Емырхәба Гал аԥхынтәи акинотеатр аартразы: аҿар еидызкыло акәны иҟалеит

39
(ирҿыцуп 19:19 17.08.2020)
Гал араион ахада ихаҭыԥуаҩ Беслан Емырхәба арадио Sputnik аефир аҿы еиҭеиҳәеит араион аҿы аҿар рзы еиҿкаахаз аԥхынтәи акинотеатр атәы.
Раионк аԥсҭазаараҟынтә: Емырхәба Гал аԥхынтәи акинотеатр иазкны

"Актәи амчыбжь азы араион ахада акадрқәа рызҵаара рыӡбон, иаҳҭахуп иманшәалоу аҭагылазаашьа аԥҵара ажәар рҭахрақәа инарықәыршәаны. Уажәы аҿар рзы ақалақь аҿы аԥхынтәи акинотеатр аартхеит. Уа иҟоуп хәыда-ԥсада аинтернет, аҿар рзы ари хҭыс бзиахеит. Раԥхьатәи амшқәа рзы ирацәаҩын уи иахәыԥшырц инеиз. Уа иддырбоит амультфильмқәеи акинофильмқәеи. Иара есыҽны аус аулоит, амала амш бзиазар", - ҳәа еиҭеиҳәеит Емырхәба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

39

Қапба аҩнеихагылақәа рҿы амаинингқәа рызҵааразы: ҳара ҳзызку ацәгьаҳәароуп

8
Ирылшозеи аҩнусбарҭақәа амаинингқәа рызҵаараҿы, абри атәы арадио Sputnik аефир аҿы еиҭеиҳәеит Аҟәа ақалақь ахадара иаҵанакуа ахәбатәи аҩнусбарҭа азиндырҩы Аслан Қапба.
Хра злоу ахҭысқәа: Қапба аҩнеихагылақәа рҿы амаинингқәа рызҵаара иазкны

"Хықәкыла усқәак мҩаԥаҳгоит ҳҳәаргьы ииашахом. Аҟәа ақалақь ахадараҿы имҩаԥысит аизара, ари азҵаарала, уи иалахәын аҩнусбарҭақәа рхадацәа. Иара идҵала амаинингқәа ззықәгылоу ӡәыр даҳдыруазар, информациак раҳҭарц. Аха уи ашьақәыргылара цәгьоуп, избанзар, ажәлар ааины анхацәа ани имоуп ари имоуп ҳәа аӡәгьы дашшауам, аинформациагьы ҳаиҭом. Дара рыԥшаара ус имариам, уахьнеиша узымдыруазар, шьаҭанкыла зегь аимдара уигьы цәгьоуп. Иҳаҳауазаргьы уи уҳәансҳәанлоуп. Ҳара ҳнеиргьы иҳамаӡам азин уи аҿыхра, харак идҵара. Иаартны иаҳҳәозар, ацьгьа ҳҳәароуп - убриоуп ҳара ҳзызку. Ҳара ҳусбарҭа урҭ аусқәа ирызкым, иаартны усҳәоит, хықәкыла акы ҳаҿуп ҳәа шәасҳәар, мцуп", - ҳәа иҳәеит Қапба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8
Атемақәа:
Аԥсны аенергетика апроблемақәа

Багаҭелиа аҩнеихагылақәа рҿы амаинингқәа рызҵааразы: ҳаимдо ҳабжьоуп

14
Аҟәатәи аҩнусбарҭа №2 аиҳабы Алексеи Багаҭелиа арадио Sputnik аефир аҿы еиҭеиҳәеит аҳҭнықалақь ахада идҵа амаинингқәа рызҵааразы анагӡара аус шцо атәы.

 

Багаҭелиа аҩнеихагылақәа рҿы амаинингқәа рызҵааразы: ҳаимдо ҳабжьоуп

"Беслан Ешба идҵа амининг машьынақәа ахьықәгылоу аилкааразы аусура анагӡара ҳаҿуп. Ахыбқәа, аҩнаҵаҟақәа уҳәа ацәаҳәақәа ахьнагоу еилкаатәуп, зегьынџьара ҳаимдо ҳабжьоуп. Аҩны аҩналара азин ҳамаӡам, аха ахыбқәеи аҩнаҵаҟақәеи еимаҳдоит, иахьыҟоугьы ҳбахьеит. Ауааԥсырагьы ҳрацәажәахьеит, еилызкаауа дыҟоуп, еилызымкаауа дубап. Еилызкаауа иаразнак иаҿырхуеит. Нас ҳусзуҩцәа цан игәарҭоит, иахылаԥшуеит. Иалкаахаз аҭыԥқәа ақалақь ахадеи аҩнуҵҟатәи аусбарҭақәеи рҟынӡа инаҳгоит, анаҩс дара русура нарыгӡоит. Аҩнеихагылақәа рҿы амаинингқәа рықәыргылара азин ыҟам, избанзар ара аиԥырҟьагақәа, арубильникқәа ҳәа изышьҭоу амоуп. Зегьы анаҿауклак, иара былуеит, уи џьарак акәым, ҩыџьарагьы акәым. Дара ауааԥсыра рхаҭагьы роуп лашарада иаанхо. Ҳара ҳцәаҳәақәа ирылшаӡом ас еиԥш ақәыӷәӷәара. Ауаа арԥхагақәа аҿаркуеит, адашьмақәа, аӡыршы, ирылшаӡом иара зегьы ацәаҳәақәа, ибылуеит", - ҳәа еиҭеиҳәеит Багаҭелиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

