Астан Аристава

Арсҭаа аԥсшьарҭаҩны "Ауадҳара" аусуразы: аҭыԥқәа ззымхаз рацәаҩуп

36
Аԥсшьарҭаҩны "Ауадҳара" аиҳабы Асҭан Арсҭаа арадио Sputnik аефир аҿы еиҭеиҳәеит иахьа апансионат аҿы зыԥсы зшьо ауаа ахьынӡарацәоу, насгьы иарбан еиҭакрақәоу егьырҭ ашықәсқәа ирҿырԥшны уаҟа имҩаԥысыз.
Арсҭааа аԥсшьарҭаҩны "Ауадҳара" аусуразы: аҭыԥқәа ззымхаз ирацәоуп

"Сынтәа апансионат ахь иаауа рхыԥхьаӡара еиҳа ирацәоуп, егьырҭ ашықәсқәа ирҿырԥшны аҭыԥқәа ззымхазгьы иаҳа ирацәаҩуп. Апансионат аусура иалагеит ԥхынгәымзазы, уигьы ҳлакҩакуан. Зны иааҳартит хә-ҩык рҭыԥ змоу аҩнеихасақәа жәаба, нас иасуаз ауааԥсыра рхыԥхьаӡара анырацәаха, ԥшьеихагылак змоу асасааирҭагьы ааҳартит. Убри аахыс апансионат 80-85% иҭәуп. Иааиуа еиҭа 15 мшы аҭыԥқәа зегьы аанкылоуп. Егьыс сынтәа анхашәа-ачашәа иадҳәаланы ҿыц акгьы ҟаҳамҵеит. Ирацәаҩуп апансионат акәша-мыкәша апалаткақәа ргыланы зыԥсы зшьо, иара ауаагьы идыргыло иалагеит аҩнқәагьы, еснагь ицо-иаауа рацәаҩуп. Егьырҭ ашықәсқәа рзы иҳаман аҭагылазаашьа аԥсшьаҩцәа ҳадкылара, сынтәа ус иҳалымшеит ара зыԥсы зшьо зегьы аҭыԥантәи ауааԥысра роуп. Апалаткақәа ракәзар, урҭ рҿгьы зыԥсы зшьо ҳтәылауаа роуп, ари ачымазара иахҟьаны иҟалап ус ала ауаа рхы рыхьчозар", - еиҭеиҳәеит Арсҭаа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

36

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6