Джамбул Жордания

Жорданиа амоноспекталь "Ацынҵәарах" азы: иркьаҿтәуп, аха иацу ахьаа еиқәырхатәуп

14
Аурыс драматә театр а-39-тәи асезон ахыркәшарахь инеиуеит. Атеатр актиор Џьамбул Жорданиа арадио Sputnik аефир аҿы уи алҵшәақәа ртәы еиҭеиҳәеит.
Жорданиа амоноспектальк "Ацынҵәарах" азы: иркьаҿтәуп, аха убри аан иацу ахьаа еиқәырхатәуп

"39-тәи асезон хар амамкәа ҳалагеит. Ашықәс ҿыц ҟалаанӡа иҭҳажьхьан х-спектакльк. Уи нахыс акарантин ахь ҳцаанӡа ҳахьӡеит еиҭа ҩ-қәгыларак аҭыжьра. Акарантин аангьы усда ҳамтәеит, имҩаԥаагон онлаин қәгыларақәа, иҭаҳхуан аԥсуа шәҟәыҩҩцәа рлитератәуратә аԥҵамҭақәа. Ҳҟазара ԥсымҽхарцаз, ахәаԥшцәа ҳархамышҭырцаз уск ҳаҿызар акәын. Апандемиа ҳапланқәа хнырбгалеит, х-спектакльк анаҩстәи асезон ахь иигатәхеит. Ҳтеатр сезонк иалагӡаны 7-8 проект наныгӡон. Онлаин аԥхьарақәа рҟынтә Багратә Шьынқәба иҩымҭа "Ацынҵәарах" ицыԥҵәаха даԥхьон Осман Абыхәба. Уи агәаҳәара ҳнаҭеит "Ацынҵәарах" моноспектакльны аҟаҵара. Уажәы уи аус адулара ҳаҿуп, ароман ркьаҿтәуп, аха убри аан иацу ахьаа еиқәырхатәуп, ҳара ицәырааго ацәаҳәа убри аус адулара ҳаҿуп", - еиҭеиҳәеит Жорданиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

14

Раионк аԥсҭазаараҟнытә: Гәынба "Акурорт "Пицунда" аԥсшьаҩцәа раҭаара иазкны

6
(ирҿыцуп 20:10 01.10.2020)
"Акурорт Пицунда" аиҳабы Фрикан Гәынба арадио Sputnik аефир аҿы еиҭеиҳәеит иахьазы аԥсшьарҭатә комплекс аҿы шаҟаҩы рыԥсы ршьо, насгьы уи иамоу ауадаҩрақәа ртәы.
Раионк аԥсҭазаараҟнытә: акурорт "Пицунда" аԥсшьаҩцәа раҭаара иазкны

"Иахьазы аԥсшьарҭатә комплекс аҿы рыԥсы ршьоит 1800-ҩык. Ҵыԥх уажәааны 1200 ракәын иҟаз. Уи зыбзоурахазгьы ҳәа ҳгәы иззаанаго Гьаргь Блаб ихьӡ зху абокс азы Пицунда имҩаԥысуа атурнир ауп. Амшқәагьы аԥсшьараамҭазы ибзиоуп, уи алагала ыҟоуп. Уажәазы азыҳәарақәа маҷуп иҟарҵо еиҭа аԥсшьаразы, аха амз аҵыхәанӡа аус аауп ҳәа ҳгәыӷуеит", - ҳәа еиҭеиҳәеит Гәынба.

Аԥсшьарҭатә комплекс аҿы иҟоу ауадаҩрақoа ртәы далацәажәо, Гәынба иҳәеит.

"Аӡыканал ацхыраара аҭахуп, уи аҳабла зегьы ӡыла еиқәнаршәоит иара аԥсшьарҭатә комплекс адагьы, иара анаплакы абаланс аҿы иқәгылоуп, иҟаҵатәу рацәоуп. Аӡыцрыҵқәа ракәзар, ақәра рымоуп, есԥхынра амчра ӷәӷәа роуеит, усҟан ана-ара иацәцо иалагоит. Уи аҭыԥ аԥшаара усҟак имариам, иҳақәҿиеит иара атәы здыруа Алексеи Кьетиа дахьҳамоу. Иара акыр шықәса аус иуеит, аԥсшьарҭатә комплекс аҿы аӡыцрыҵқәа шьышьықәгылоу атәы идыруеит", - ҳәа еиҭеиҳәеит Гәынба.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

6

"Жәлар рдоуҳа": Ҭодуаԥҳа аамсҭашәара иазкны

12
(ирҿыцуп 16:58 01.10.2020)
Аԥсуаа рҟны аилкаара "аамсҭашәара" ҵакыс иамоу, ус еиԥш ззырҳәо зусҭцәоу атәы арадио Sputnik арубрика "Жәлар рдоуҳа" аҟны дазааҭгылеит афольклорҭҵааҩы Есма Ҭодуаԥҳа.
"Жәлар рдоуҳа": Ҭодуаԥҳа аамсҭашәара иазкны

Шәазыӡырҩла арубрика "Жәлар рдоуҳа" есхашала арадио Sputnik аефир аҟны.

Атекст шәаԥхьар ҟалоит: "Дуаҩуп, даамысҭашәоуп": аԥсуара азҵаарақәак ирызкны

12

Sputnik апресс-центр аҟны еиҭарҳәоит аԥсуаа рҿы аӡахәааӡара аҭоурых

10
(ирҿыцуп 20:21 01.10.2020)
Жьҭаара 2 асааҭ 14:00 рзы Sputnik Аԥсны амультимедиатә пресс-центр аҿы имҩаԥгахоит Фарид Кәабахьиеи Николаи Ачбеи рышәҟәы "Ажәытәан аԥсуаа рҟны аӡахәааӡареи аҩыҟаҵареи" иазку апресс-конференциа.

Апресс-конференциа иалахәуп:

  • Фарид Кәабахьиа – аҭоурыхдырыҩ, Аԥсуаҭҵааратә институт анаукатә усзуҩ;
  • Николаи Ачба – "Аԥсны аҩқәеи аӡқәеи" адиректор хада.

Амассатә-информациатә хархәагақәа рхаҭарнакцәа ааҳаԥхьоит апресс–конференциахь (аҭыӡҭыԥ: ақ. Аҟәа, Пушкин имҩ. 16, абизнес-центр "Гәдоу Плаза", 5-тәи аихагыла).

Аккредитациа ҟалоит абри аҭел ала: +7(940) 926 00 00

Азыҳәа анашьҭразы аелектронтә ҭыӡҭыԥ: info.abk@sputniknews.com

Иара убасгьы шәара ишәылшоит апресс-конференциа алахәылацәа зинтерес шәымоу азҵаарақәа рышәҭарц Sputnik Аԥсны асоциалтә ҳа Facebook аҿтәи адаҟьаҿы мамзаргьы аелектронтә ԥошьҭахь инашьҭны: info.abk@sputniknews.com

10