Амҷба Лабра инхо рзы: злеишәа зырцәгьо, ачымазара ҿкы агәра зымго роуп

14
(ирҿыцуп 18:15 01.09.2020)
Очамчыра араион ахада Станислав Амҷба арадио Sputnik аефир аҟны еиҭеиҳәеит акороновирустә ҿкы иахҟьаны акарантин ахьалагалаз Лабра ақыҭан иахьазы аҭагылазаашьа зеиԥшроу.
Амҷба Лабра инхо рзы: иҟоуп злеишәагьы зырцәгьо, ачымазара ҿкы агәра зымго

Нанҳәа 25 рзы Аԥсны агәабзиарахьчара аминистрреи Асанитартә епидемиологиатә маҵзуреи Лабра ақыҭан 14-мштәи акарантин аларгалеит COVID-19 злаз ақыҭанхаҩык иԥсҭазаара даналҵ ашьҭахь.

"Нанҳәа 25 рзы ақыҭаҟны акарантин алагалан. Уи аахыижьҭеи ақыҭаҟны 150-ҩык ауаа гәаҭан. Иацы 120-ҩык рзы аҭак ааит. COVID-19 змоу 15-ҩык ауаа ыҟоуп. Дырҩегь ҳазыԥшуп, 30-40 ҩык рҟынӡа ачымазара рымоу ирымаму аҭак аароуп. Ичмазаҩцәахаз 15-ҩык ҳасаб рызуп, ацхыраара рымоуп. Есҽны уа дыҟоуп араион аҳақьым хада, дыҟоуп амедеиҳәшьа. Ацхыраара лас амашьына ақыҭаҟны инеиԥынкыланы игылоуп. Аҭагылазаашьа ҷыдақәа рминистрра аусзуҩцәа адезинфекциа мҩаԥыргоит аҩнаҭақәа рҟны. Амилициа аусзуҩцәа ақыҭаҟны еснагь иҟоуп, избанзар ақыҭаҟны иҟоуп хәыҷык злеишәагьы зырцәгьо, ас еиԥш здызымкыло ауаа, дара ачымазара шыҟоу агәра ргом", - иҳәеит Амҷба.

Иаҳа инеиҵыху аицәажәара шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

14
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Раионк аԥсҭазаараҟынтә: Бганба Гагра сынтәатәи атуристтә сезон азы

39
Гагра ақалақьи араиони ирыҵанакуа акурорти атуризми рзы аусбарҭа аиҳабы Ахра Бганба арадио Sputnik аефир аҿы еиҭеиҳәеит араион аҿы атуристтә аамҭа амҩасшьа атәы.

 

Раионк аԥсҭазаараҟынтә: Бганба Гагра сынтәатәи атуристтә сезон азы

"Гагреи Гагра араиони рҿы аҿкы чымазаразы аҭагылазаашьа ҭышәынтәалоуп, уи ҳгәы шьҭнахуеит. Хаҭалатәи асасааирҭақәеи иара ус идуу аԥсшьарҭатә ҩнқәеи ирабжьгоуп апандемиатә ԥҟарақәа рықәныҟәара. Макьана аӡә дырхашшауа арзаҳал шьҭаимҵац, асасааирҭақәа рнапхгаҩцәа рхала еилыркаауазароуп избан аԥҟарақәа рықәныҟәара заҭаху. Изышьақәымгылаз апутиовкақәа рзы асасааирҭақәа аԥара дмыргьежьит ҳәа аӡә ҳахь дмышшыцт. Иара убасгьы, уаанӡа апутиовка ԥаршеиқәа шаархщоз еиԥш сынтәа аӡә джьоуп ҳәа адырра ҳмоуцт", - ҳәа азгәеиҭеит Шамба.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

39