Роман Джугелия

Џьугьелиа Кәырбанныҳәа аҵакы азы: Ҳазшаз уԥсы зегьы ала игәра умгозар, аилкаара цәгьоуп

37
(ирҿыцуп 12:17 31.07.2020)
Кәырбанныҳәа ахықәкы, уи амҩаԥгара аҵакы атәы арадио Sputnik аефир аҟны еиҭеиҳәеит Аԥсны амсылманцәа рдоуҳатә усбарҭа ахада ихаҭыԥуаҩ Абдураҳман Џьугьелиа.
Џьугьелиа Кәырбан-ныҳәа аҵакы азы: Ҳазшаз уԥсы зегьы ала игәра умгозар, аилкаара уадаҩуп

Амсылманраҟны ашықәсан иазгәарҭо Аурычреи Кәырбанныҳәеи иреиҳау аныҳәақәа ыҟаӡам.

"Иахьатәи Кәырбанныҳәа аҵас аҳаџьра ианцо ажәабатәи амш амза Зуль-ҳиџьа ахьӡуп, аҳаџьра иамоу аҵасқәа руак аԥсаҭара - Хазшаз ихьӡала ашьтәа ашьра иадҳәалоуп. Аԥсуаа ҳҟны иаҳҳәоит рыкәырбан рықәырхуеит ҳәа. Уи ҭоурыхла аԥааимбар Ибрагим иахь ҳагоит. Ишдыру еиԥш, Ибрагим ажәлар рахь Ҳазшаз иажәа назгоз дреиуан. Уи иҷкәын Исмаилгьы Ҳазшаз игәрагара ду иман. Ари адунеи аҟны ҳзықәшәо еиуеиԥшым амзызқәа, аԥышәарақәа ҳашрызныҟәо аҟны иааԥшуеит Ҳазшаз иԥҟарақәа рыла акәу ҳшынхо, мамзар аҩсҭаа ҳхихуа. Ари адунеи аҟны аԥышәара ҳшахысыз еиԥш ауп, егьи аҟны џьанаҭ мамзар џьаҳаным, Ҳазшаз ҳацәихьчааит, ауаҩы иҭыԥ дшақәшәо. Ҳазшаз зегь раасҭа бзиа иибо иԥааимбарцәа роуп, аха зегь раасҭа аԥышәарагьы ззынаишьҭуаз дара роуп. Ибрагим Ҳазшаз дҵаны идиҵеит иԥа ԥсаҭас дҟаиҵарц. Уи иҷкәын иеиҳәеит иоуз адырра атәы. Иара аҭакс иҳәеит: "Ҳазшаз иудиҵаз гәаӷьы, саргьы сычҳара зеиԥшрахо гәасҭоаит", - ҳәа. Ҳазшаз уԥсы зегьы ала игәра умгозар, дхаумҵозар, аилкаара цәгьоуп уи иҟаиҵаз адҵагьы Ибрагим иигәаӷьызгьы. Убри аан Ҳазшаз дыздырыз, ирыцҳашьара, игәаԥхара зеиԥшроу еилызкааз, идиҵаз хшыҩла дшақәшаҳаҭымгьы игәра ганы сацныҟәоит ҳәа ашьаҿа аныҟаиҵа, Ибрагим игәы дҭаҵәыуа даанижьыртә ҟалашьа амаӡамызт", - иҳәеит Џьугьелиа.

Шәазызызырҩла арадио Sputnik Аԥсны аефир.

Иара убас шәаԥхьар ҟалоит:

37

Раионк аԥсҭазаараҟынтә: Царгәыш аӡиа Риҵа амашьынаргыларҭа аҟны русушьа атәы

3
(ирҿыцуп 20:36 24.09.2021)
Аӡиа Риҵа аҵакыраҿы амашьынаргыларҭа аҟны аус зуа Сасрыҟәа Царгәыш арадио Sputnik аефир аҟны еиҭаиҳәеит аҭыԥан аусура шеиҿкаауи, ирызцәырҵуа ауадаҩрақәеи ртәы.

Раионк аԥсҭазаараҟынтә: Царгәыш аӡиа Риҵа амашьынаргыларҭаҟны русушьа атәы
"…амашьынақәа ҳархылаԥшуеит, амбжьахрақәа ыҟам, уи аганхьала ҳҭынчуп. Азинхьчаратә маҵзура аусзуҩцәа ҳадгылоуп, ҳаицхыраауеит. Амашьына аргыларҭақәа х-ҭыԥкны иҟоуп, 150-200 машьына рҟынӡа хыхьтәи аҿы иакуеит.

Аус ишахәҭоу иууозароуп, иамуазар аҩны утәароуп. Иҟоуп еиҵахарақәак аныҟало амашьынақәа анырацәоу, аха аԥҟара еиҳарк иназмыгӡо аҭыԥан инхо ҳауп. Сааҭк амашьына аргылара 20 мааҭ иаԥсоуп, иҟоуп амш зегьы иргыланы ицо, урҭ 100 мааҭк ршәоит, - иҳәеит Царгәыш.

Аицәажәара шәазыӡырҩыр шәылшоит аудиофаил аҟны.

3

Қәҭелиа еиҭеиҳәеит раионцыԥхьаӡа шаҟа класс ҽыԥхьакра ишьҭу

4
(ирҿыцуп 18:21 24.09.2021)
Аҿкчымазара иахҟьаны ашколқәа рҟны аҭагылазаашьа зеиԥшроу, раионцыԥхьаӡа заҟа класс хыԥхьакра ишьҭу, абарҭқәа ртәы арадио Sputnik аефир аҟны еиҭеиҳәеит Аҵара аминистрра ауаажәларра рымадараз аинформациатә маҵзура аиҳабы Аслан Қәҭелиа.

Қәҭелиа еиҭеиҳәеит раионцыԥхьаӡа шаҟа класс акарантин ахь ишьҭу атәы
"…Раионла иаҳгозар, Очамчыра -12 класс рынӡа ахьыхьчарахь ишьҭуп, Гал - аҭагылазаашьа иаҳа иҭышәынтәалоуп, акарантинахь ишьҭу аклассқәа ыҟаӡам, Тҟәарчал-9 класск, Гәдоуҭа- школк аркуп, убасгьы араион аҟны хә-класск акарантин ахь ишьҭуп, Аҟәа араион - аҭагылазаашьа ҭышәынтәалоуп, акарантин ахь ишьҭу ҳамаӡам, Гагра араион - х-класск шьҭуп ахыхьчарахь, Аҟәа ақалақь - 11 класс 300 –ҩык инареиҳаны ахыхьчара ишьҭуп, 40-ҩык инареиҳаны иахьазы аковид рыдбалоуп", - иҳәеит Қәҭелиа.

Иаҳа инарҭбааны аицәажәара аудиофаил аҟны.

4