Завотделом интродукции растений Института ботаники Академии Наук Абхазии, профессор Сергей Бебия

Аҵарауаҩ абиолог Бебиа: сусура бзиа избоит, са сзы аԥсшьарамшқәа ыҟаӡам

18
Аҵарауаҩ-абиолог, абнааӡаҩ, апрофессор, абиологиатә ҭҵаарадыррақәа рдоктор, Аԥсны аҭҵаарадыррақәа ракадемиа ахада ихаҭыԥуаҩ Сергеи Бебиа иахьа 80 шықәса ихыҵит. Аҵарауаҩ арадио Sputnik Аԥсны дсасны даҭан.
Еицырдыруа ахьыӡқәа: аҵарауаҩ Сергеи Бебиа

Сергеи Михаил- иԥа Бебиа дравторуп 100 инареиҳаны аҭҵаарадырратә усумҭақәа, афундаменталтә монографиақәа ҩба. Урҭ Аԥсни Кавкази абнақәа реиқәырхара, хшыҩркрала рхархәара азҵаарақәа ирызкуп. Аҵарауаҩ Аԥсны жәлар рмилаҭ-хақәиҭратә қәԥара активла далахәын, Жәлар рфорум "Аидгылара" анапхгараҭара далан.

Сергеи Бебиа ианашьоуп Ӡиӡариа ихьӡ зху аҭҵаарадырразы Аҳәынҭқарратә премиа, ихҵоуп аҳаҭыртә хьӡы "Аԥсны анаука зҽаԥсазтәыз аусзуҩ" ҳәа, ианашьоуп "Ахьӡ-Аԥша" аорден аҩбатәи аҩаӡара.

"Сусура бзиа избоит. Са сзы асабша, амҽыша ыҟаӡам…иахьынӡасылшо снапы злаку аус уаҩҵас иҟазар сҭахуп. Адунеи ахьынӡанаӡааӡо сусура ахырхарҭала сыхьӡ ӷәӷәаны ишьақәгылазарц. Абзиара ахьынӡасылшо иҟасҵар сҭахуп, еснагь сазхәыцуеит ацәгьара ҟасымҵарц, аӡәы абзиара изысымуазар ҽакала сныҟәар сҭахым", - иҳәеит Бебиа.

Инеиҵыху аиҿцәажәара аудиофаил аҟны.

18

Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

11
(ирҿыцуп 20:13 19.09.2020)
Ачарақәа рура аамҭа ахыгахоит иааиуа амзазы. Ас еиԥш аҭагылазаашьа ачараурҭатә хыбрақәа рыԥшәмацәеи ачара аҿҳәара ԥызҵәахьоу ауааи зҭанаргыло ауадаҩрақәа ртәы арадио Sputnik аефир аҟны еиҭеиҳәеит абанкеттә зал аиҳабы Авҭандил Ҷедиа.
Ҷедиа ачарақәа раанкыларазы: ажәлар ахьцо-иахьаауа рзеилымкаауа иҟалеит

Аҳәынҭқарра ахада Аслан Бжьаниа аусԥҟа ҭижьит "Аԥсны Аҳәынҭқарра ауааԥсыра ргәабзиара акоронавирустә инфекциа COVID-19 ацәыхьчаразы хаз игоу уснагӡатәқәак рышьақәыргыларазы" ҳәа. Аԥкрақәа азинмчы роуеит жьҭаара 5 инаркны. Урҭ инарықәыршәаны, ачарақәа рымҩаԥгара аанкылатәхоит.

"Ашықәс нҵәаанӡа 20-25 чара ҳәа ашәҟәы ианҵаны иҳамоуп. Аԥарагьы ԥароуп, аха ачымазара ыҟазар, аҳәынҭқарра ахада иҭижьыз аусԥҟа ажәлар ацныҟәоит ҳәа ауп ишыздыруа, ус ауп ишеилыскаауа. Ажәлар чмазаҩхар, ирыцҳашьатәуп. Ауаа кредитла аԥара ргеит, ачара иазыԥшын, аха иҟауҵои. Ачара ахьыруа ахыбрақәа рҟны 40-45 рҟынӡа ҽнак иҭыҵуа ауаа аус руеит… Ачарақәа рыҿҳәара ԥҵәоуп. Октиабр азы ашәҟы ианыз сентиабр ахь рҽанырҵар рҭаххеит, агәыҭҟьара иҟоу збоит, аҩашагьы ачарақәа ҟарҵо иалагеит", - иҳәеит Ҷедиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

11

Габелаиа Аҟәеи Очамчыреи еимаздо амҩа арлашаразы: иӡбахоит ҳәа агәрагара ҳарҭеит

6
(ирҿыцуп 16:16 19.09.2020)
Очамчыра араион ахада актәи ихаҭыԥуаҩ Артемон Габелаиа арадио Sputnik аефир ала ицо арубрика "Раионк аԥсҭазаараҟынтә" аҿы дызлацәажәаз иреиуоуп Аҟәеи Очамчыреи еимаздо амҩа хада арлашара азҵаара.
Раионк апсҭазаараҟнытә: Габелаиа Аҟәеи Очамчыреи еимаздо амҩа хада арлашара иазкны

Ааигәа Очамчыра иҟаз аизараҟны (Аԥсны ахада дызлахәыз араион актив реизара - аред.) аекономика аминистр Кристина Озган илҳәеит ақыҭақәеи ақалақь аҩныҵаҟеи амҩақәа ирҽеихо ртәы, иара убас амҩа хада шырлашахо. Аиашазы, уахынла амашәырқәа рацәаны иҟалоит Очамчыреи Аҟәеи еимаздо амҩа ахьырлашам иахҟьаны. Хара имгакәа уи арлашара аус шыӡбахо ҳәа агәрагара ҳалҭеит. Ари ашықәс нҵәаанӡа ахьӡара уадаҩхар ҟалап, ҳазҭало ашықәс ҿыц алагамҭазы ҳәа ауп ацәажәарақәа шыҟоу", - иҳәеит Габелаиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

6