Ԥачлиаԥҳа ахәыҷқәа ахатәы бызшәа дырҵара аметодика ҿыц азы: аҵыхәтәахьы инагоу усумҭоуп

53
(ирҿыцуп 10:58 27.07.2020)
Арҵаҩы, аметодист, 45 шықәса аҵара-ааӡара знапы алаку Гульнара Ԥачлиаԥҳа арадио Sputnik аефир аҿы еиҭалҳәеит ахәыҷқәа аԥсуа бызшәа дырҵаразы иҭыҵыз аметодика ҿыц аус шауа.
Ԥачлиаԥҳа ахәыҷқәа ахатәы бызшәа дырҵаразы аметодика ҿыц азы: аҵыхәтәахьы инагоу усумҭоуп

"Ари аус адаҳулоижьҭеи 17 шықәса ҵуеит. Ахәыҷқәа ирыдгаланы аус шауа гәаҭаны, убас аҵыхәтәахьы инагоу усумҭоуп ҳәа иазысыԥхьаӡоит. Ицәгьам цхараагӡахоит ҳәа сазхәыцуеит. Иагьа ирацәандаз ацхыраагӡақәа аҵара-ааӡара знапы алаку имазароуп дызлаԥшуа. Ари ахатәы бызшәа тәым бызшәак аҳасабала ахәыҷқәа дырҵара алшара унаҭоит иҿыцу атехнологиақәа рхархәарала. Адунеи зегьы аҿы атәым бызшәа шырҵо, аинтерактивтә методла, шәаҳәарала, хәмаррала, аиҿцәажәарала, ақьаад ҽыҭқәа ралагаларала, акьанџьақәа рыла ирхәмаруа мацарала. Иара хышықәса инаркны фышықәсанӡа зхыҵуа ирзырхоуп. Аурок аҿы иаҳҵо ажәақәа рацәаӡам, иахьа иаҳаз уаҵәы еихаҳауа аду ахь дназгоит, ус анакәымха ирацәаны ианидугала гәахшәарҭас икуеит", - ҳәа еиҭалҳәеит Ԥачлиаԥҳа.

Иаҳа инеиҵыху аиҿцәажәара шәазыӡырҩы аудио аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

53

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

3
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

3

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит.РЕЗЕРВ

0
(ирҿыцуп 12:38 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә агхара инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа аздырхиароуп, амаҵзуратә персонал ахыхьчагатә хархәагақәа ныҟәыргозароуп.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп…Уи усҟангьы иҟаҳҵеит (мшаԥымзазы иалагалаз аԥкрақәа ртәы –аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишааныимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Ҳара аԥхын иҳадаҳкыло, нас ӡын аусура иамҳхо асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0