На заседании по вопросам абхазского языка

Барцыцԥҳа Кәыдрытәи ацҳаҟны ҩ-фронтк реиқәшәара амш азы: уи ауп аиааира ҳәа исԥхьаӡо

83
(ирҿыцуп 14:50 29.09.2020)
1992-1993 шш. рызтәи Аԥсны Аџьынџьтәылатә еибашьра аветеран Марина Барцыцԥҳа арадио Sputnik аефир аҟны илгәалалыршәеит Мраҭашәаратәии Мрагыларатәии афронтқәа Кәыдры ацҳаҟны реиԥылара шыҟалаз.
Афырхацәа рымҩала: Барцыцԥҳа Кәыдры ацҳаҟны ҩ-фронтк реиԥылара атәы

Цәыббра 29, 1993 шықәсазы Кәыдры ацҳаҟны еиԥылеит Мраҭашәаратәии Мрагыларатәии афронтқәа ирыҵаркуаз, Аԥсны ақырҭуа мпыҵахалыҩцәа рҟынтәи ахақәиҭтәразы еибашьуаз аԥсуаа рырбџьармчқәа.

"Амза 27 рзы Аҟәа ҳалалеит, ақалақь ахы иақәиҭтәын, адырҩаҽны Агәыӡеранӡа ҳцеит, 29 рзы аҳаиртә баӷәазахь уахьбжьало инаркны ҳдәықәеит. Уамак ҳаццакӡомызт, Владислав Арзынба актәи аефир аҟны дыҟан, иҳәон ҳмыццакыкәа ҳцарц. Дареи ҳареи ҳаиҿамҳарц, уаҳа аԥсҭбарақәа ҟамларц ҳҭахын. Сара ишсгәалашәо ала, асааҭ 11 рзеиԥш ацҳаҟынӡа ҳнаӡеит. Сара сзы, иааидкыланы иуҳәозар, аиааираны исԥхьаӡо, ииашоуп амза 27 рзы Аҟәа ҳалалеит, ахы иақәиҭаҳтәит, аха сентиабр 29 рзы иреиҳау гәеизҳараны иҟалеит. Ҳар еидылеит Мраҭашәаратәии Мрагыларатәии афронтқәа, уи са сзы зегьы иреиҳау акәын, избанзар шьҭа шаҟа ҳаибашьлазаалакгьы аӡәгьы даҳиааиуам ҳәа исԥхьаӡон, убасҟак ҳамч, ҳажәҩа еибыҭан, ҳаԥхьаҟа ҳусқәа зегь бзиахоит ҳәа иҳаԥхьаӡон", - лҳәеит Барцыцԥҳа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

83

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит

11
(ирҿыцуп 15:50 19.10.2020)
Аԥсны атәылахьчара аминистр, аинрал Владимир Ануа арадио Sputnik аефир аҟны еиҭеиҳәеит Урыстәыла Атәылахьчара аминистрра аруаа амобилтә госпиталь аусура шеиҿкаахо атәы.
Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит

"Урыстәыла атәылахьчара аминистр Сергеи Шоигу иахь иҟаҳҵаз аҳәара иаразнак ахаҵгылара аиуит. 30 машьына инареиҳаны Будионовскынтә иаҳзааит агоспиталь. Дара рнаҩсгьы Ҟрымынтәи адәахьы атехникала ахәшәқәа ақәызҭәо ааит. Урҭ абыжьбатәи абазаҟны (Гәдоуҭа - аред.) иаангылеит ашамҭазы. Ҩажәаҩык инареиҳаны арратә базаҟынтәи аруаа агоспиталь ахьчараҟны ацхыраара ҟарҵалоит. Ас еиԥш агоспиталь маншәалоуп, аспециалистцәа ацуп. Иахьа убасгьы Адлер аҳаиртә баӷәазаҟынтәи хԥа-ԥшьба машьына рыла ахәшәқәа ааргоит. Иахьа иаҳзааз агоспиталь, аиҳабыра изларҳәо ала, 100-110-ҩык рҟынӡа ачымазцәа рыдкылара, рхылаԥшра рылшоит", - иҳәеит Ануа.

Урыстәыла Атәылахьчара аминистрра аруаа амобилтә госпиталь аргылара иалагеит Аҟәа, асасааирҭа "Аиҭар" аҵакыраҿы. Агоспиталь амедицинатә персонал асасааирҭа "Аиҭар" иҩнаҵахоит. Ара агоспиталь аҳақьымцәа авирус COVID-19 зыдбалоу апациентцәа рыхәышәтәра нап аларкуеит.

Амобилтә госпиталь ареспубликахь идәықәҵан Аԥсны атәылахьчара аминистрра иҟанаҵаз аҳәара ашьҭахь, акоронавирустә инфекциа змоу апациентцәа рыхәышәтәраҿ ацхырааразы. Уи аҿы ишьақәыргылахоит арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа.

Иара убас шәаԥхьар ҟалоит:

11