Абесалом Кварчия

Кәарҷиа: иаҳдыруан ажь, амандарина шыхәышәтәтәыз, убас шьҭа ихәышәтәлатәуп арасагьы

81
(ирҿыцуп 17:41 08.08.2020)
Арасаарыхра знапы алаку Абессалом Кәарҷиа арадио Sputnik Аԥсны аефир аҿы еиҭеиҳәеит сынтәа араса аҽаҩра зеиԥшроу, насгьы аҭагылазаашьа еиҳа еиӷьхарц азы иҟаҵатәны ииԥхьаӡо.
Кәарҷиа арасазы: ажәытәан еиԥш ирмарианы аҟаҵара, аархыра шьҭа иаҳхашҭроуп

"Араса аарыхцәа иара атәы рҵеит. Раԥхьа ирымаз аԥырхага, ачымазарақәа, ирҵеит иарбан хәшәқәоу ианаало, аха макьана ауаа еиҭа идырдырлатәуп, идырҵалатәуп. Араса аазрыхуа иахьа агротехника ишацәыхароу аныԥшуеит. Аԥсабара аҽаԥсахит, адгьылгьы ааԥсеит шьҭа, хәыҷык уи уамыцхраар аҽаҩра уоуӡом, ажәытәан ишыҟаз еиԥш иҟаӡам шьҭа. Ацхыраара азымҭаз, изымхәышәтәыз зегьы рраса чмазаҩуп. Ҭыԥк аҿы иахьгәасҭаз 40 рыц рҟынтә ҩба роуп ибзиаз. Ажәытәан ишыҟаз араса ирмарианы аҟаҵара, аархыра, уи шьҭа иаҳхашҭроуп. Иаҳдыруан ажь, амандарина шыхәышәтәтәыз, убас шьҭа ихәышәтәлатәуп арасагьы. Анхаҩы иҵаҳәатәуп иҟаиҵар акәу, агрономцәа ыҟазароуп араса атәы здыруа. Гал араион уи аганахьала ҳаԥхьаҟа ицеит, урҭ ирымоу араса ахәышәтәышьа рҵеит, азнеишьа рҵеит, араса ҵыԥхгьы ибзиан, сынтәагьы ус. Арахь ҳқыҭақәа рахь ус ажәҩан иаҵаԥшуа итәаз "акагьы ахьӡом, уи усшәа иунарбоит" ҳәа. Аха ачымазара аҩныҵҟа иаӷралоит, аӡын нҵәаны ааԥын ҳанҭало аамҭаз акгьы аныԥшӡом, ауаҩы ираса бзиоушәа ибоит, аха убысҟан ихәышәтәтәуп. Ҳгәы итоуп анхаҩцәа рзы амзақәа инарықәыршәаны иҟарҵаша атәы зҳәо аԥҟарақәа раҳҭарц", - ҳәа еиҭеиҳәеит Кәарҷиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

81
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Раионк аԥсҭазаараҟынтә: Бганба Гагра сынтәатәи атуристтә сезон азы

39
Гагра ақалақьи араиони ирыҵанакуа акурорти атуризми рзы аусбарҭа аиҳабы Ахра Бганба арадио Sputnik аефир аҿы еиҭеиҳәеит араион аҿы атуристтә аамҭа амҩасшьа атәы.

 

Раионк аԥсҭазаараҟынтә: Бганба Гагра сынтәатәи атуристтә сезон азы

"Гагреи Гагра араиони рҿы аҿкы чымазаразы аҭагылазаашьа ҭышәынтәалоуп, уи ҳгәы шьҭнахуеит. Хаҭалатәи асасааирҭақәеи иара ус идуу аԥсшьарҭатә ҩнқәеи ирабжьгоуп апандемиатә ԥҟарақәа рықәныҟәара. Макьана аӡә дырхашшауа арзаҳал шьҭаимҵац, асасааирҭақәа рнапхгаҩцәа рхала еилыркаауазароуп избан аԥҟарақәа рықәныҟәара заҭаху. Изышьақәымгылаз апутиовкақәа рзы асасааирҭақәа аԥара дмыргьежьит ҳәа аӡә ҳахь дмышшыцт. Иара убасгьы, уаанӡа апутиовка ԥаршеиқәа шаархщоз еиԥш сынтәа аӡә джьоуп ҳәа адырра ҳмоуцт", - ҳәа азгәеиҭеит Шамба.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

39