Цыгәба: Гагра мчыбжьыла аӡы ҳамам зҳәо иахьынтәаарго сыздыруам

27
(ирҿыцуп 19:52 03.09.2020)
Гагра араион ауааԥсыра ӡыла реиқәыршәара лассы-лассы изеиԥҟьо атәы арадио Sputnik Аԥсны арубрика "Раионк аԥсҭазаараҟынтә" аҿы дазааҭгылеит "Аӡыканал" аиҳабы Беслан Цыгәба.
Раионк аԥсҭазаараҟынтә: Цыгәба Гагра ӡыла аиқәыршәара атәы

"Аӡы уахгьы-ҽангьы ишахәҭоу ауаа ироуртә еиԥш ианзалымшо ыҟоуп, алашара иахҟьаны. Жәа-минуҭк иадымхаргьы алашара аныцәалак, сааҭки бжаки ҩ-сааҭк рҟынӡа аӡы аиҭашьақәыргыларазы иаҭаххоит. Ус еиԥш ауадаҩрақәа лассы-лассы ианҳауа ыҟоуп. Аӡхагалагақәа злауԥсахша аныҟамгьы ыҟоуп, аха аҵыхәтәантәи аамҭазы мчыбжьык –ҩымчыбжьа рыҩныҵаҟа ауаа ҩба-хԥа сааҭ еиҳаны ӡыда инхаратәы еиԥш, џьоукы ишырҳәо, уахыки ҽнаки – ҩымш ҳәа апроблема ҳамаӡам. Иҟоуп амҩадуқәак …есышықәса нанҳәеи цәыббреи рзы аарҩарақәа ирыхҟьаны аӡеизакырҭаҟны аӡы анмаҷхо… асааҭ 11 инаркны асааҭ 3-4 рҟынӡа ҽнак ианҳарҭо ыҟоуп аӡы анҳзымхо. Аиԥҟьарақәа ҟалоит 3-4 сааҭ, уи проблемоуп. Аԥсшьаҩцәа аныҟамыз, уахгьы-ҽынгьы еиԥҟьарада ишыҟаз еиԥш, аӡы ақәыӷәӷәара аманы иҟаӡам уажәы", - иҳәеит Цыгәба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

27

Раионк аԥсҭазаараҟынтә: Гамгьиа авирус змоу Гал рыхәышәтәразы

30
(ирҿыцуп 20:03 28.09.2020)
Гал араион ахәышәтәырҭа хада аҳақьым хада Асҭамыр Гамгьиа арадио Sputnik аефир аҿы еиҭеиҳәеит акоронавирус змоу рзы Галтәи ахәышәтәырҭаҿы хазы аҭыԥқәа раартра аус шцо атәы.
Раионк аԥсҭазаараҟынтә: Гамгиа авирус змоу Гал рыхәшәтәразы

Аԥсны ахада ауааԥсыра акоронавирус рацәыхьчаразы акоординациатә штаб аӡбара шьаҭас иаҭаны аусԥҟа инапы аҵаиҩит. Уаҟа иазгәаҭоуп жьҭаара 5 инаркны массала аспорттә, агәмырҿыӷьратә, ацәыргақәҵатә уснагӡатәқәа ахыбрақәа рыҩнуҵҟа рымҩаԥгара мап ацәкра. Иара уи адагьы, агәабзиарахьчара аминистрра жьҭаара 15 рҟынӡа анапы ианҵоуп Аԥсны, Аҟәа ақалақьи араионқәеи иахьрыҵанакуа иҟоу амедицинатә усҳәарҭақәа рҟны авирус змоу ахаҿқәа рнагарҭа ҭыԥқәа разырхиара.

"Амза 15 рҟынӡа еиқәыршәатәуп аҟәша. Иҳаԥшааит аҭыԥ. Усҟан ацхыраара лас астанциа ахьыҟаз аҭыԥ аҿы 10 каруаҭк алаҳхырц азы. Асмета ҟаҳҵеит, иаҭаху азы ашәҟәқәа ҳҩит, иааиуа амшқәа рзы иҳашьҭуеит. Иаарласны ашоура змоу зегьы убри аҟәшахьы инаганы, акоронавирус азы анализқәа ҟарҵаанӡа уа иҟалоит. Аҳақьымцәа уаҟа аус зуло алҳаԥшаахьеит, амедиаҳәшьцәа ракәзар, урҭгьы ҟалоит. Иааиуа амзазы Гәдоуҭатәи ахәышәтәарҭахь иҳашьҭраны иҟоуп бригадак, урҭ еиқәҳаршәахьеит. Сгәы ианаагоит аҳақьымцәа уаарыдтәалан ишрыхәҭоу аинформациа дара рҟынӡа инаугар, аҿкы ахәышәтәра ҳҭахым ҳәа зҳәо даара имаҷхоит. Аибашьраан доусы иара иус идыруан, уажәы аҭынч ԥсҭазаараҿгьы џьара гәаҟрак ҟалар, аҳақьымцәа ирдыруазароуп дара рыда ажәлар ԥсыхәа шрымам", - ҳәа еиҭеиҳәеит Гамгьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

 

30
Аслан Кобахия

Хра злоу ахҭысқәа: Кобахьиа "Абџьар азы" азакәан апроект азы

12
Аҩбатәи аԥхьарала Аԥсны Жәлар Реизара адепутатцәа ирыдыркылеит абџьар азы азакәан апроект. Аԥсны Афырхаҵа аамҭаказы Аԥсны Аҩнуҵҟатәи аусқәа рминистр иҟаз Аслан Кобахьиа арадио Sputnik аефир аҿы иҳәеит уи шыҟазарц ахәҭоу азы игәаанагара.
Хра злоу ахҭысқәа: Кобахьиа "Абџьар азы" азакәан апроект азы

"Абџьар иахьа Аԥсны имаҷӡам, иагьымыцхәуп ҳәа уҳәар алшоит. Аха абџьар аҩны аҵәахра - уи акоуп, аныҟәгара - уи даҽакуп. Азакәан аҟны иарбазароуп уи аныҟәгара зықәнагоу. Сара сгәаанагарала абџьар аныҟәгаразы азин рымазароуп Аԥсны амчратә усбарҭақәа, нас зхатә ус иаҿу ашәарҭара иҭагылоу, абизнес иаҿу ауаа, аха уи адепутатцәа ирыӡбозар акәхап, нас атәыла ахада инапы аҵаиҩуеит. Аҩнуҵҟатәи аусбарҭақәа аинструкциақәа аԥырҵоит. Ус иахьабалак ишыҟоу, зхы иааҭашәо зегьы абџьар иган иалыҳәҳәо ақалақь алалара азин имоуп ҳәа игәы иаанагозар, уи дажьеит", - ҳәа иҳәеит Кобахьиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

12