Аҩӡԥҳа агазеҭ "Ерцахә" азы: аҟазацәа радыԥхьалара уадаҩуп

16
(ирҿыцуп 14:01 23.08.2020)
Очамчыратәи араионтә газеҭ "Ерцахә" аредактор хада Хьыкәыр Аҩӡԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит агазеҭ аҭоурыхи иахьатәи аусура аиҿкаашьеи ртәы.
Раионк аԥсҭазаараҟынтә: Аҩӡԥҳа агазеҭ "Ерцахә" иазкны

"Очамчыратәи араионтә газеҭ "Ерцахә" актәи аномер ҭыҵит 1933 шықәса абҵара 15 рзы. Убри аахыс иҭыҵуеит агазеҭ. Абраҟа аус руан еицырдыруа ажурналистцәа. Костиа Кәыҵниа инеиԥынкыланы акыр шықәса агазет аредактор хадас дыҟан. Агазеҭ ахьӡ ԥсышәала ада даҽакала иузымԥсахо иҟазҵаз раԥхьа дгылоуп апатриот Иура Коӷониа. Аибашьра шеилгаз аиааира амш адырҩаҽны инаркны еиԥҟьарада агазеҭ аредакциа аусура иалагеит. Мызкы ҩынтә иҭыҵуеит, агазеҭ ҭыҵуеит ҩ-бызшәак рыла – аԥсуа бызшәеи аурыс бышәеи. Ҳәарада, аԥсуа бызшәала аҩырақәа иаҳа ирацәоуп аурыс бызшәала иҭыҵуа аҩымҭақәа раасҭа. Ҳгазеҭ ахьыҭҳажьуаз аҭыжьырҭа араион аҿы иҟан. Аибашьра анеилгаз уаанӡа ишыҟаз еиԥш убас аусура иацнаҵон аибашьра ашьҭахьгьы, аха амашәыр иахҟьаны уи ҳгазеҭ ҭыжьырҭа блит. Уи нахыс агазеҭ ҭҳажьуеит Аҟәа Акьыԥхь аҩнаҟны. Атираж 600 цыра ыҟоуп, ахә 15 мааҭ. Араион ахадара еснагь ари агазеҭ иазҿлымҳауп еиԥымҟьарада иҭыҵырц ацхыраара ҟарҵоит. Ибжьаҳмыжьӡеит номерк ада. Уи раԥхьа абри акарантин аныҟала аамҭала ҳҽаанаҳкылеит. Аспециалистцәа радыԥхьалара уадаҩуп, избанзар ауалафахәы згәы еихьнашьуа ыҟоуп. Араион ахадара ҳацхрааны ашкол аушьҭымҭацәа ажурналистика афакультет ахь иаҳашьҭуа маҷӡам, аӡәгьы дгьежьны макьана дмааӡацт", - лҳәеит Аҩӡԥҳа.

Шәазыӡырҩы аудио.

Иара убас шәаԥхьар ҟалоит:

16

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30
Аслан Кобахия

Хра злоу ахҭысқәа: Кобахьиа "Абџьар азы" азакәан апроект азы

12
Аҩбатәи аԥхьарала Аԥсны Жәлар Реизара адепутатцәа ирыдыркылеит абџьар азы азакәан апроект. Аԥсны Афырхаҵа аамҭаказы Аԥсны Аҩнуҵҟатәи аусқәа рминистр иҟаз Аслан Кобахьиа арадио Sputnik аефир аҿы иҳәеит уи шыҟазарц ахәҭоу азы игәаанагара.
Хра злоу ахҭысқәа: Кобахьиа "Абџьар азы" азакәан апроект азы

"Абџьар иахьа Аԥсны имаҷӡам, иагьымыцхәуп ҳәа уҳәар алшоит. Аха абџьар аҩны аҵәахра - уи акоуп, аныҟәгара - уи даҽакуп. Азакәан аҟны иарбазароуп уи аныҟәгара зықәнагоу. Сара сгәаанагарала абџьар аныҟәгаразы азин рымазароуп Аԥсны амчратә усбарҭақәа, нас зхатә ус иаҿу ашәарҭара иҭагылоу, абизнес иаҿу ауаа, аха уи адепутатцәа ирыӡбозар акәхап, нас атәыла ахада инапы аҵаиҩуеит. Аҩнуҵҟатәи аусбарҭақәа аинструкциақәа аԥырҵоит. Ус иахьабалак ишыҟоу, зхы иааҭашәо зегьы абџьар иган иалыҳәҳәо ақалақь алалара азин имоуп ҳәа игәы иаанагозар, уи дажьеит", - ҳәа иҳәеит Кобахьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

12