Амҷба еиҭеиҳәеит акарантин аан Лабраҟа анеира зылшо ртәы

12
(ирҿыцуп 10:57 26.08.2020)
Очамчыра араион ахада Станислав Амҷба арадио Sputnik аефир аҿы еиҭеиҳәеит Лабра ақыҭан акарантин шеиҿкаахо атәы.

Аԥсны Агәабзиарахьчара аминистрреи Асанитартә-епидемиологиатә маҵзуреи Лабра ақыҭа 14 мшы ҳәа акарантин аларгалеит, адиагноз акоронавирус ззықәыргылаз Лабра анхаҩы иԥсҭазаара далҵит нанҳәа 23 рзы. Аҵыхәтәантәи адыррақәа рыла, ақыҭаҿы COVID-19 ахҭысқәа хәба азгәаҭан.

Амҷба еиҭеиҳәеит акарантин аан Лабраҟа анеира зылшо ртәы

"Амҩақәа рганахьала хәыҷык иҳагу ыҟоуп, даҽа ҩыџьара амҩақәа кхоит ауаа мныҟәарц азы. 250-ҩык ахьынхо ақыҭаҟны аҳақьымцәа рнеираан 70-ҩык инарзынаԥшуа еизеит, дара ранализқәа ргеит, анаҩс еилкаахоит урҭ ачымазара рымоу ирымаму. Убасгьы Кәтол ԥҳәыск дычмазаҩхеит, Гәдоуҭаҟа дыргеит. Аҭҵаара иаҿуп ачымазара змаз ауаа ирымадаз ҳәа", - иҳәеит Амҷба.

Иара иажәақәа рыла, Лабраҟа уназго амҩақәа рҟны амилициа аусзуҩцәа гылоуп, ақыҭауаа ача рызнанагоит амашьына.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

12

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

10
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

16
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

16