Соломко Ԥсҳәыҟа аекскурсиатә маршрут аиҿкааразы: ус баша машьынала уахьнеиша ҭыԥым

138
(ирҿыцуп 12:20 09.08.2020)
Атуристә хеилак Visit.abkhazia.travel аиҳабы Денис Соломко арадио Sputnik Аԥсны аефир аҿы еиҭеиҳәеит раԥхьаӡа акәны Ԥсҳәыҟа аекскурсиатә амаршрут ҿыц аԥшьгара шыҟалаз атәы.
Раионк аԥсҭазаараҟынтә: Соломко Ԥсҳәыҟа аекскурсиа аиҿкаара иазкны

"Ақыҭа Ԥсҳәы аӡбахә змаҳац дыҟам, аха ус баша амашьына уҭалан уахьнеиша ҭыԥым, ихароуп, шьхароуп. Атуризм аганахьала ари аинтерес ду аҵоуп ҳәа сгәы иаанагоит, убри аҟнытә иаԥшьган аекскурсиатә маршрут аиҿкаара. Раԥхьатәи Аҟәантә ицаз амашьына ҭәуп, иара еиднакылеит аҭыԥантәи ауааԥсыра. Ҳара лымкаала аҩныҵҟатәи атуризм азҿлымҳара аҭатәуп ҳәа азаҳаԥхьаӡоит, ҳажәлар ирдыруазароуп ртәылаҿы иҟоу аҭоурыхтә ҵакы змоу аҭыԥқәа, иара уи адагьы, иҟоу аԥшӡарақәа. Уахь инеиртә еиԥш аҭагылазаашьагьы рзаԥҵатәуп. Ари амаршрут маншәалахар, иаҳҭахуп араионқәа рҟынтә ахәыҷқәа автобусла егьырҭ араионқәагьы дҳардырырц, урҭ дҳарбарц", – ҳәа еиҭеиҳәеит Соломко.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

138

Арӡынба: Аԥсны азакәан амч ӷәӷәахар, Ҭырқәтәылантәи нхара иаауа ҳауаажәлар рацәахоит

3
(ирҿыцуп 19:37 27.09.2020)
Ҭырқәтәылантәи забдуцәа рџьынџь ахь нхара ихынҳәыз Аҟәа араион Ачадара акыҭаҟны инхо Раҳми Арӡынба арадио Sputnik аефир ала ицо арубрика "Раионк аԥсҭазаараҟнытә" аҿы еиҭеиҳәеит Аԥсны инхашьа-ибзазашьа атәы.
Раионк аԥсҭазаараҟынтә: Арӡынба Ачадара ақыҭаҟны ибзазашьа атәы

"… Зны сҩызак Ҭырқәтәылантә даан ус сеиҳәеит: "Ақыҭаҟны унхоит, арахь акәтаӷь умаӡам, аӡәы дузааиргьы ирҿоумҵои, узлақыҭауаҩи акәты умамзар?" - ҳәа. Абас сеиҳәан, сирԥхашьеит. Акәтааӡара сыздыруам анысҳәа, уи азы аҵара аҭалара аҭахым иҳәеит… Нас саалаган аинкубатор аазгеит Ҭырқәтәылантәи, акәытқәа анысҵеит… Аԥсназы ухы иаурхәозар иҟауҵо аус ыҟоуп. Уаҳа акгьы узыҟамҵозар, ахш узҭо ажә ааухәаргьы – уабоит. Иугәамԥхо аус ауп иуадаҩу, иуҭахымкәа иҟауҵо", - иҳәеит Арӡынба.

Ҭырқәтәылеи Аԥсныи ақыҭаԥсҭазаашьа еиҿырԥшуа иазгәеиҭеит аашьаҩцәа зегьынџьара ишеиԥшу. Раҳми еиҭеиҳәеит амедицинатә цхыраара аниҭаху иахьиоуа атәы, иара убас Ҭырқәтәыла инхо аԥсуаа арахь нхара раара иаԥырхагоу ҳәа ииԥхьаӡо атәы.

Шәазыӡырҩы аудио.

Иара убас шәаԥхьар ҟалоит:

3
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

9
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

9

Аслан Бжьаниа Аԥсны ауааԥсыра Аҟәа ахақәиҭтәра амш рыдиныҳәалеит

4
(ирҿыцуп 20:27 27.09.2020)
Аԥсны Аҳәынҭқарра аҳҭнықалақь Аҟәа ақырҭуа мпыҵахалаҩцәа рҟынтә ахы иақәиҭтәын 1993 шықәса, цәыббра 27 рзы.

АҞӘА, цәыббра 27 - Sputnik. Аԥсны ахада Аслан Бжьаниа иуаажәлар ирыдиныҳәалеит Аҟәа ахақәиҭтәра амш ҳәа адырра ҟанаҵеит атәыла ахада ипресс-маҵзура.

День освобождения Сухума 27 сентября 1993 года
© Фото : предоставлено Госмузеем Абхазии

"Ишәдысныҳәалоит ҳаҳҭнықалақь ахақәиҭтәра 27 шықәса ахыҵра! 1993 шықәса, цәыббра 27 – Аԥсны Аџьынџтәылатә еибашьра аҭоурых аҟны хьӡи-ԥшеи змоу, ифырхаҵаратәу амшқәа иреиуоуп. Абри аҽны ақырҭуа мпыҵахалаҩцәа ықәцаны Аҟәа ахақәиҭтәрала ихыркәшахеит 11 мшы ицоз аԥсуаа ржәылара. Ҳаҳҭнықалақь иахашәыршәырит аԥсуа бираҟ, ҳархәҭақәа рымҩа ԥхьаҟа иацырҵеит Аԥсны аҵакыра зегьы ахы иақәиҭыртәырц", - ҳәа аҳәоит атәыла ахада иадныҳәалараҿы

Аслан Бжьаниа Аҟәа аизҳареи ашәҭыкакаҷреи азеиӷьишьеит.

1993 шықәса, цәыббра 27 рзы аԥсуа ар Аҟәа агәы иалалеит, асааҭ 15:30 рзы Аԥсны Аҳәынҭқарра абираҟ Совмин ахыбра иахашәыршәыруан, аҳҭнықалақь ахы иақәиҭтәын.

Иара убас шәаԥхьар ҟалоит:


 

4