ус иахьабалак ишыҟоу, зхы иааҭашәо зегьы абџьар иган иалыҳәҳәо ақалақь алалара азин имоуп ҳәа игәы иаанагозар, уи дажьеит", - ҳәа иҳәеит Кобахьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

12