Руслан Хашиг

Ҳашыг Ахьыԥшымра амш азы: аҭагылазаашьа алшара ҳнаҭон уи 26 рзы ишыҟалоз аефир аҿы аҳәара

33
(ирҿыцуп 14:06 26.08.2020)
Ҳхьыԥшымра Урыстәыла ишазханаҵоз заанаҵ еилызкааз Ажурналистцәа реидгыла ахантәаҩы Руслан Ҳашыг арадио Sputnik аефир аҿы игәалаиршәеит уи шыҟалаз атәы.
Ҳашыг Ахьыԥшымра амш азы: аҭагылазаашьа алшара ҳнаҭон уи 26 рзы ишыҟалоз аефир аҿы аҳәара

2008 шықәса нанҳәа 26 рзы Урыстәылатәи Афедерациа иазханаҵеит Аԥсны ахьыԥшымра.

"Амза 25 рзы Аԥсныҟа иаауаз ажурналистцәа рхыԥхьаӡара даара ирацәахеит. Ҳара аус зцаауаз Урыстәылатәи ателехәаԥшратә каналқәа, аҳәаанырцәтәиқәа уҳәа лассы-лассы иаҳзасуа иалагеит. Иҳазҵаауан иҟоу, иҳаҳауа, иҳамоу аинформациа, ирҳәон, абарҭ ҩымш ирылагӡаны хҭысқәак ҟалар шалшоз атәы. Ус иҳауит аинформациа, урыстәылатәи Актәи афедералтә телеканал ахада Ернст иҭыхратә гәыԥ иманы Шәачаҟа дыԥрит ҳәа. Урыстәылатәи ахадара апресс-маҵзура ахаҭарнакцәеи сареи аимадара иҳамаз схы иархәаны сырзасуа салагеит. Азхаҵара азҵаара ишиашоу ақәыргылара гәаӷьыуацәан, аха аҭагылазаашьа злаҟаз ала, уи иаҳнаҭон алшара амза 26 рзы абас еиԥш ахҭыс аҟалара атәы аҳәара. Ауха ишиашоу ицо аефир ахь иааԥхьан Олег Дамениеи Леила Ҭаниаԥҳаи, сара исымаз аинформациа амҩаԥгаҩ - усҟан Валери Ҟәырасқәуа иакәын иҟаз - иасҳәеит ириҭарц азҵаара, дара ргәаанагарала Аԥсны азхаҵара мҩаԥысыр анбалшои ҳәа, иара инацҵангьы иҳәеит ҳредакциа иамоу аинформациала уи ҟалоит уаҵәы ҳәа… Адырҩаҽны Урыстәыла анапхгара апресс-маҵзура санырзас сразҵааит, уажәы ҳдықәлар Шәачаҟа, ҳахьӡома ахҭыс ҳәа, ҭакс иҳауит уи ҳшахьымӡо атәы. Ахҭыс асааҭ аказы иҟалоит ҳәа адырра ҳарҭеит. Абасала ҳааицәажәеит ауп", - ҳәа игәалаиршәеит Ҳашыг.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

33

Раионк аԥсҭазаараҟынтә: Барцыц Урыстәылатәи аделегациа Гагра аобектқәа ргәаҭара иазкны

10
Гагра араион ахада ихаҭыԥуаҩ Алхас Барцыц арадио Sputnik аефир аҿы Аԥсны иҟоу Урыстәылатәи аделегациа араион аобиектқәа ргәаҭара шцоз атәы еиҭеиҳәеит.

Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

Раионк аԥсҭазаараҟынтә: Барцыц Урыстәылатәи аделегациа Гагра аобиектқәа ргәаҭара иазкны

"Шықәсқәак раԥхьа Аинвестпрограммала иазгәаҭан Гагра иҳамоу аколоннада аремонттә усурқәа амҩаԥгара. Урҭ ирылагараны иҟан 2017 шықәса рзы, ихдыркәшаран иҟан 2019 шықәса рзы, аха адунеи аҿы иҟалаз аҭагылазаашьа иахҟьаны аусурақәа анкылан, аҳәаа аартра ашьҭахь дара аусурақәа инарыцҵаны имҩаԥган, насгьы ихыркәшан 2020 шықәса анҵәамҭазы. Аремонттә усурақәа рзы 17 миллион аԥара азоушьҭын, иахьа аусурақәа хыркәшоуп, акомиссиа иҟаз аусурақәа шымҩаԥгаз иахәаԥшит, даара ргәы иахәеит. Аԥсшьаҩцәа Аԥсныҟа иаауа раԥхьа ирбо изыргәырӷьаша аколоннада акәны иҟалоит", - ҳәа еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

10
Хайри Кутарба

Еицырдыруа ахьыӡқәа: Қәҭарба Шәлиман Цыба иҭоурых иазкны

14
Шәлиман Цыба, Бешьикташь ахәмарҩы, анаҩс уи аклуб аиҳабыс иҟаз, диижьҭеи иахьа 95 шықәса ҵуеит. Шьҭрала иаԥсыуоу ҭырқәтәылатәи аспортсмен иҭоурых атәы арадио Sputnik аефир аҿы еиҭеиҳәеит ауаажәларратә усзуҩ Ҳаири Қәҭарба.
Еицырдыруа ахьыӡқәа: Қәҭарба Шәлиман Цыба иҭоурых иазкны

