Анзор Мукба

Мықәба Борис Гәыргәлиа изы: даԥсыуа дуун, агәы иман, ахы иман

45
(ирҿыцуп 14:35 20.07.2020)
Ԥхынгәы 20, 1935 шықәса рзы диит апоет, апрозаик, афилологиатә ҭҵаарадыррақәа ркандидат, ауаажәларратә усзуҩ Борис Гәыргәлиа. Ашәҟәыҩҩы, адраматург Анзор Мықәба арадио Sputnik аефир аҿы Борис Гәыргәлиа дигәалаиршәо, иҳәеит насыԥны ишиԥхьаӡо уи аус ицура ахьиаҭәашьахаз.
Аԥсны еицырдыруа ахьыӡқәа: Мықәба Борис Гәыргәлиа изкны

Иахьа Борис Гәыргәлиа иԥсы ҭазҭӷьы, ихыҵуазаарын 85 шықәса.

"Борис Гәыргәлиа сара схәыцраҿы дагьпоет бзиан, дагьпублицист бзиан, аха сара раԥхьа Борис иӡбахә анырҳәо иуаҩрала сазнеиуеит. Ари, иҵабыргны, даԥсыуа дуун, агәы иман, ахы иман. Иара еизарак ыҟоума, аԥсуа зҵаара иалацәажәома, ақырҭқәеи ҳареи ҳбааԥсны ҳаныҟаз аамҭа аума, ауаҩы агәаӷьра иман, ахаҵа игәаӷьра иман, иажәа аартын, иааԥҵәаны иҳәон, днавала-аавало акәымкәа, ҩысҭаарыла акәымкәа… Иаартыз уаҩын, дагьцәажәаҩ дуун. Ҳәарада, ирҿиамҭақәа уи рнымԥшырц залшомызт. Иажәеинраалақәа, аибашьра ашьҭахьтәи роума, заҟа иҵауланы, заҟа апоезиа ацәа аҟәынны, ахьаа ду ацны иҟоу, ас еиԥш зылшо апоет асахьаркра аҟаза ду иоуп. Иахьагьы Борис Гәыргәлиа иеиԥш иҟоу ауаа ҳагуп, ажәлар рҿахәы зҳәо имшәакәа, иаартны", - ҳәа азгәеиҭеит Мықәба.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

45

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7

"Жәлар рдоуҳа": Ҭодуаԥҳа аамсҭашәара иазкны

14
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

14

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

12
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

12