Аԥҳазоу еиҭеиҳәеит ажәеинраалақәа рыԥхьара онлаин-еицлабра аԥҟарақәа ртәы

53
(ирҿыцуп 15:06 07.09.2020)
Аԥсны ашәҟәыҩҩцәа реидгыла онлаин-еицлабра рыланаҳәеит аԥсуа поетцәа ражәеинраалақәа ҿырҳәала рыԥхьаразы. Аконкурс иазыԥҵәоу аԥҟарақәа ртәы арадио Sputnik аефир аҿы еиҭеиҳәеит Аԥсны ашәҟәыҩҩцәа реидгыла ахантәаҩы Вахтанг Аԥҳазоу.
Абҳазоу еиҭеиҳәеит ажәеинраалақәа рыԥхьара онлаин-еицлабра аԥҟарақәа ртәы

"Аконкурсантцәа асоциалтә ҳақәа рхы иархәаны, иара аицлабра аԥҟарақәа рҟны излазгәаҭоу ала иаарҭилоит аелектронтә ԥошьҭахь. Аусумҭақәа зегьы анеизгахалак иалаҳхуеит аӡбаҩцәа. Анаҩс абжьыҭирала иалнакаауеит хҩык аԥхьатәи аҭыԥқәа аанызкылаз. Аицлабра иалахәхар ҟалоит 15 шықәса инаркны 25 шықәсанӡа зхыҵуа аҿар. Аконкурсантцәа рықәгыларақәа авидеонҵамҭақәа рыҳасабала иаарышьҭуеит, дара ԥшь-минуҭк еиҳамзароуп. Аицлабра ҿҳәарас иамоуп мызкы, цәыббрамза 30-нӡа аусумҭақәа арышьҭлар алшоит. Аԥхьара, асахьаркыратә ҟазшьа амазароуп: ажәақәа ииашаны ицқьаны рҳәара, аԥхьашьа иахәҭоу атемп алхра уҳәа", - ҳәа еиҭеиҳәеит Аԥҳазоу.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

53

Емырхәба еиҭеиҳәеит Алакәымҳара ақыҭаҟны имҩаԥысуа аусурақәа ртәы

10
(ирҿыцуп 21:21 23.11.2020)
Гал араион ахада ихаҭыԥуаҩ Беслан Емырхәба арадио Sputnik арубрика "Раионк аԥсҭазаараҟынтә" аҿы еиҭеиҳәеит Алакәымҳара ақыҭаҟны ицо аиҭашьақәыргыларатә усурақәа ртәы.
Раионк аԥсҭазаараҟынтә: Емырхәба Гал араион аҟны аиҭашьақәыргыларатә усурақәа ртәы

"Алакәымҳара ашкол аҟны аусурақәа мҩаԥгатәны иҟоуижьҭеи акыр шықәса ҵуеит. Иҳәынҭқарратәым аиҿкаара ацхыраарала ахыб ԥсахуп, аиҭашьақәыргыларатә усурақәа мҩаԥысуеит ахыбра аҩныҵҟагьы. Быжь-километрак инацны амҩа аҟаҵара азгәаҭоуп Аберқыҭеи Алакәымҳареи рыбжьара, машьынала амҩасра уадаҩуп", - иҳәеит Емырхәба.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

10

Дагаргәылиа ашьха еиқәдырхаз атуристцәа рзы: рразҟы иакит аҭел иасыртә иахьыҟалаз

16
(ирҿыцуп 15:37 23.11.2020)
Аԥсны аҭагылазаашьа ҷыдақәа рминистрра аиқәырхаратә-аԥшааратә гәыԥ аиҳабы ихаҭыԥуаҩ Сандро Дагаргәылиа арадио Sputnik Аԥсны аефир аҟны еиҭеиҳәеит ашьхараҟны асы иҭанасыз ҩыџьа аурыс ԥсшьаҩцәа ацхыраара шрырҭаз.
Дагаргәылиа ашьха еиқәдырхаз аурыс туристцәа рзы: рразҟы иакит аҭел иасыртә иахьыҟалаз

"Аҭел ала адырра ҳауит ҩыџьа атуристцәа Цандрыԥшь ахахьы Ҳашԥсы асы ишҭанакыз. Хымш раҟара асы иҭакны иаман. Ҩымш аоперациа мҩаԥысуан, иаразнак ҳзымнеиӡеит, асы рацәаны ишьҭан. Аҩбатәи амш азы ашьыжь асааҭ 5 рзы асы рпо 15 километра ҳцеит. Ҳахьнеиз руаӡәы ишьапқәа хәыҷык иҵаахьан, аха ргәалаҟара бзиан. Аԥхьатәи амедицинатә цхыраара иҭаны илбааҳгеит, аҳәааҟны иганы иоуҳашьҭит. Ҳәарада, ауаа даара рхы иақәгәыӷуеит. Аминистрраҟны иахьцо ркоординатақәа ҳарҭар, шаҟа мшы ицо ҳәа адырра ҟарҵар, ианыхнымҳәлак ҳрызцоит. Ианцо иара убас ианаалак адырра ҳарҭароуп", - азгәеиҭеит Дагаргәылиа.

Шәазыӡырҩа аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

16