Гәдоуҭатәи ахәышәтәырҭа амедеиҳәшьа: аибашьраан аус шаҳуаз еиԥш иаҳуеит

48
(ирҿыцуп 11:17 05.08.2020)
Гәдоуҭа араионтә хәышәтәырҭа амедицинатә еиҳәшьа еиҳабы Ииа Гәымԥҳа-Барзаниа арадио Sputnik аефир аҟны еиҭалҳәеит COVID-19 зыхьуа шаҟаҩы ачымазцәа рзышьҭоу, русура иахьазы ишеиҿкаау.
Гәдоуҭатәи ахәышәтәырҭа амедеиҳәшьа: аибашьраан аус шаҳуаз еиԥш иаҳуеит

"Ахәышәтәырҭаҟны 36-ҩык шьҭоуп, урҭ рахьынтә хәҩык ахәыҷқәа роуп. Иуадаҩны ачымазара зхызго ҩыџьа ыҟоуп, қәрала аӡәы 60 ихыҵуеит, егьи - 64 шықәса. Уажәы ршоура ишьҭыҵыз ари ачымазара (акоронавирус - аред.) ауп изыдҳәалоу. Ахәыҷқәа хазы ранацәеи дареи ииаҳгеит, урҭ ргәабзиара уацәшәо иҟаӡам. Ахәшәқәа зегьы ирыхәҭоу ҳамоуп. Аусзуҩцәа рыла ауп аиашазы ҳзеиҵахоу. Ижәдыруеит Аҟәатәи аҩбатәи ахәышәтәырҭа шарку, аҳақьымцәа шычмазаҩхаз атәы. Гаграагьы шьҭа уамак ирҭахӡам арахь аара, избанзар ауадаҩрақәа рымоуп. Ара иҟоу ҳацәгьам, зегьы ҳаицхыраауеит, аха ҳамацара ҳамч зеибырхараны иҟаӡам… Амедицинатә усзуҩцәа ҳтахуп, аԥхьа иааит, иҳацхрааит, аха уажәы уамак ирҭахым, излаҳалшо ала ҳҽеидкыланы аибашьраан аус шаҳуаз еиԥш уажәгьы аҩныҟа ҳамцакәа аус ҳуеит. Исҭахуп, исҭахым ара иҟаӡам, ари џьармыкьаӡам, ҳахьцоз аусура закәыз ҳдыруан, ауаа урыхәароуп, ҳамгәамҵкәа ҳажәлар рымаҵ ҳуроуп", - лҳәеит Гәымԥҳа-Барзаниа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

48
Атемақәа:
Ачымазара ҿкы – акоронавирус Аԥсни адунеи аҿи: иалкаау (698)

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

12
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

12

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6