Аполлон Гургулия

Гәыргәлиа: ҳусзуҩцәа, анцәа иҟынтәи, макьана ачымазара ҿкы рыдбалам

18
Ареспубликатә хәышәтәырҭа аҳақьым хада Аполлон Гәыргәлиа арадио Sputnik аефир аҟны еиҭеиҳәеит ахәышәтәырҭаҟны иалагалоу акарантин инамаданы ачымазцәа шрыдыркыло атәы.

Ареспубликатә хәышәтәырҭа ахирургиа аҟәша аркуп. Уаҟа дышьҭан COVID-19 зыхьуаз ауаҩы.

Гәыргәлиа ареспубликатә хәышәтәырҭа аусзуҩцәа рзы: анцәа иҟынтәи макьана ачымазара ҿкы рыдбалам

"Ахәышәтәырҭаҟны акарантин ыҟоуп. Иаалырҟьаны ичмазаҩхаз, мамзар ааха зауз роуп иҳадаҳкыло, уаҳа аӡәгьы. Ахирургиа аҟәша аҳаркит, ачымазаҩцәа ылҳҩааит, анализқәа ҳгеит амедицинатә усзуҩцәа, ачымазцәа рҟынтә. Ҳперсонал рганахьала ачымазара змоу ыҟаӡам, анализқәа цқьоуп. Аамҭа ааиаанӡа ҩымчыбжьа уи аҟәша ааҳартӡом. Ахирургиа аҟәша ахәышәтәырҭаҟны даҽаџьара ииаҳгеит, аус шаҳуц иаҳуеит, амала ҳауаажәлар ахәышәтәырҭаҟны анеиааира азин рымаӡам. Еилкаатәык рымазар, ахәышәтәырҭа ахолл аҟны ҳусзуҩ дтәоуп, ҭелла аҳақьыми дареи еицәажәартә алшара рымоуп. Фатәык, хәшәык, ӡык нарышьҭыр рҭахызар, изырҭаша ауаа ыҟоуп. Ҳара ҳус ҳаҿуп, иаҳԥырхагамхааит. Аҭагылазаашьа иахәоит абри аҩыза арежим, иаҳҳәо раҳауазар ҳауаажәлар, дара рзы ауп ари зыҟаҳҵо. Ахәышәтәырҭа аперсонал еибгоуп, анцәа иҟынтәи, аӡәгьы аҿкы чымазара идҳамбалацт макьана", -иҳәеит Гәыргәлиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

18
Атемақәа:
Ачымазара ҿкы – акоронавирус Аԥсни адунеи аҿи: иалкаау (720)

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30
Аслан Кобахия

Хра злоу ахҭысқәа: Кобахьиа "Абџьар азы" азакәан апроект азы

12
Аҩбатәи аԥхьарала Аԥсны Жәлар Реизара адепутатцәа ирыдыркылеит абџьар азы азакәан апроект. Аԥсны Афырхаҵа аамҭаказы Аԥсны Аҩнуҵҟатәи аусқәа рминистр иҟаз Аслан Кобахьиа арадио Sputnik аефир аҿы иҳәеит уи шыҟазарц ахәҭоу азы игәаанагара.
Хра злоу ахҭысқәа: Кобахьиа "Абџьар азы" азакәан апроект азы

"Абџьар иахьа Аԥсны имаҷӡам, иагьымыцхәуп ҳәа уҳәар алшоит. Аха абџьар аҩны аҵәахра - уи акоуп, аныҟәгара - уи даҽакуп. Азакәан аҟны иарбазароуп уи аныҟәгара зықәнагоу. Сара сгәаанагарала абџьар аныҟәгаразы азин рымазароуп Аԥсны амчратә усбарҭақәа, нас зхатә ус иаҿу ашәарҭара иҭагылоу, абизнес иаҿу ауаа, аха уи адепутатцәа ирыӡбозар акәхап, нас атәыла ахада инапы аҵаиҩуеит. Аҩнуҵҟатәи аусбарҭақәа аинструкциақәа аԥырҵоит. Ус иахьабалак ишыҟоу, зхы иааҭашәо зегьы абџьар иган иалыҳәҳәо ақалақь алалара азин имоуп ҳәа игәы иаанагозар, уи дажьеит", - ҳәа иҳәеит Кобахьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

12