Микрофон  - Sputnik Аҧсны
Арадио

Барцыц Гагра араион ашәахтәқәа рымшәара азҵааразы: атәыла ахада идҵа анагӡара нап аркуп

© Foto / предоставлено Алхасом БарцыцАлхас Барцыц
Алхас Барцыц - Sputnik Аҧсны
Анапаҵаҩра
Гагра араион ахада ихаҭыԥуаҩ Алхас Барцыц арадио Sputnik аефир аҟны еиҭеиҳәеит атәыла ахада Аслан Бжьаниеи араион ахадареи реиԥылараан излацәажәаз атәы, насгьы сынтәатәи атуристә сезон амҩаԥысшьа зеиԥшроу.
Раионк аԥсҭазаараҟынтә: Барцыц Гагра араион ашәахтәқәа рымшәара азҵаара иазкны

"Аҳәаа анаартха инаркны Гагра аԥсшьаҩцәа рхыԥхьаӡара рацәахеит. Убри аҟнытә ҳсасааирҭақәа, ҳадәқьанқәа, атуризм иадҳәалоу аобиектқәа зегьы рганахьала имҩаԥган агәаҭарақәа. Уи аан ицәырҵит ашәҟәы иҭагаламыз 600 аобект. Уажәы график ҳасабала дара зегьы ашәҟәы рҭагалара ҳаҿуп. Атәыла ахада идҵала ари аус хыркәшахароуп ҳазҭоу амза иалагӡаны. Атуристтә сезон акәзар, макьана иара ҟалеит ҳәа ҳазҳәом. Ахыԥхьаӡарақәа урыхәаԥшуазар, ҵыԥх уажәааны Гагра зыԥсы зшьоз еиҳа имаҷын сынтәа аиҳа. Жьҭаарамзазы аҭагылазаашьа аҽеиҭанамкыр, уи амзазгьы аԥсшьаҩцәа ҳауп ҳәа ҳгәыӷуеит", - ҳәа еиҭеиҳәеит Барцыц.

Иаҳа инеиҵыху аиҿцәажәара шәазыӡырҩыр шәылшоит аудиофаил аҿы, мамзаргьы арадио Sputnik Аԥсны аефир аҿы.

Иара убас шәаԥхьар ҟалоит:

Ажәабжьқәа зегьы
0