Аслан Авидзба

Аҵарауаҩ: ҳҳәынҭқарра ашәарҭадара атанкқәеи ракеталеи иаҳзыхьчом, аха наукала иалшоит

13
(ирҿыцуп 14:37 20.08.2020)
Аԥсны агеополитикеи амилаҭтә шәарҭадареи ирызкыз аҭҵаарадырратә семинар аҟны ажәахә змаз аҭоурыхҭҵааҩ Аслан Аҩӡба арадио Sputnik аефир аҿы еиҭеиҳәеит аҭҵаарадырреи атәыла ашәарҭадареи шеидҳәало.
Ҳазлацәажәаша ҳамоуп: Аҩӡба анаукеи аҳәынҭқарра ашәарҭадареи иазкны

"Ҳтәылаҿы ашәарҭадара иадҳәалоу ауадаҩрақәа ирыцымлозар, ирыгхом. Анаука аҭыԥ ӷәӷәа ааннакылоит аҳәынҭқарра ашәарҭадара аиқәырхареи, аҳәынҭқарра аинтересқәеи рыхьчараҿы. Ҳамацара ҳакәым, адунеи аҿы аҳәынҭқаррақәа еиҿыркааижьҭеи аҵарадырреи аналитикеи аҳәынҭқарраҿы аԥхьагылара змаз хырхарҭоуп. Ҳара ҳҿы уи ахаҵгылара ишахәҭоу еиԥш иамаӡам. Аҳәынҭқарраҿы аус зуа рполитика амҩаԥгараҿы раԥхьа игылазароуп анаукатә знеишьа. Иарбан усбарҭазаалакгьы иҟазароуп аҵарауааи аналитикцәеи рхеидкылақәа, иара убас, иҟазароуп апроблема наукала иҭызҵаауа агәыԥқәа. Аҳәынҭкараҿы иахьа анаука аҵакы амаӡам, уи аҭахымшәа ахы мҩаԥнагоит. ас еиԥш азнеишьа анаука аусзуҩцәа ракәӡам изԥырхагоу, иара аҳәынҭқарроуп изԥырхагоу. Аҳәынҭқарра ашәарҭадара ҳара атанкқәеи, акосмоси, ракеталеи иаҳзыхьчаӡом, аха ахҭысқәа анализ ҟаҵаны ахымҩаԥгашьа ҳақәымшәар, ҳхы ҳзеиқәырхаӡом, уи азы апрогноз ҟазҵо аҵарауаа роуп", - ҳәа еиҭеиҳәеит Аҩӡба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

13

Џьапуа COVID-19 иахҟьаз аԥкрақәа рзы: аҽынкыларазы иҟаҳҵаз алаҳәара анхацәа адгылеит

2
(ирҿыцуп 12:41 26.09.2020)
Отаԥ ақыҭа ахада Шьалодиа Џьапуа арадио Sputnik аефир аҿы еиҭеиҳәеит жьҭаара 5 инаркны атәылаҿы иалагалахо аԥкрақәа рзы ажәабжь анхацәа ишрыдыркылаз атәы.
Џьопуа COVID-19 иахҟьаны аԥкрақәа ралагаларазы: аҽынкылараз ҳаҳәара анхаҩцәа адгылеит

Аԥсны ахада Ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уи инақәыршәаны 2020 шықәса жьҭаара 5 инаркны Аԥсны аҵакыраҿы: массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара алмыршахароуп, иара убасгьы ачарақәеи егьырҭ аныҳәатә уснагӡатәқәеи аанкылатәхоит. Аԥсыжрақәа рҿы акәзар, ауаа рхыԥхьаӡара армаҷра азԥхьагәаҭатәуп.

"Инарҭбааны ачароуразы, инарҭбааны ацәашьхәыҟаҵаразы аҽынкылара шаҭаху зегьы адырра рымоуп, ауаа уаанӡеиԥш еинианы аԥшьгарақәа ҟарымҵарцаз ирацәаны аицәажәарақәа мҩаԥаагахьеит, абыргцәа адгаланы. Уи ззеилымкаауа ҳәа нхаҩы дыҟаӡам, аҽынкыларазы иҟаҳҵаз алаҳәара зегьы ақәшаҳаҭуп. Ачымазара ҳқыҭаҟынтә макьана аӡәгьы имыхьыцт, иара ари аамҭа иалагӡаны агәаҟра ӷәӷәагьы ҟамлацт", - ҳәа азгәеиҭеит Џьапуа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

2

Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит.РЕЗЕРВ

0
(ирҿыцуп 12:38 26.09.2020)
Анаплакҩы Давид Ԥлиа арадио Sputnik аефир аҟны еиҭеиҳәеит апандемиа аамҭазы аԥкрақәа шынарыгӡо, аусутә агхара инапаҵаҟа аус зуа ишырныԥшуа атәы.
Анаплакҩы Ԥлиа апандемиа аамҭазы иусзуҩцәа рзы: сыҩнапык рыларԥаны искызаауеит

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны ауаажәларратә крыфарачаратә обиектқәа хымԥада аишәақәа рыбжьара метраки бжаки еиҵамкәа адистанциа аздырхиароуп, амаҵзуратә персонал ахыхьчагатә хархәагақәа ныҟәыргозароуп.

"Ас еиԥш иҟоу аԥҟара анрыдыркыла, иҟаҳҵари, ҳхы ақәҳаршәароуп…Уи усҟангьы иҟаҳҵеит (мшаԥымзазы иалагалаз аԥкрақәа ртәы –аред.), уажәгьы ауаа рсоциалтә дистанциа ҟаҳҵартә еиԥш аамҭа ҳамоуп, акрахьырфо азал дууп", - иҳәеит Ԥлиа.

Убри аан иара иазгәеиҭеит ауадаҩрақәа цәырҵыр шауа аус ахьыруа ашколқәа рыкрыфарҭақәа рҟны.

Анаплакҩы иазгәеиҭеит апандемиа русура акыр ишаныԥшыз, аха иагьа ус акәзаргьы иусуцәа уалафахәыда ишааныимыжьуа.

"Сҭаацәа ирыгыжьны аԥара сшәозаргьы, сусуцәа нхартә еиԥш, аус руртә еиԥш схы ныҟәазгароуп. Ҳара аԥхын иҳадаҳкыло, нас ӡын аусура иамҳхо асистема ыҟаӡам ҳа ҳҿы. Сара даара зегьы срықәгәыӷуеит (инапаҵаҟа аус зуа рзы), убри аҟынтә сыҩнапык рыларԥаны ишыску жәдыруазааит",- иҳәеит Ԥлиа.

Шәазыӡырҩы аудио. иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

0