Рица Сакания

Сақаниаԥҳа аҩышьаԥҟарақәа рыԥсахразы: абызшәа акәалаԥ иузҭакӡом, уи ианыруа рацәоуп

8
(ирҿыцуп 17:37 08.09.2020)
Ииашаны аҩреи ииашаны аҳәареи жәларбжьаратәи амш аҽны ААУ аԥсуа бызшәа акафедра арҵаҩы еиҳабы Риҵа Сақаниаԥҳа арадио Sputnik аефир аҿы еиҭалҳәеит абызшәа аҩышьаԥҟарақәа рыԥсахра ауаҩы идыррақәа анырра шанаҭо атәы.
Сақаниаԥҳа аҩышьаԥҟарақәа рыԥсахразы: абызшәа акәалаԥ иузҭакӡом, уи ианыруа рацәоуп

"Ииашаны аҩреи ииашаны аҳәареи рызҵаара иарбан бызшәазаалакгьы рҿы ицәырҵуеит абызшәеи алитературеи аҿиара ианалагалак. Ус еиԥш ҳара ҳҿгьы алитература аҿиара ианалага, зегьы раԥхьа аҳәашьа аԥҵареи аҩышьаԥҟареи еидызкыло аԥҟарақәа ҭыжьын 1933 шықәса рзы, Дырмит Гәлиа еиқәиршәаз. Уижьҭеи аамҭа кыр цахьеит, ицәырҵуеит азҵаарақәа избан изаҭахуи аԥсахра? Аха усҟан иазхәыцтәуп даҽакы, абызшәа акәалаԥ иузҭакӡом, абызшәа ганрацәала ианыруа рацәоуп. Убри азы ианыԥшуа аԥсахрақәагьы маҷӡам. Ус анакәха аамҭа-аамҭала акәзаргьы еибыҳәарала, аҭагылазаашьа ианаҭаххалак, ахшыҩқәа рхеидкылала, аҵарауаа рымчала, реицәажәарала, уаҳа ԥсыхәа амамкәа ианырбалак, иаҳа еиӷьу, абри шьҭа абызшәа иаднакылартә анормахь иалаҵатәуп ҳәа аныргәахәуа еиҭарыԥсыхуеит, еиҭаҭрыжьуеит анормақәа", - еиҭалҳәеит Сақаниаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

8

Ахсалԥҳа Гәдоуҭатәи агоспиталь аҟны ишьҭоу рыкрыфаразы: излаҳалшо ала ак рыгҳажьуам

3
(ирҿыцуп 12:58 20.09.2020)
Аацытәи афельдшертә пункт амедиаҳәшьа Марина Ахсалԥҳа арадио Sputnik аефир аҟны еиҭалҳәеит Гәдоуҭатәи агоспиталь аҟны ишьҭоу COVID-19 змоу ачымазцәа рыкрыфара шеиҿкаау атәы.

 

Ахсалԥҳа Гәдоуҭатәи агоспиталь аҟны ишьҭоу рыкрыфаразы: излаҳалшо ала ак рыгҳажьуам

"Ақыҭақәа рҟны аус зуа амедиаҳәшьцәа шәҳацхраа излашәылшо ала анырҳәа, ҳаизеит. Сара ахроникатә бронхит зласымоу ала, аинфекциатә ҟәшахьы сзымцаӡеит, аха ахәыҟаҵараҟны ацхыраара аҭахын азы, иҳалшо ала иҟаҵаны ачымазцәа рхәы ҳҭиуеит. Амедиаҳәшьцәа ааиуеит ирзызго. Ахәы зегьы ирзеиԥшны иузыҟаҵаӡом, ашьақар чымазара змоу рзы хазы афатә ҟаҵатәуп, ацклаԥшра аҭахуп. Ашьыжь еиуеиԥшым ақашьқәа ҟаҳҵоит, уи мацара раҳҭаӡом, ахаақәа, ргәы иаҭаху ачаи, акаҳуа, излаҳалшо ала ак рыгҳажьуам", - лҳәеит Ахсалԥҳа.

 

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

3

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

14
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

14