Гамгьиа Гал араион ахәышәтәырҭа азы: аҳақьымцәа рҽырԥсахыртә аҭагылазаашьа ыҟам

83
(ирҿыцуп 18:28 24.08.2020)
Галтәи араионтә хәышәтәырҭа аҳақьым хада Асҭамыр Гамгьиа арадио Sputnik арубрика "Раионк аԥсҭазаараҟынтә" аҿы еиҭеиҳәеит ахәышәтәырҭа аҭагылазаашьа зеиԥшроу атәы.
Раионк аԥсҭазаараҟынтә: Гамгьиа Галтәи ахәшәтәырҭа аусура атәы

"Гал араион ахәышәтәырҭа еиҳабыс салхуижьҭеи жәамш ҵуеит. Араион ахадара сақәдыргәыӷит ишсыдгыло, ацхыраара шҳарҭо. Ахәышәтәырҭа ахаҭа ахыб аӡы кылсуеит, аиҭашьақәыргыларатә усурақәа мҩаԥгатәуп. Аҳақьымцәа рганахьала иуҳәозар ауаа ыҟоуп, аха имаҷуп, рҽырыԥсахыртә еиԥш (аҷаԥшьараан-аред.) аҭагылазаашьа ҳамам. Егьа ицәгьазаргьы, рус карыжьӡом. Аневрологцәа, ахирург, атравматологцәа ӷәӷәақәа ҳамоуп. Акардиологиа аҟәша даҽа ҩыџьа-хҩы аҳақьымцәа ыҟазҭгьы еиӷьхон. Излажәдыруа ала агәы ачымазареи, анерв чымазареи змоу иаҳа ирацәаҩуп, арҭ ахырхарҭақәа рҟны аҳақьымцәа еиҳа аусутә рымоуп. Аҿкы чымазара аганахь ала асанитар-епидимиологиатә хырхарҭа еиқәыршәоуп ачымазара аҽацәыхьчаразы ахархәагақәа рыла, ацхыраара лас амашьына ҳамоуп. Макьаназы Гал араион ичмазаҩу ҳәа аӡәгьы ҳхәышәтәырҭа дҭамшәацт. Аҿкы чымазара (акороновирус-аред.) ианалага, аҳақьымцәа ҳаизырган, иаҳдырбеит ҳхы шымҩаԥаҳгаша. Досу иҟаиҵо идыруеит", - иҳәеит Гамгьиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

83

Арӡынба: Аԥсны азакәан амч ӷәӷәахар, Ҭырқәтәылантәи нхара иаауа ҳауаажәлар рацәахоит

2
(ирҿыцуп 19:37 27.09.2020)
Ҭырқәтәылантәи забдуцәа рџьынџь ахь нхара ихынҳәыз Аҟәа араион Ачадара акыҭаҟны инхо Раҳми Арӡынба арадио Sputnik аефир ала ицо арубрика "Раионк аԥсҭазаараҟнытә" аҿы еиҭеиҳәеит Аԥсны инхашьа-ибзазашьа атәы.
Раионк аԥсҭазаараҟынтә: Арӡынба Ачадара ақыҭаҟны ибзазашьа атәы

"… Зны сҩызак Ҭырқәтәылантә даан ус сеиҳәеит: "Ақыҭаҟны унхоит, арахь акәтаӷь умаӡам, аӡәы дузааиргьы ирҿоумҵои, узлақыҭауаҩи акәты умамзар?" - ҳәа. Абас сеиҳәан, сирԥхашьеит. Акәтааӡара сыздыруам анысҳәа, уи азы аҵара аҭалара аҭахым иҳәеит… Нас саалаган аинкубатор аазгеит Ҭырқәтәылантәи, акәытқәа анысҵеит… Аԥсназы ухы иаурхәозар иҟауҵо аус ыҟоуп. Уаҳа акгьы узыҟамҵозар, ахш узҭо ажә ааухәаргьы – уабоит. Иугәамԥхо аус ауп иуадаҩу, иуҭахымкәа иҟауҵо", - иҳәеит Арӡынба.

Ҭырқәтәылеи Аԥсныи ақыҭаԥсҭазаашьа еиҿырԥшуа иазгәеиҭеит аашьаҩцәа зегьынџьара ишеиԥшу. Раҳми еиҭеиҳәеит амедицинатә цхыраара аниҭаху иахьиоуа атәы, иара убас Ҭырқәтәыла инхо аԥсуаа арахь нхара раара иаԥырхагоу ҳәа ииԥхьаӡо атәы.

Шәазыӡырҩы аудио.

Иара убас шәаԥхьар ҟалоит:

2
Сезгин Чукуа

Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт иҵыхәтәантәихар шалшоз

6
(ирҿыцуп 18:51 27.09.2020)
Аԥсны жәлар рџьынџьтәылатә еибашьра аветеран, Агәымшәаразы амедал занашьоу Сезгин Чыӷә-иԥа арадио Sputnik аефир аҿы игәалаиршәеит 27 шықәса раԥхьа арҭ амшқәа рзы Аҟәа ахақәиҭтәраз ицоз ажәылара.
Чыӷә-иԥа Аҟәа ахақәиҭтәразы сентиабртәи ажәыларазы: ихасҵомызт, иҵыхәтәантәихар шалшоз

Сезгин раԥхьаӡа акәны Гагра анырга ашьҭахь Аԥсныҟа дааит, усҟан иара ихыҵуан 24 шықәса. Аибашьҩы иажәақәа рыла, Ҭырқәтәыла аррамаҵзура ашьҭахь ԥышәа хәыҷык иман, абџьар атәы идыруан.

"Аҟәа ахақәиҭтәразы ҳгәыԥ Каман ала раԥхьа ажәылара ҳалагеит, усҟан Гагратәи абаталион салан. Усҟан ауп данҭаха Баҳадыр Абыӷба, Ерқан Қәҭарба дырхәит, еиҭа быжьҩык раҟара аҷкәынцәа рхәит. Иҭахаз ҳаҷкәынцәа рыԥсра усҟан иаҳзеилкааӡомызт, урҭ рҵәыуара аха ҳамамызт, аибашьра цон. Нас аибашьра ашьҭахь ауп зегьы анеилаҳкаауаз, ҳгәы аныԥжәоз. Баҳадыри сареи ҳхәыҷаахыс ҳаибадыруан. Аибашьра нҵәоит сентиабртәи ажәылара ашьҭахь ҳәа ихасҵомызт, ус шаҟантә ҳцахьаз ажәылара, аха ҳаиааиуамызт. Нас аиааира ҳгеит, аибашьра нҵәеит ҳәа анырҳәа ихасҵомызт, агәра сызгомызт", - еиҭеиҳәеит аветеран.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6