"Бешьикташь аклуб аԥсуаа ишьақәдыргылеит ҳәа ирҳәо ииашоуп. Бешьикташь османуаа раамҭазы аԥсуаа, аубыхцәа, адыгаа ирацәаны иахьынхоз раионын. Усҟан ампыл асра игәнаҳаран ҳәа иԥхьаӡан, аԥсылманцәа афутбол иасӡомызт, кавказуаагьы ампыл асра азин рымаӡамызт. Аха аԥсуа, аубых ҷкәынцәа еизаны ари Башьикташь ҳәа иахьыҟаз аҳаблаҿы маӡала ампыл иасуан. Нас клуб шьақәдыргыларц рҭаххеит. Ажәанбацәа аишьцәа аҷқәынцәа ааизырган, ақәԥара иазку аклуб аадыртит", - ҳәа еиҭеиҳәеит Қәҭарба.

Шәлиман Цыба Џьгьарда датәуп. Сақариа ашкол дҭан, аашықәса данаԥхьа ашьҭахь Сҭамԥыл дцеит, уа Бешьикташь аҳаблаҿы дынхон. Раԥхьа Галатасараи иатәу аклуб аҿы аҵара далагеит, аха нас Бешьикташь иҟаз Қабашь ахь диасит, уа иҵара далгеит ҳәа еиҭеиҳәеит Қәҭарба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

14

Аслан Бжьаниа Урыстәыла аделегациа идикылеит

3
(ирҿыцуп 09:37 16.04.2021)
Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

АҞӘА, мшаԥы 16 - Sputnik. Аԥсны ахада Аслан Бжьаниа мшаԥы 15 рзы идикылеит Урыстәыла аекономикатә ҿиара аминистр ихаҭыԥуаҩ Сергеи Назаров зхадараҿы дыҟоу аделегациа ҳәа аанацҳаит ахада ипресс-маҵзура.

Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсныҟа иааит мшаԥы 15 рзы Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы. Аусутә ныҟәара аҳәаақәа ирҭагӡаны аинспекциа рызун Гагра араион аобиектқәа.

Урыстәылатәи аделегациа аԥсшәа раҳәо ахада агәыӷра ааирԥшит Аԥсни Урыстәылеи рекономикатә усбарҭақәа русеицура ԥхьаҟагьы қәҿиарала имҩаԥыслап ҳәа.

Анаҩс имҩаԥысит инарҭбаау аилатәара: Аԥсны аԥыза-министр Александр Анқәаб, ахада Иусбарҭа анапхгаҩы Алхас Кәыҵниа, ихаҭыԥуаҩ Џьансыхә Нанба, аԥыза-министр ихаҭыԥуаҩ Владимир Делба, аԥыза-министр ихаҭыԥуаҩ, аекономика аминистр Кристина Озган, Аҳазалхратә маҵзура ахантәаҩы Оҭар Хьециа алархәны.

  • Аслан Бжьаниа Урыстәыла аделегациа идикылеит
    © Sputnik / Томас Тхайцук
  • Аслан Бжьаниа Урыстәыла аделегациа идикылеит
    © Sputnik / Томас Тхайцук
1 / 2
© Sputnik / Томас Тхайцук
Аслан Бжьаниа Урыстәыла аделегациа идикылеит

Аилацәажәараҿы ирзааҭгылан 2020-2022 шықәсазтәи Аԥсны асоциал-економикатә ҿиараз Аинвистициатә программа иазыԥхьагәанаҭо ауснагӡатәқәа.

Аԥыза-министр Кристина Озган 2020-2022 шықәсазтәи Аԥсны асоциал-економикатә ҿиараз Аинвестициатә программа ауснагӡатәқәа дрылацәажәеит. Аслан Бжьаниа дазааҭгылеит Роспотребнадзор Урыстәыла алаларазы иҟанаҵаз аԥҟарақәа реиҭакра азҵаара.

"Ари Аԥсны азҵаара рацәа цәырнагеит. Аиҳаракгьы атуристтә сезон аламҭалаз. Атуризм – ареспублика аекономикатә хырхарҭақәа ираԥхьагылоуп. Ҳгәыӷуеит ҳара ҳахь иаауа атуристцәа арҭ аиҭакрақәа рԥырхагахарым ҳәа. Абри азҵаараҿы адгылара ҳауп ҳәа сыԥшуп", - иҳәеит ахада.

Урыстәыла аекономикатә ҿиара аминистр ихаҭыԥуаҩ Сергеи Назаров иҳәеит азҵаара ҵоураны иӡбахап ҳәа агәра шиго.

Аиԥылараҿы ирылацәажәан аԥсуа-аурыс усеицура егьырҭ азҵаарақәагьы.

3