Хәырхәмал еиҭеиҳәеит Мыркәыла инхо рыбзазшьа атәы
(ирҿыцуп 11:28 27.09.2020)
Очамчыра арион Мыркәыла ақыҭа ахада Анри Хәырхәмал арадио Sputnik аефир аҟны еиҭеиҳәеит ақыҭауаа иахьатәи рыбзазашьа зеиԥшроу, ирымоу ауадаҩрақәеи аихьӡарақәеи ртәы.Мыркәыла ахада иажәақәа рыла, ақыҭаҟны инхоит 1500-ҩык инарзынаԥшуа ауаа, 444 ҭӡы ыҟоуп.
Хәырхәмал еиҭеиҳәеит Мыркәыла инхо рыбзазшьа атәы
"Ақыҭақәа рҟны иҟоу ауадаҩрақәа еиԥшуп. Амҩаду акаҭран ҽааны иқәырҵоит ҳәа ҳақәдыргәыӷит. Аҵыхәтәантәи ашықәысқәа рзы иҟоуп аӡы азгьы аудаҩрақәа, иҟоуп уи зхатәы џьабаала изыӡбо, аҳәынҭқарраҟынтә ацхыраара заузгьы. Ақыҭаҟны анаплакы ҳәа аӡахәаҭрақәа ыҟоуп, хәыҷык нап адыркын усурҭақәак ҟалеит. Иҳамоуп убасгьы абетон зауад, аконсервтә зауад аӡыхаақәа ахьҭрыжьуа. Уаагьы ақыҭауаа зегьы аус рзымургьы, ҩыџьа-хҩы зҳәаз еиԥш усурҭала еиқәдыршәоит", - иҳәеит Хәырхәмал.
Иара еиҭеиҳәеит убасгьы Мыркәыла ақыҭауаа ртәанчахәы аиура азҵаара шеиҿкаау, ашкол аҭагылазаашьа зеиԥшроу.
Ҳашыг апандемиа аамҭазы ажурналистцәа русуразы: аибашьраан еиԥш
(ирҿыцуп 12:04 16.01.2021)
Аԥсны ажурналистцәа реидгыла ахантәаҩы Руслан Ҳашыг арадио Sputnik аефир аҿы 2020-тәи ашықәс аихшьаалақәа ҟаиҵеит, еиҭеиҳәеит апандемиа аамҭазы ажурналистцәа русура атәы. Ҳашыг апандемиа аамҭазы ажурналистцәа русуразы: аибашьраан еиԥш
"Аҿкычымазара иадҳәалаз аинформациатә усура, уи аҽазыҟаҵара, уи агәҽанызаара, аҳәынҭқарратә усбраҭақәа еиҿыркаауаз аусура зегьы аинформациала еиқәыршәатәын. Ачымазара ыҟоуп ҳәа ажурналистцәа аусурахь имнеиуа, рхы хьчара мацара иашьҭамызт. Дара рнапынҵақәа зегьы нарыгӡар акәын, уи иахылҿиаауаз ауадаҩрақәа ҳасаб рзуны. Ашықәс еихшьаало иазгәасҭарц сҭахуп, Аԥсны ажурналистцәа аус ахьыруазаалакгьы, аибашьра ашықәсқәа рзы ишыҟаз еиԥш, аидгылара ҟаҵаны, аицхыраара ҟаҵаны, ихадароу ахықәкы- ажәлар ирдырыц ирықәнагоу, аинформациа рызнагараҿы даара аџьабаа рбеит. Акырӡа аусбараҭақәа русура аанкылан, аха зда ԥсыхәа амам ҳәа еиқәырԥхьаӡо, урҭ рхыԥхьаӡараҿы аԥхьа игыламзар, рыгәҭаны игылан Аԥсны амассатә информациатә хархәагақәа", - еиҭеиҳәеит Ҳашыг.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Бараҭелиа: "сгәыла амаининг изықәгылоуп" ҳәа аӡәгьы иҳәараны дыҟам
(ирҿыцуп 21:00 15.01.2021)
Аԥсны ахада иусбарҭаҿы амаинингқәа рызҵаарала имҩаԥгаз аилацәажәара иалахәыз Гәылрыԥшь араион ахада Аслан Бараҭелиа арадио Sputnik аефир аҿы иҳәеит ақыҭақәа рҿы аизарақәа рымҩаԥгара шигәҭаку.
