Аҩӡба: амаининг азы аиҳабыра ақәҵара рыдыркылеит, аха анагӡара кәадоуп

18
(ирҿыцуп 15:46 30.07.2020)
Аԥсны амаининг ахархәаразы иҟоу агәаанагарақәа, алшарақәа, уи ирызку аиҳабыра рықәҵара анагӡашьа зеиԥшроу атәы арадио Sputnik аефир аҟны еиҭеиҳәеит ари азҵаара ҭызҵаауаз ажурналист Бадраҟ Аҩӡба.

2018 шықәсазы Аԥсны аиҳабыра аӡбамҭа аднакылеит Егрытәи афымцатә станциаҟынтәи иаауа афымцалашара ахархәарала амаининг аусура закәаным ҳәа.

 

Аҩӡба: амаининг азы аиҳабыра ақәҵара рыдыркылеит, аха анагӡара кәадоуп

"Ари атема (амаининг азҵаара - аред.) акрызҵазкуа, иҵаулоу акоуп. Шықәсқәак раԥхьа иҟан шьоукы уи Аԥсны аекономика аҿиара иацхраап ҳәа агәыӷра дуқәа адызҳәалоз, аха анаҩс атәыла афымцасистема иаиуз ақәыӷәӷәара иахҟьаны Аминистрцәа Реилазаараҟны аӡбамҭа рыдыркылеит амаининг аусура закәаным ҳәа. Уи ашьҭахь аекономика аминистрраҟны азакәан апроект рҩит амаининг ахырхарҭала аусура ҳәаақәызҵо аԥҟарақәа арбаны. Адепутатцәа аилацәажәара ашьҭахь уи рыдрымкылеит. Амаининг мап ацәыркыижьҭеи шьҭа ҩышықәса ҵуеит. Иҟоуп ҩ-гәаанагарак ари азҵааразы: ганкахьала амаининг аусура афымцамчхара асистема ақәыӷәӷәара анаҭоит, уи аҟны аҭагылазаашьа зеиԥшроу ҳдыруеит; даҽа ганкахьала аекономистцәа рыбжьара иҟоуп амаининг аусура азакәан шьаҭа аҭаны Аԥсны имҩаԥгатәуп ҳәа зыԥхьаӡо. Афымцалашара аганахьала иҟоу ауадаҩрақәа ирхадоуп аиҳараҩык уи ахә ахьахырымшәаауа, амаининг знапы алаку ракәзар, аԥара рацәаны идырҳауеит, урҭ русура ҳәаақәызҵо системак аԥҵазар Аԥсны афымцамчхара арҿиара иацхраауеит ҳәа зыԥхьаӡо ыҟоуп. Уи ала аҳәынҭқарратә биуџьет аԥара ҭалоит ҳәа агәаанагара ыҟоуп", - иҳәеит Аҩӡба.

 

Иара иазӷәеиҭеит азҵаара аҭҵаараан ишеиликааз, ҵыԥхи сынтәеи еиҿурԥшуазар, амаининг злаҟарҵо амаругақәа 2020 шықәса актәи азбжазы акыр ишеиҳау. Фымз ирылагӡаны Аԥсныҟа иҭаргалеит 42 миллион мааҭ рыхә амаругақәа, 2019 шықәсазы - 12 миллион мааҭ рыхә.

"Амаругақәа Аԥсныҟа рҭагалара ҟалоит, избанзар уи акомпиутертә техника ҳәа ииаргоит. Ганкахьала амаининг Аԥсны аус адуулар ҟалом, даҽа ганкахьала аус зларуа амаруга ааргар ҟалоит. Ҳара иҳаздыруам Аҟәатәи аӡфымцастанциа амчра хадырҭәаахьоу ихадмырҭәаахьоу, аха агәаанагара ыҟоуп урҭ амаругақәа аҽаџьарагьы ахархәара рырҭоит ҳәа. Ақәҵара амаининг азы ианрыдыркыла, уи шынагӡатәу ҳәа аԥҟарақәа шьақәыргыланы иҟарымҵеит, аӡбара рыдыркылеит, аха анагӡара кәадоуп", - иҳәеит Бадраҟ Аҩӡба.

Иара убас шәаԥхьар ҟалоит:

18

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

7
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

7

"Жәлар рдоуҳа": Ҭодуаԥҳа аамсҭашәара иазкны

13
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

13

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

11
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

11