Батал Хагуш

Хагәышь ауниверситет аҟны аҵаратә процесс алагашьазы: ус еиԥш ада ԥсыхәа ыҟаӡам

59
(ирҿыцуп 14:36 21.09.2020)
Аԥснытәи аҳәынҭқарратә университет афилологиатә факультет адекан Баҭал Хагәышь арадио Sputnik аефир аҟны еиҭеиҳәеит иреиҳаӡоу аҵараиурҭаҟны иахьазы аҵаратә процесс аиҿкаашьа атәы.
Хагәышь ауниверситет аҟны аҵаратә процесс алагашьазы: ус еиԥш ада ԥсыхәа ыҟаӡам

"Ишыжәдыруа еиԥш, Аԥсны акоронавирустә чымазара зыхьуа рхыԥхьаӡара иазҳауа иалагеит, аҭагылазаашьа хәыҷык аҽаруадаҩит. Убри аҟынтәи ҳлыԥхьеит асанитартә ҳақьым хада, лара дазааҭгылеит аԥҟарақәа. Ауниверситет аиҳабыра ҳаизаны қәҵараны иҳадаҳкылеит макьаназы актәи акурс ҳрыԥхьаны иааҳгарц. Абас амаҷ ала алагаларақәа ҳзыҟаҵозар ҳәа ауп. Араҟа асабрадақәа рымазароуп, ауниверситет аҿы ианыҩнало ашоура змоу измам уигьы гәаҳҭоит иаҳзыҟаҵозар, абжьаӡарақәа (адистанциа) уигьы ҳзалыршозар ҳәа ауп. Актәи акурс аҟны итәоу маҷуп азы дара рыла игәаҳҭоит арҭ аԥҟарақәа зегьы ҳзымҩаԥго иаҳзымҩаԥымго. Иахьатәила иааз зегьы асабрадақәа рымоуп, аӡәи-аӡәи рыбжьара абжьаӡарақәа ҟаларатәы ирыҵаҳҳәеит. Хәыҷы-хәыҷла уи амҩа ҳанылароуп, избанзар иааз аҿкы чымазара иахьа-уаҵәы ицаӡом. Уи иаанхо акоуп, аха ахымҩаԥгашьа адырра аҭахуп, ус анакәымха хара ҳнанагаӡом. Ишыжәдыруа еиԥш аҳәатәхаҵара бзиа иаҳбом, аха иахьа уи ада ԥсыхәа ҳамаӡам", - ҳәа азгәеиҭеит Хагәышь.

Шәазызырҩы аудио. Иаҳа инеиҵыху анҵамҭа шәаҳар шәылшоит арадио Sputnik аефир аҟны.

Иара убас шәаԥхьар ҟалоит:

 

59
Владислав Габния

Габниа: агәыдкылареи анапеимдареи убаӡом, ауаа рхы рыхьчо иалагеит

3
(ирҿыцуп 16:36 25.10.2020)
Аҟәа араион Баслаҭа ақыҭа ахада Владислав Габниа арадио Sputnik аефир аҿы еиҭеиҳәеит анхацәа аԥкрақәа ишрықәныҟәо атәы.
Раионк аԥсҭазаараҟынтә: Габниа ацәгьеи абзиеи рзы аҿкы чымазара аамҭазы

"Аԥкрақәа шалагалазҵәҟьа адәқьанқәа рҿы аус зуа адырра раҳҭеит, ауаа еилагылартә еиԥш аҭагылзаашьа аԥырымҵарц. Ачарақәа руразы акәзар, амилициа араионтә ҟәша аҟынтә иааны ҳгәы ҳҽанырҵеит, ҳаргьы ауааԥсыра ирылаҳҳәеит, иааиргьы азин ылырхырцаз, ихыргартә еиԥш ирабжьаҳгоит. Анхацәагьы ирықәныҟоит аԥкрақәа, ачымазара иаҳа иацәшәоит, ауаа ак рыхьыр ҳәа иазхәыцуеит. Ацәгьара акәзар, ауаа заа аԥсы анышә дарҭоит, абжьааԥны еиԥш еилагылаӡом. Атәарақәагьы ирҟәаҵит ҳәа иазгәасҭарц сылшоит. Инеит, иаадышшылан ицоит. Агәыдкылареи анапеимдареи убаӡом, ауаа рхы рыхьчо иалагеит", - ҳәа еиҭеиҳәеит Габниа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

3
Атемақәа:
Ачымазара ҿкы – акоронавирус Аԥсни адунеи аҿи: иалкаау

Гәниаԥҳа еиҭалҳәеит ахәыҷқәа COVID-19 шырхырго атәы

46
(ирҿыцуп 10:41 25.10.2020)
Ахәыҷтәы ҳақьым Есма Гәниаԥҳа арадио Sputnik аефир аҿы еиҭалҳәеит COVID-19 зманы хылаԥшра зылҭо ахәыҷқәа рҭагылазаашьа зеиԥшроу, насгьы ахәыҷқәа ачымазара еиҳа имарианы ирхыргоит ҳәа иҟоу агәаанагара ахҳәаа азыҟалҵеит.
Гәниаԥҳа еиҭалҳәеит ахәыҷқәа COVID-19 шырхырго атәы

"Сара хылаԥшра зысҭо ахәыҷқәа еиҳарак 6-7 шықәса зхыҵуа роуп. Аҭаацәа ианаамҭоу аҳақьым идҵаалар, ианаамҭоу ахәшәқәа рыдкылара иалагазар, ахәыҷы ичымазара нап адыркылазар, имарианы имҩасуеит. Ахәыҷқәа имарианы ирхыргоит ҳәа иҟоу агәаанагара аԥышәагьы ишьақәнарӷәӷәоит", - ҳәа еиҭалҳәеит Гәниаԥҳа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

46
Атемақәа:
Ачымазара ҿкы – акоронавирус Аԥсни адунеи аҿи: иалкаау