Чагәааԥҳа: афбатәи аҳҭнықалақьтә школ арҵаҩцәа зегьы ргәы бзиоуп

27
Аҟәатәи афбатәи абжьаратә школ арҵаҩы Алиса Чагәааԥҳа арадио Sputnik аефир аҿы еиҭалҳәеит акарантин ашьҭахь ашкол ашәқәа аартра ишазыхиоу атәы.
Чагәааԥҳа: афбатәи аҳҭнықалақьтә школ арҵаҩцәа зегьы ргәы бзиоуп

Аҟәа абжьаратә ҵараиурҭақәа зегьы русура иалагеит цәыббра 1 азы, 6-тәи ашкол ада.

"Жәиԥшьымш ирылагӡаны аҿкы аӡәгьы идбаламызт. Арҵаҩцәа зегьы ргәы бзиоуп. Ашкол адиректор зныктәи ианализ ачымазара ицәа шалам аанарԥшит. Даҽа знык ус еиԥш аныҟала, аусура дҭыҵыр алшоит. Аклассқәа зегьы ҳрыцқьеит, аҵаҩцәа рыдкылара иазыхиоуп. Ахәыҷқәа дара-дара еидыхны аиҵбыратә классқәа хазы, аиҳабыратә хазы ҳәа иахьынӡазалшоз иҟаҳҵеит, аихшанҵақәа шьақәҳаргылеит. Шықәсыбжак ҵуеит ашкол аус амуеижьҭеи, ҳҵаҩцәа гәхьааҳгеит. Аха зынӡа ҳаибабомызт ҳәа ҳазҳәом, ари аамҭа зегьы иалагӡаны ҳаиҿцаауан. Ҳәарада, ҳазҭалаз аҵарашықәс ирацәаны апроблемақәа цәырнагоит, аха ҳаихьӡап ҳәа сгәыӷуеит", - ҳәа азгәалҭеит Чагәааԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

27

Қәрааԥҳа: аԥсшьаҩцәа Аԥсныҟа рааразы изеиԥшразаалакгьы ԥынгылак ҟалар, уи иархәыцуеит

2
(ирҿыцуп 11:13 16.04.2021)
Аԥсуа туристтә компаниа адиректор хада Самилиа Қәрааԥҳа арадио Sputnik аефир аҿы еиҭалҳәеит Роспотребнадзор Урыстәыла акоронавирус аламырҵәаразы ишьақәнаргылаз аԥҟарақәа Аԥсныҟа иаарц згәы иҭаз рҿы зҿлымҳарас иамаз атәы.

Урыстәыла алалараан иаларгалаз аԥҟарақәа ирыҵаркӡом аурыс-аԥсуа ҳәаа уахьгьы арахьгьы иахысуа Урыстәыла атәылауаа, уи ҿҳәарала шаҟа ицо иаауагьы иахьыԥшым ҳәа аилыркаара ҟарҵеит Аԥсны Аминистрцәа реилазаараҿы.

Уи аԥхьа, Роспотребнадзор иаланагалаз аԥҟарақәа рыла, мшаԥы 15 инаркны Урыстәыла иалало ртәылауаа зегьы хымш рыҩнуҵҟа ПЦР-тестқәа арҭароуп, аҭак роуаанӡагьы аҽыԥхьакра арежим мҩаԥыргароуп, атест аҭак аҳәынҭқарратә маҵзурақәа иаку рпортал аҿы иркьыԥхьроуп.

Қәрааԥҳа: аԥсшьаҩцәа Аԥсныҟа рааразы изеиԥшразаалакгьы ԥынгылак ҟалар, уи иархәыцуеит

"Ас еиԥш аԥкра алагалахозҭгьы, раԥхьа ҳара ҳакәын изныԥшуазгьы, избанзар, ҳа ҳахь иаауа аԥсшьаҩцәа хымш инеиҳаны зыԥсы зшьо роуп. Аминистрцәа реилазаара рҟынтә иааз ажәабжь даара ҳаигәырӷьеит, атуризм ҳара ҳзы, уи знапы алаку, иара усгьы маҷк иадымхаргьы уи иахьыԥшу рзы, ари аамҭа акырӡа аҵанакуеит. Ари проблема дуухон зегьы ҳзы. Иахьа, иацы иаараны иҟаз рзы Роспотребнадзор аҟынтә ажәабжь рааразы агәыҩбара рызцәырнагозҭгьы, амчыбжь иалагӡаны иаараны иҟоу рзы уи проблемам. Ҳара ӡыргарак ҳасабала иаразнак ирылаагалоит аԥкрақәа шыҟам атәы, анаҩс даргьы ирылаҵәоит. Даара ҳгәы шьҭнахит ажәабжь. Атуризм иаҿу асезон иалагаанӡагьы иалаҳгало ҳџьабаа рацәоуп, аԥара маҷымкәа иаҭахуп аусура аиҭахацыркразы, аха уи аан ҳақәгәыӷуеит асезон бзиа. Ҳџьабаа бзабаан иаҳԥылап ҳәа, аԥеиԥш бзиа ҳақәгәыӷуеит. Аԥсныҟа ааразы ԥкрақәак алагалахар, аԥсшьаҩцәа уи иархәыцуеит, избанзар, иара уеизгьы имаҷым ауадаҩрақәа ирԥыло рыԥсшьараамҭа ара ирхыргарцаз, иара аҳәааҿы иҟало агәаранқәа уахь иналаҵаны", - ҳәа еиҭалҳәеит Квираиаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Раионк аԥсҭазаараҟынтә: Барцыц Урыстәылатәи аделегациа Гагра аобектқәа ргәаҭара иазкны

11
Гагра араион ахада ихаҭыԥуаҩ Алхас Барцыц арадио Sputnik аефир аҿы Аԥсны иҟоу Урыстәылатәи аделегациа араион аобиектқәа ргәаҭара шцоз атәы еиҭеиҳәеит.

Урыстәыла аекономикатә ҿиара аминистрреи Урыстәыла афымцамч аминистрреи рхаҭарнакцәа рделегациа Аԥсны иааны иҟоуп Аинвестициатә программала асоциал-економикатә ҿиара ацхрааразы аобиектқәа рыргылара шцо рбаразы.

Раионк аԥсҭазаараҟынтә: Барцыц Урыстәылатәи аделегациа Гагра аобиектқәа ргәаҭара иазкны

"Шықәсқәак раԥхьа Аинвестпрограммала иазгәаҭан Гагра иҳамоу аколоннада аремонттә усурқәа амҩаԥгара. Урҭ ирылагараны иҟан 2017 шықәса рзы, ихдыркәшаран иҟан 2019 шықәса рзы, аха адунеи аҿы иҟалаз аҭагылазаашьа иахҟьаны аусурақәа анкылан, аҳәаа аартра ашьҭахь дара аусурақәа инарыцҵаны имҩаԥган, насгьы ихыркәшан 2020 шықәса анҵәамҭазы. Аремонттә усурақәа рзы 17 миллион аԥара азоушьҭын, иахьа аусурақәа хыркәшоуп, акомиссиа иҟаз аусурақәа шымҩаԥгаз иахәаԥшит, даара ргәы иахәеит. Аԥсшьаҩцәа Аԥсныҟа иаауа раԥхьа ирбо изыргәырӷьаша аколоннада акәны иҟалоит", - ҳәа еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

11