Ажьиԥҳа Аԥсны ахьыԥшымра Жәларбжьаратәи азхаҵаразы: лаӷырӡыла ҳазԥылаз, хашҭра зқәым мшуп

15
(ирҿыцуп 18:56 26.08.2020)
Тҟәарчал араион ахадара акультура аҟәша аиҳабы Маргарита Ажьиԥҳа арадио Sputnik аефир аҟны арубрика "Раионк аԥсҭазаараҟынтә" аҳәаақәа ирҭагӡаны еиҭалҳәеит Аԥсны аҳәынҭқарра ахьыԥшымра Жәларбжьаратәи азхаҵара амш шазгәарҭаз атәы.
Раионк аԥсҭазаараҟынтә: Ажьиԥҳа Аԥсны ахьыԥшымра Жәларбжьаратәи азхаҵара амш иазкны

"Ари ныҳәа дуӡӡоуп аԥсуа жәлар зегьы ҳзы. Ҳәара аҭахума, Аԥсны зегьы ахьынӡанаӡааӡо ишазгәарҭо еиԥш аныҳәа Тҟәарчалаагьы иазгәаҳҭеит. Асааҭ хԥа рзы Владислав Арӡынба ибаҟа аҿаԥхьа ҳаизеит, убасгьы ашәҭқәа шьҭаҳҵеит иҭахаз аҷкәынцәа рбаҟа аҿаԥхьа. Акультуратә хан аҩнуҵаҟа ақәгылара мҩаԥган. Исасцәаны иаҳҭан Циала Ҷкадуа напхгара ззылуа ахәыҷтәы ансамбль "Абаза", - лҳәеит Ажьиԥҳа.

Лара илгәалалыршәеит 12 шықәса раԥхьа Аԥсны ахьыԥшымра жәларбжьаратәи азхаҵара анаиу амш, лгәаанагара лҳәеит аҳәынҭқарра аҿиашьазы.

Шәазыӡырҩы аудио.

Иара убас шәаԥхьар ҟалоит:

15

Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

2
(ирҿыцуп 15:18 23.01.2021)
Аҳәынҭқарратә наплакы "Аԥсныбылтәы" аиҳабы Рамаз Џьопуа арадио Sputnik аефир аҿы еиҭеиҳәеит 2020-тәи ашықәс ишҭысыз атәы.
Атәылауаҩи аиҳабыреи: Џьопуа "Аԥсныбылтәы" 2020-тәи ашықәс азы аусура иазкны

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

 

2

Сурманиӡе аԥкрақәа рықәныҟәаразы агәаҭарақәа рылҵшәазы: ауаа иаҳа игәцараркит

9
(ирҿыцуп 14:59 23.01.2021)
Аҟәа ақалақь ахада ихаҭыԥуаҩ Автандил Сурманиӡе арадио Sputnik аефир аҿы еиҭеиҳәеит акарантинтә режим ақәныҟәаразы аҭагылазаашьа зеиԥшроу аилкааразы имҩаԥысуа агәаҭарақәа рылҵшәа атәы.
Сурманиӡе аԥкрақәа рықәныҟәаразы агәаҭарақәа рылҵшәазы: ауаа иаҳа игәцараркит

"Аџьармыкьаҿы иацтәи амш аҽны абжьааԥны еиԥшымкәа ауаа рацәан ҳәа узҳәаӡом. Уаҟа аус зуа аԥсҭазаара бзиа аҟынтә акәӡам аус зыруа, ахьҭа иакуа, сааҭла игылоуп рҭаацәа ныҟәыргарцаз, аха ачымазара ҭаха ҳнамҭеит азоуп аԥкрақәа залагалоу. Аҭиҩцәа уаанӡа аԥкрақәа аналагалаз даара игәамҵуан, уажәы иаҳа еилыркаауа иалагеит, ишахәҭоугьы иазнеиуеит. Абри аабеит аџьармыкьа аҩнуҵҟеи акәша-мыкәшеи. Ҳара ауааԥсыра ргәынҽанӡамкәа ҳрызнеит. Иҳәатәуп, асабрадақәа зхаз шырацәаҩыз. Ауааԥсыра рхымҩаԥгашьа ҳгәаԥхеит. Иацтәи ареидқәа рҿы иаабеит ауааԥсыра асабрадақәа зхазҵо иаҳа ишырацәаҩу, изхам реиҳагьы. Изхамгьы ҳрацәажәеит иреилҳаркааит уи шхымԥадатәиу", - еиҭеиҳәеит Сурманиӡе.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

9