Феликс Джинджия

Џьынџьиа еиҭеиҳәеит Очамчыратәи аԥшьбатәи ашкол азы аҵарашықәс инахар залшо

49
(ирҿыцуп 14:33 08.08.2020)
Очамчыра араион аҵара аҟәша аиҳабы Феликс Џьынџьиа арадио Sputnik аефир аҟны еиҭеиҳәеит Аԥсны аҵареи абызшәатә политикеи рминистр араион аҟны иныҟәараан ашколқәа дшырҭааз, Очамчыратәи аԥшьбатәи ашкол азы аҵарашықәс изнахахо атәы.
Раионк аԥсҭазаараҟынтә: Џьынџьиа Очамчыра аҵарашықәс ишазхиоу атәы

Аминистр даҭааны игәеиҭеит Ҭхьынатәи ашкол. Уи ҵыԥх аҵарашықәс азы ахархәарахь ирыҭан. Акык-ҩбак асса-мыссақәа иагқәаз аиҳабыра рлымҳа аҟынӡа инаганы еиҿыркаартә иҟасҵоит иҳәеит. Уи ашкол аҵарашықәс азы ахәыҷқәа рыдкылара иазхиоуп. Жәларбжьаратәи аиҿкаарақәа рыбзоурала х-еихагылакны иҟоу Аҽгәаратәи ашкол ҿыц идыргылаз даҭааит. Аспорттә хәмаррақәа ахьымҩаԥырго азал шьҭа иахьазы ахыркәшарахь инеиуеит. Даара идуу хыброуп, ибзианы еиҿкааны аусқәа мҩаԥысуеит. 1995 шықәса раахыс уаҟа ахәыҷқәа аҩнқәа ҩба рҟны иҩнартәаны аҵара ддырҵон. Аибашьра аан ааха зауз ашкол ауп уажәы ишьақәдыргылаз. Уаҟа ахәыҷқәа рхыԥхьаӡара 130-ҩык ыҟоуп, ашкол анапхгара ишырҳәаз ала, сынтәа урҭ рхыԥхьаӡара даҽа 10-20-ҩык рҟынӡа ацлар ауеит… Аҵара аминистр ҳицны ҳаҭааит зыргылара иалго ақалақьтә хәыҷбаҳча, уи иагқәоугьы ыҟоуп. Очамчыра уадаҩрас иҳамоу акалақь аҟны иҟоу аԥшьбатәи ашкол, абаӷәаза ааигәа иҟоу, аилабгарахь ахы археит… Уаанӡа иҳамаз ахәыҷбаҳчахь аҵаҩцәеи арҵаҩцәеи ииагатәхоит. Уи, хымԥада, ауадаҩрақәа ацуп. Иҟалоит мызкы, мызки бжаки уаҟа аҵарашықәс ҳнахаргьы, избанзар ахәыҷқәа тәартә еиԥш иҟаумҵакәа иузнагаӡом", - иҳәеит Џьынџьиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

49

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

6
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

"Жәлар рдоуҳа": Ҭодуаԥҳа аамсҭашәара иазкны

12
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

12

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

10
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

10