Арвелод Тарба

Ҭарба "Кавказ" аконцерт азы: акәашарақәа ҿыцрақәак рылаҳгалеит

33
Аԥснытәи аҳәынҭқарратә филармониаҿы нанҳәа 4 рзы ансамбль "Кавказ" хәыда-ԥсада аконцерт мҩаԥнагоит. Ари амш залхыз атәы арадио Sputnik аефир аҟны еиҭеиҳәеит Аҳәынҭқарратә акәашаратә ансамбль асахьаркыратә напхгаҩы, Жәлар рартист Арвелод Ҭарба.
Ҭарба "Кавказ" аконцерт азы: акәашарақәа ҿыцрақәак рылаҳгалеит

"Аконцерт ари амш азы иалкааны изазгәаҭоу, 1994 шықәса нанҳәа 4 рзы раԥхьатәи аҽазыҟаҵара ҳаналагаз ауп. Ансамбль аиҿкааразы раԥхьатәи ашьаҿа аныҟаҵаз ауп амза 4. Ижәдыруеит, акоронавирус ҟалеижьҭи аконцерт џьаргьы имҩаԥаҳамгацт, аҽазыҟаҵарақәа ракәзар рашәара ҩба рзы ауп ҳанрылагаз. Апрограмма еиқәҳаршәеит, аконцерт дҳарбар ҳҭахуп. Уи ашьҭахь иҳамоуп араионқәа рахь ақәгыларақәа, амза 7 рзы Гал имҩаԥаагоит, 11 рзы –Тҟәарчал, нанҳәа 13 рзы- Очамчыра, амза 18 рзы Гәдоуҭа. Аконцертқәа ҳауаажәлар хәыда-ԥсада идҳарбоит", - иҳәеит Ҭарба.

Аҳәынҭқарратә акәашаратә ансамбль "Кавказ" Аҟәа ақәгылара мҩаԥнагоит асааҭ 19 рзы, нанҳәа 4 рзы.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

33

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

4
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

4

"Жәлар рдоуҳа": Ҭодуаԥҳа аамсҭашәара иазкны

10
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

10

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

7
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

7