Саида Жиба

Жьиԥҳа Гагра араион ауааԥсыра аҿкы рҽацәыхьчаразы: аԥҟарақәа ирықәныҟәом

35
(ирҿыцуп 13:10 11.08.2020)
Ажурналист Саида Жьиԥҳа арадио Sputnik Аԥсны аефир аҿы еиҭалҳәеит Гагра араион аҿы ачымазара ҿкы акороновирус ауааԥсыра рхы шацәырхьчо, насгьы акурорттә қалақь аҟны ирацәоума аԥсшьаҩцәа.
Жьиԥҳа: Гагра араион аҿы ауааԥысра ԥҟарак аҳасабала аҿкы рҽацәырыхьчом

"Гагра араион аҿы аԥсшьаҩцәа рганахьала аҭагылазаашьа хар амаӡам ҳәа азуҳәар алшоит, сара ақалақь аҿы инхо иаҳасабала имаҷны избоит ҳәа сҳәар сылшоит, аха агәҭычымра сымоуп избанзар, асассаирҭақәа рҿы аҿкы аҽацәыхьчаратә маҭәарқәа ныҟәыргаӡом, иара адәқьанқәа рҟны аӡәык-ҩыџьак рыда ус инеиԥынкыланы ԥҟарак еиԥш ишьақәыргыланы аӡәгьы дацныҟәом. Иҟоуп аҭыԥантәи анхацәа, абжьааԥны аԥсшьаҩцәа здызкылоз, уажәы ишәаны урҭ мап рцәыркуеит. Акаҳуажәарҭақәа зегьы русура хацдмыркит, мызкы-ҩымз рзы иманшәалаӡам аиҿкаара, убри аҟнытә сынтәа иаангылеит", - ҳәа еиҭалҳәеит Жьиԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

35
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Раионк аԥсҭазаараҟынтә: Бганба Гагра сынтәатәи атуристтә сезон азы

39
Гагра ақалақьи араиони ирыҵанакуа акурорти атуризми рзы аусбарҭа аиҳабы Ахра Бганба арадио Sputnik аефир аҿы еиҭеиҳәеит араион аҿы атуристтә аамҭа амҩасшьа атәы.

 

Раионк аԥсҭазаараҟынтә: Бганба Гагра сынтәатәи атуристтә сезон азы

"Гагреи Гагра араиони рҿы аҿкы чымазаразы аҭагылазаашьа ҭышәынтәалоуп, уи ҳгәы шьҭнахуеит. Хаҭалатәи асасааирҭақәеи иара ус идуу аԥсшьарҭатә ҩнқәеи ирабжьгоуп апандемиатә ԥҟарақәа рықәныҟәара. Макьана аӡә дырхашшауа арзаҳал шьҭаимҵац, асасааирҭақәа рнапхгаҩцәа рхала еилыркаауазароуп избан аԥҟарақәа рықәныҟәара заҭаху. Изышьақәымгылаз апутиовкақәа рзы асасааирҭақәа аԥара дмыргьежьит ҳәа аӡә ҳахь дмышшыцт. Иара убасгьы, уаанӡа апутиовка ԥаршеиқәа шаархщоз еиԥш сынтәа аӡә джьоуп ҳәа адырра ҳмоуцт", - ҳәа азгәеиҭеит Шамба.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

39