Кәакәасқьырԥҳа Бзыԥтәи алхырҭатә ҭыԥ хадаҟны апарламент ахь аиҭалхрақәа рзы: ҳрызхиоуп

239
(ирҿыцуп 20:00 10.09.2020)
Гагра араион Бзыԥҭа аҳабла алхратә комиссиа ахантәаҩы Асида Кәакәасқьырԥҳа арадио Sputnik арубрика "Раионк аԥсҭазаараҟынтә" аҿы еиҭалҳәеит Жәлар реизара адепутатрахь аиҭалхрақәа рымҩаԥгара иахьынӡазхиоу атәы.
Раионк аԥсҭазаараҟынтә: Кәакәаскьырԥҳа апарламент ахь аиҭалхрақәа ирызкны

Бзыԥтәи алхырҭатә ҭыԥ хада №10 аҿы Апарламент ахь аиҭалхрақәа мҩаԥгахоит цәыббра 13 рзы. Аԥсны Жәлар реизарахь кандидатцәас иқәгылоуп Ҭимур Беиеи Ҭамаз Леибеи.

"Бзыԥтәи ажәабатәи алхырҭатә ҭыԥ хадаҟны хә-нызқьҩык инареиҳаны алхыҩцәа ҳамоуп, алхырҭатә ҭыԥқәа хәба. Урҭ хиоуп, асиақәа хаҳшьхьеит. Изҭаху днеины заанаҵы игәеиҭар илшоит дахьану, иномер арбану, алхрақәа рыҽны даннеиуа иаҳа иԥшаара мариахарц азы…Ҳазҭоу амза 12 ахәылбыҽха асааҭ 6 рҟынӡа ичмазаҩцәоу рҟынҭәи арзаҳалқәа ҳадаҳкылоит, дара рыхьӡала иааргар ҟалоит изырҭо, алхрақәа рыҽны акомиссиақәа рхаҭарнакцәа дара рахь инеиуеит", - лҳәеит Кәакәаскьырԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

239
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Раионк аԥсҭазаараҟынтә: Бганба Гагра сынтәатәи атуристтә сезон азы

39
Гагра ақалақьи араиони ирыҵанакуа акурорти атуризми рзы аусбарҭа аиҳабы Ахра Бганба арадио Sputnik аефир аҿы еиҭеиҳәеит араион аҿы атуристтә аамҭа амҩасшьа атәы.

 

Раионк аԥсҭазаараҟынтә: Бганба Гагра сынтәатәи атуристтә сезон азы

"Гагреи Гагра араиони рҿы аҿкы чымазаразы аҭагылазаашьа ҭышәынтәалоуп, уи ҳгәы шьҭнахуеит. Хаҭалатәи асасааирҭақәеи иара ус идуу аԥсшьарҭатә ҩнқәеи ирабжьгоуп апандемиатә ԥҟарақәа рықәныҟәара. Макьана аӡә дырхашшауа арзаҳал шьҭаимҵац, асасааирҭақәа рнапхгаҩцәа рхала еилыркаауазароуп избан аԥҟарақәа рықәныҟәара заҭаху. Изышьақәымгылаз апутиовкақәа рзы асасааирҭақәа аԥара дмыргьежьит ҳәа аӡә ҳахь дмышшыцт. Иара убасгьы, уаанӡа апутиовка ԥаршеиқәа шаархщоз еиԥш сынтәа аӡә джьоуп ҳәа адырра ҳмоуцт", - ҳәа азгәеиҭеит Шамба.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

39