Атәылауаҩи аиҳабыреи: Бараҭелиа амаинингқәа рызҵааразы
"Ари аамҭа зегьы иалагӡаны аҭагылазаашьа еиӷьхартә ҳәа са исымбеит. Аилацәажәараҿы исгәамԥхаз ақыҭа аиҳабацәеи араион ахадацәеи ирдыруазароуп рҳәеит афермақәа ахьыҟоу. Аха ҳара ҳаиҳа, афымцазҟазацәа иаҳа ирдыруеит. Афермақәа анаҿырхлак ашьҭахь инеины иаҿазкуада дара ида? Администрациақәа рҟны инеины ауааԥсыра ирҳәалааит зҿы амаинингқәа ықәгылоу ҳәа рыларҳәеит, аха дазусҭа "сгәыла изықәгылоуп" ҳәа днеины изҳәо. Уи даара ихьанҭахоит, ҟаҵашьагьы змам усуп. Акызаҵәак, ҳгәы иҭоуп ақыҭақәа рҿы аизарақәа рымҩаԥгара, "Амшынеиқәафымцамч" аусзуҩцәа алархәны. Анхацәа ԥырхага рызҭо ыҟазар, уа ирымҳәар ауӡом. Ус дцәыҵалан аԥсуа акгьы изҳәаӡом, аха аизараҿы уҿаҟны иаҳа иуаиҳәоит", - ҳәа еиҭеиҳәеит Бараҭелиа.
Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.
Иара убас шәаԥхьар ҟалоит:
- Ҷолокәуа амаинингтә фермақәа русура аанкылара азҵааразы: ирӷәӷәахоит
-
Аминистрцәа Реилазаара аҳәынҭобиектқәа рҿы амаинингқәа рықәыргылара азин ҟанаҵом
Роспотребнадзор иазнархеит акоронавирус "британиатәи" аштамм аилкааразы атест
(ирҿыцуп 12:40 16.01.2021)
70 процент рыла еиҳа иҿкуп аԥхьанатә ицәырҵыз авариант аасҭа, еиҳа ахыхьчара аҭахуп, аха убри аан уи иахҟьаны ауаа рацәаны иԥсуа, ма еиҳа иуадаҩны имҩасуа иҟоуп ҳәа азуҳәартә иҟам.АҞӘА, ажьырныҳәа 16-Sputnik. Роспотребнадзор иатәу аепидемиологиатә ҭҵаарадырратә институт иазнархеит акоронавирус "британиатәи" аштамм аилкааразы атест, иара авирус 1,5 сааҭ рыла ишьақәнырӷәӷәоит, абри атәы аанацҳауеит апресс-маҵзура.
"Атест еилнакаауеит амутациа зауз акоронавирус. Ахархәара зырҭо атехнологиақәа иалдыршоит сааҭки бжаки рыҩнуҵҟа анализ аҭак аарԥшра, егьырҭ атестқәа ракәзар аамҭа рацәа рҭахуп", - аҳәоит адырраҭараҿы.
Иазгәаҭоуп, уажәазы иаԥҵоу атест ахарахәаразы аԥышәа иахысуеит, аиԥш зеиԥшу еидкылоу ареагентқәа раԥхьатәиуп адунеиаҿы.
Ԥхынҷкәын аҽеиҩшамҭазы аҳәамҭа ҟаҵан, акоронавирус 70 процент рыла еиҳа иҿку амутациа ҿыц аарԥшуп Британиа ҳәа.
Иара убас шәаԥхьар ҟалоит:
- Урыстәылеи Британиеи рҳаиртә еимадара мчыбжьык аҩныҵҟа иаанкылахоит