Дмитрий Габлия

Габлиа еиҭеиҳәеит Гәылрыԥшь араион аҟны аҵарашықәс ҿыц ишазыҟаҵоу

20
(ирҿыцуп 20:11 25.08.2020)
Гәылрԥшь араион аҵара аҟәша аиҳабы Дмитри Габлиа арадио Sputnik арубрика "Раионк аԥсҭазаараҟынтә" аҿы еиҭеиҳәеит ашколқәеи ахәыҷбаҳчақәеи рҭагылазаашьа зеиԥшроу аҵарашықәс ҿыц аламҭалазы.
Раионк аԥсҭазаараҟынтә: Габлиа аҵарашықәс ҿыц аҽазыҟаҵара иазкны

"Аҵарашықәс ҳазхиоуп ҳҳәар ҟалоит ас еиԥш адҵақәа (асанитартә-епидимиологиатә маҵзура аԥҟарақәа апандемиа аамҭазы –аред.) зыҟалоз заанҵагьы иаадыруан. Имҩаԥаҳгеит аилатәарақәа, ашкол анапхгаҩцәа ҳаарыԥхьаны. Школцыԥхьаӡа ҳрылсны досу ирылшо-ирылымшо еилаҳкааит, ачымазара аҽацәыхьчаразы иҳадыргало алагалақәа анагӡара ҳазыхиоуп. Ҩ-школк ҳамоуп ԥшьышәҩык инареиҳаны аҵаҩцәа ахьҭоу, урҭ ирзыҳаӡбеит аиҵбыратәи аклассқәа асааҭ жәба инаркны аурокқәа ирылагаларц, асааҭ жәаҩа инаркны 5-11 аклаасқәа рҟны итәоу аурокқәа ирылаго ҳәа.

Асанитартә епидемиологиатә станциа ишаҳәаз еиԥш, аиҵбыратәи аиҳабыратәи аклаcсқәа рҟны итәоу ахәыҷқәа еиҟәаҳшарц азыҳаӡбеит, уи макьана гәаҭарак аҳасабла ус мызкы ҳусура шьақәҳаргылоит, анаҩс иаҳзыманшәалахар иаанҳажьуеит, аҿкы чымазара ԥырхага ҳнамҭо ҳҟалаанӡа. Ахәыҷбаҳчақәа иахьатәи амш азы аус зуа ҩба ҳамоуп. Цәыббра алагамҭазы ҳгәы иҭоуп ахԥатәигьы аартра. Аусура алагаразы иақәнагоу асанитартә ԥҟарақәа зегьы ҳрықәныҟәоит, асабрадақәа, асанитаизерқәа, адашьмақәа ррыцқьаразы иаҭаху ахәшәқәа уҳәа зегьы аусура алагаразы еиқәыршәаны иҳамоуп", - иҳәеит Габлиа.

Иара иазгәеиҭеит сынтәа ахыҷбаҳчақәа рахь ицо ахәыҷқәа рхыԥхьаӡара шырацәоу.

"Аҭыԥқәа ахәыҷбаҳчақәа рҟны иҳацәмаҷуп аҟнытә, досу раионс иахьаҵанакуа, еиҳау алшарақәа ахьыҟоу азгәаҭаны иаҳшеит. Иҳадыргало арзаҳалқәа рхыԥхьаӡара рацәоуп, уи азы иаԥҵан акомиссиа. Ахәыҷқәа анҳадаҳкыло аԥхьа иргыланы асоциаkтә ҭагылазаашьа ҳахәаԥшуеит, ахәыҷы рацәа ахьыҟоу, ихарҭәаам аҭаацәа ахьыҟоу, маха-шьахала зылшара ԥку (аинвалид) ихылҵыз ахәыҷы, аибашьра иалахәыз рхәыҷқәа. Ԥҟараны иҳамоуп иҳадаҳкыло ахәыҷқәа ҳраион иаҵанакуазароуп ҳәа, избанзар аҭыԥқәа изҭаху зегьы ираҳҭарц еиԥш алшара ҳамаӡам", - иҳәеит Габлиа.

Иара убас шәаԥхьар ҟалоит:

20

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

12
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

12

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6