Бганба еиҭеиҳәеит Гал ақалақь амш шазгәарҭаз атәы

33
Гал араион ахада инапынҵақәа назыгӡо Омар Бганба арадио Sputnik аефир аҟны арубрика "Раионк аԥсҭазаараҟынтә" аҿы еиҭеиҳәеит ақалақь амш шазгәарҭаз атәы.
Раионк аԥсҭазаараҟынтә: Бганба Гал ақалақь амш азгәаҭара иазкны

Ԥхынгәы 19 рзы ақалақь Гал 88 шықәса ахыҵит.

"Ақалақь 88 шықәса ахыҵра иаҳа инарҭбааны иазгәаҳҭар ҳҭахын, аха апандемиа иахҟьаны иаармаҷшәа иазгәаҳҭеит. Ашьыжь ашәҭқәа шьҭаҳҵеит абаҟа ашьапаҿы. Акультура ахан аԥхьа ашәақәа уаҳауан, апарк ауаа неиааиуан, рыԥсы ршьон. Ахәылбыҽха асааҭ 5 рзы ашьапылампылтә еиндаҭлара мҩаԥган. Аҿари аспорти рызҵаарақәа рзы аҳәынҭқарратә еилакы ахантәаҩы Џьамал Гәбази аилак аусзуҩцәеи сасцәаны иаҳҭан. Астадион аҟны хәышәҩык инареиҳаны ахәаԥшцәа ыҟан. Ашьапылампыласцәа-аветеранцәа реиԥылара еиҭахарала ихыркәшахеит", - иҳәеит Бганба.

Иара иазгәеиҭеит Гал ишаԥсыуа қалақьу узырдырша иҟаҵатәу шырацәоугьы, иахьа агәахәара шунаҭо аныҳәақәа раан аԥсшәа уаҟа иахьуаҳауа.

"Аныҳәақәа раан ахәыҷқәа аԥсышәала ажәеинраалақәа ирыԥхьоит, икәашоит, ишәаҳәоит. Иҟаҵатәу рацәоуп, аха иахьа ҳазҭагылоу аамҭазы исҳәар сылшоит уаҩы игәы иахәаратәы иҟоуп аԥсуара аганахьала араион аҟны иҟоу аларҵәара. Уахьыҟацәҟьоу узымдыруазар џьара ԥсыуа қыҭак аҟны уҟоушәа угәы иаанагар ҟалоит", - иҳәеит Бганба.

Гал араион ахада инапынҵақәа назыгӡо убасгьы еиҭеиҳәеит ааигәа амшцәгьақәа ирыхҟьаны ақалақьуаа аӡхыҵра ирынаҭаз аԥхасҭа шҭҵаау, хара имгакәа аиҳабырахь ашәҟәы шынашьҭхо.

Шәазыӡырҩы аудио.

Иара убас шәаԥхьар ҟалоит:

33
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

5
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

5
Ирма Скверия

Аҭоурых иагәылаҵәаху: Шәқьериаԥҳа Аԥсны Афырхаҵа Завер Тәанба изкны

8
(ирҿыцуп 15:23 27.09.2020)
Ешыратәи аибашьцәа рмузеи аиҳабы лхаҭыԥуаҩ Ирма Шәқьериаԥҳа арадио Sputnik аефир аҟны еиҭалҳәеит Аԥсны Аџьынџьтәылатә еибашьраҟны иҭахаз, Аԥсны Афырхаҵа ҳәа ахьӡ ҳаракы иаԥсахаз Завер Тәанба иҭоурых.
Аҭоурых иагәылаҵәаху: Шәқьериаԥҳа Аԥсны Афырхаҵа Завер Тәанба изкны

Шәазыӡырҩла арубрика "Аҭоурых иагәылаҵәаху" арадио Sputnik Аԥсны аефир аҿы ес-мҽыша.

8

Аԥсны Адәныҟатәи аусқәа рминистрра Ашьха Ҟарабах иҟоу аҭагылазаашьазы ааԥхьара ҟанаҵеит

5
(ирҿыцуп 18:43 27.09.2020)
Аерман-азербаиџьантә конфликт ҩаԥхьа аҽарҿыцит амҽыша ашьыжь. Ермантәылеи Ашьха Ҟарабахи аибашьратә ҭагылазаашьеи азеиԥш мобилизациеи рылаҳәоуп.

АҞӘА, цәыббра 27 - Sputnik. Аԥсны Адәныҟатәи аусқәа рминистрра аерман-азербаиџьантә конфликт ҩаԥхьа аҽахьарҿыцыз агәҭынчымра шазцәырнаго азы аҳәамҭа ҟанаҵеит.

"Аԥсны Адәныҟатәи аусқәа рминистрра адунеижәларбжьарахь ааԥхьара ҟанаҵоит Ареспублика Арцах (ашьха Ҟарабах – аред.) иаҿагыланы имҩаԥысуа агрессиа аанкылазарц, арегион аҟны бџьаршьҭыхлатәи аиҿагылара иахьынӡауа иаԥдырҟәҟәаарц", - ҳәа азгәаҭоуп аминистрра асаит аҟны икьыԥхьу аҳәамҭаҿы.

 

Адәныҟатәи аусқәа рминистрраҿы агәрагара аадырԥшит уажәазы иҟоу, жәларбжьаратәи азхаҵара змоу амеханизм – ОБСЕ иатәу Минсктәи агәыԥ ала аконфликт аҭышәныртәалара альтернатива шамам.

Цәыббра 27 ашьыжь Азербаиџьан Атәылахьчара аминистрра аҳәамҭа ҟанаҵеит Ермантәыла Арбџьармчқәа Ҟарабх аинырратә цәаҳәала иҟоу анхарҭақәа ирылахысит ҳәа. Дара урҭ адыррақәа рыла, атәылауаа рыбжьара иҭахаз ыҟоуп. Ермантәыла Арбџьармчқәа ишырҳәаз ала, Ҟарабах "аҳауантәи аракетақәа рылеи иажәлеит". Ереван ирҳәеит Бақәа "ҳажәло иалагеит" ҳәа, ҟарабахтәи ахырхарҭала. Иазхаҵам Ашьха-Ҟарабахтәи Ареспубликаҿы адырра ҟарҵеит, артиллериала ишреихсыз аҭынч уааԥсыра рынхарҭақәа, аҳҭнықалақь Степанакертгьы уахь иналаҵаны. Аиҳабыра ауааԥсыра рахь ааԥхьара ҟанаҵеит рҽыԥхьаркырц, уи ашьҭахь Ҟарабах аибашьратә ҭагылазаашьеи амобилизациеи рыларҳәеит. Аибашьратә ҭагылазаашьеи амобилизациеи рыларҳәеит иара убас Ермантәылагьы. Бақәа акәзар, амобилизациа аҭахны иҟам рҳәеит, ҳар зегь рыла еиқәшәоуп ҳәа. Аҳәынҭқаррақәа жәпакы, Урыстәылеи Франциеи назлоу, аганқәа рыҽныркыларц абжьгара ҟарҵоит.

5