14

Аԥсны ахада мчыбжьык аамҭа риҭеит афымцалашара ахархәара аларҟәразы

4
(ирҿыцуп 19:11 22.01.2021)
Аԥсны ахада Аслан Бжьаниа ажьырныҳәа 22 рзы аилацәажәара мҩаԥигеит ареспубликаҿы иҟоу аенергетикатә кризис иазкны.

АҞӘА, ажьырныҳәа 22 – Sputnik, Бадраҟ Аҩӡба. Мчыбжьык аҩнуҵҟала араионқәа рҿы афымцалашара ахархәара аларҟәра алымшар, араионқәа рхадацәа, амилициа, апрокурорцәа лахь рыҭахоит. Егьи иааиуа ашәахьазы аҭагылазаашьа аҽеиҭанамкыр – русура иамххоит ҳәа иҳәеит Аԥсны ахада Аслан Бжьаниа ажьырныҳәа 22 рзы аилацәажәараҿ.

"Зегь иаразнакы, аамҭа мгакәа иҟаҵатәуп. Ари апроблема аӡбара Аекономика аминистрреи Аҩнуҵҟатәи аусқәа рминистреи рымацара рықәҵара иашаӡам. Ақыҭақәа рхадацәа зегьы ирдыруеит досу инапы злаку. Мчыбжьык ахы-аҵыхәала аҭагылазаашьа шәнапахьы иаажәгароуп", - ҳәа иҳәеит аҳәынҭқарра ахада.

Иара иажәақәа рыла аенергетика аусхк аҟны аҭагылазаашьа ҷыда ыҟоуп.

"Акризис алҵразы аҭагылазаашьа ҷыдақәа ҳадаҳкылароуп. Сара иҟоу ауп исҳәо", - ҳәа иҳәеит ахада.

2019 шықәса абри аамҭа иаҿырԥшны 2020 шықәса рзы афымцалашара ахархәара иааизакны 21 процент ихалеит. Тҟәарчали Тҟәарчал араиони рҿы – 62 процент, Очамчыра араион - 56 процент, Аҟәа араион - 47 процент, Гәылрыԥшь араион - 31 процент ҳәа арбагақәа рыӡбахә иҳәеит ахада.

"Араионқәа рҿы аштабқәа аԥҵахоит. Урҭ напхгара рыҭареи азеиԥш хылаԥшреи мҩаԥыргоит араионқәа рхадацәа. Аштаб иалахәхоит: амилициа аиҳабы, апрокурор, аенергетик. Иахьа хәылбыҽханӡа шәара шәусурақәа рахь шәнеины, аиԥыларақәа мҩаԥыжәгоит. Ари азҵаара зус алоу аминистрцәа русзуҩцәа иахәҭоу адҵақәа рырҭоит. Аштаб актәи аилатәара анымҩаԥыжәгалак, уаха аԥыза-министр инапынҵақәа назыгӡои ахада Иусбарҭа аиҳаби адырра рышәҭоит аштаб аилатәара шымҩаԥысыз азы", - ҳәа иҳәеит ахада.

Бжьаниа Тҟәарчал араион ахаҭарнак диазҵааит араион аҿы афымцалашара ахархәара азҳара мзызс иамои ҳәа.

"Шәраион аҿы афымцалашара ахархәара азҳара мзызс иаиузеи? Анаплак ҿыцқәа аусура иалагама?" - ҳәа дҵааит Аслан Бжьаниа. Уи аҭак иҭан закәаншьаҭада афымцацәаҳәақәа рыҽрыԥшьра шакәу мзызс иҟоу.

Абри аҩыза азҵаара иҭан Гәылрыԥшь араион ахада Аслан Бараҭелиагьы. Уи иҭакгьы амаининг фермақәа ирыхҟьеит акәын.

Аилацәажәара иалахәын Ашәарҭадаратә хеилак амаӡаныҟәгаҩ Сергеи Шамба, Аҩнуҵҟатәи аусқәа рминистр Дмитри Дбар, "Амшынеиқәафымцамч" адиректор хада Михаил Логәуа, ареспублика ақалақьқәеи араионқәеи рхаҭарнакцәа.

Иара убас шәаԥхьар ҟалоит:

4
Атемақәа:
Аԥсны аенергетика апроблемақәа