Хра злоу ахҭысқәа: Багаҭелиа акурорт Пицунда аусура иазкны

29
(ирҿыцуп 11:37 12.09.2020)
Пицунда апансионатқәа реидгыла аменеџьер, Пицунда ақалақь ахада ицхырааҩ Азамаҭ Багаҭелиа арадио Sputnik аефир аҿы еиҭеиҳәеит апандемиа русура анырра шанаҭаз, насгьы акурорт еиҿнакаауа есышықәсатәи аицлабра атәы.
Хра злоу ахҭысқәа: Багаҭелиа акурорт Пицунда аусура иазкны

"Апандемиа ԥыргаха ду ҳнаҭеит. Ашықәсқәа иҳаҩсызи уажәтәи еиҿурԥшуазар, еидкылашьа амам. Заатәи аҿаҵақәагьы ԥсыҽуп, уажәы аиҳарак аԥсшьаҩцәа аҭыԥан иааны рыԥсшьараамҭа рхыргоит. Ҳара апандемиа аамҭазы аҳәаақәа анаркыз иҳаргьежьыз апутиовкақәа рыхәқәа маҷуп, избанзар рыԥсшьара иаҳа ирнаалаша егьырҭ амшқәа рахь ииаагон. Рыбжеиҳараҩык ааит. Ахәқәа ишыҟаҵ иаанҳажьит. Аԥсшьаҩцәа апандемиа иахҟьаны иалагалоу аԥҟарақәа ирышьцылоуп. Уи еилкааны иазнеиуеит. Дара шааизҵәҟьаз ршоура гәарҭоит, арзҩыдаратә маҭәашьарқәагьы ҳамоуп", - ҳәа иҳәеит Багаҭелиа.

Багаҭелиа иара убасгьы еиҭеиҳәеит акурорт аԥсшьаҩцәа рыбжьара имҩаԥнаго аицлабра атәы.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

29
Кобахьиа Лаврик Амқәаб изы: агәаӷь змаз, пату зқәыз еибашьҩын

Кобахьиа Лаврик Амқәаб изы: агәаӷь змаз, пату зқәыз еибашьҩын

2
(ирҿыцуп 19:44 24.09.2020)
Иԥсҭазаара далҵит Аԥсны Афырхаҵа Лаврик Амқәаб. Аибашьраан Тҟәарчалтәи аполк адҵаҟаҵаҩыс иҟаз аибашьҩы арадио Sputnik аефир аҿы дигәалаиршәоит Аԥсны Афырхаҵа Аслан Кобахьиа.

 

Кобахьиа Лаврик Амқәаб изы: агәаӷь змаз, пату зқәыз еибашьҩын

Атәыла раԥхьатәи ахада Владислав Арӡынба Аԥсны Афырхаҵа ҳәа ахьӡ ду иабалак ириҭомызт ҳәа азгәеиҭеит Кобахьиа аиҿцәажәара алагамҭаз.

"Иара деибашьуан Мрагыларатәи афронт аҿы, Тҟәарчалтәи аполк командирс даман. Тҟәарчалаа ирылшаз рацәоуп аибашьраан, уи баша-маша далырхуамызт аполк еиҳабыс. Аибашьраҿы агәаӷь змаз, пату зқәыз аибашьҩы иакәын. Иареи сареи ҳаибадырит Егры ацҳаҿы Аиааира амш аҽны, убри аахыс аиҩызара ҳабжьан. Аибашьра ашьҭахь акыраамҭа Гал араион аус еицаҳаухьан. Иара аӷьеиҩҳәа иҟаз аԥсуа ҷкәына бзиа иакәын", - ҳәа иҳәеит Кобахьиа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

2

Раионк аԥсҭазаараҟынтә: Бганба Гагра сынтәатәи атуристтә сезон азы

39
Гагра ақалақьи араиони ирыҵанакуа акурорти атуризми рзы аусбарҭа аиҳабы Ахра Бганба арадио Sputnik аефир аҿы еиҭеиҳәеит араион аҿы атуристтә аамҭа амҩасшьа атәы.

 

Раионк аԥсҭазаараҟынтә: Бганба Гагра сынтәатәи атуристтә сезон азы

"Гагреи Гагра араиони рҿы аҿкы чымазаразы аҭагылазаашьа ҭышәынтәалоуп, уи ҳгәы шьҭнахуеит. Хаҭалатәи асасааирҭақәеи иара ус идуу аԥсшьарҭатә ҩнқәеи ирабжьгоуп апандемиатә ԥҟарақәа рықәныҟәара. Макьана аӡә дырхашшауа арзаҳал шьҭаимҵац, асасааирҭақәа рнапхгаҩцәа рхала еилыркаауазароуп избан аԥҟарақәа рықәныҟәара заҭаху. Изышьақәымгылаз апутиовкақәа рзы асасааирҭақәа аԥара дмыргьежьит ҳәа аӡә ҳахь дмышшыцт. Иара убасгьы, уаанӡа апутиовка ԥаршеиқәа шаархщоз еиԥш сынтәа аӡә джьоуп ҳәа адырра ҳмоуцт", - ҳәа азгәеиҭеит Шамба.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

39