Вадим Харазия

Ҳаразиа Џьамалеҭҭин Арӡынба изы: Аԥсынразы аџьабаа ду ибеит

23
(ирҿыцуп 11:16 02.10.2020)
Аԥсадгьыл ахь архынҳәразы аҳәынҭқарратә еилакы ахантәаҩы Вадим Ҳаразиа зыԥсҭазаара иалҵыз апатриот ду Џьамалеҭҭин Арӡынба арадио Sputnik аефир аҟны дигәаларшәо иазгәеиҭеит уи ихшыҩ, иԥсҭазаара зегьы ижәлари Аԥсни ирыхәартә ишыҟаиҵаз.
Ҳаразиа Џьамалеҭҭин Арӡынба изы: Аԥсынра азы аџьабаа ду ибеит

Иналукааша ауаажәларратә усзуҩ, Аԥсни Ҭырқәтәылеи инхо аԥсуаа ҳажәлар реимадара аус аҿы зџьабаа ӷәӷәаз, аҳақьым, ауаҩы аамысҭашәа Џьамалеҭҭин Арӡынба идунеи иԥсахит 88 шықәса дшырҭагылаз. Анышә дамардеит цәыббра 30 рзы Ҭырқәтәыла, Диузџьа иахьаҵанакуа.

"Иԥсҭазаара зегьы Аԥсны жәлар ирыдҳәалан. Хшыҩрҵагас иаҳхылаԥшуаз, ҳаиҿызкаауаз иакәын. Ҭырқәтәыла Аԥсуа федерациаҟны Абыргцәа рхеилак еиҳабыс дыҟан Џьамалеҭҭин Арӡынба. Иара иԥсҭазаара иалҵра цәыӡ дууп… Аԥсны аибашьра анымҩаԥысуаз, хаҭала Аԥсны ацхыраара аҭаразы Ҭырқәтәыла иаԥҵаз Кавказтәи аилазаара хантәаҩра азиуан, иара убас аҳақьым–аԥҟаҩы иаҳасабала Гагра ахәышәтәырҭаҟны аус иуит. Ҭырқәтәыла аус анызуаз, аизарақәа рҟны исгәалашәоит иқәгыларақәа, иажәа иалан ажәаԥҟа бзиа: "Бзазарас иҟоу ԥсадгьылуп, ныӡаарас иҟоу тәым дгьылуп". Иара иҳәон Аԥсны аганахьала иаҳа агәыбылра аашәырԥшы, шәыжәҩахыр иаҳа еидышәкыл ҳәа. Аԥсны ианакәызаалак хьаас иман, дацклаԥшуан ара иҟаз аҭагылазаашьа", - иҳәеит Ҳаразиа.

Шәазыӡырҩы аудио. Иаҳа инеиҵыху анҵамҭа шәаҳар шәылшоит арадио Sputnik Аԥсны аефир аҟны.

Иара убас шәаԥхьар ҟалоит:

23

Џьергьениа аԥсыӡ ақәырҭ аҟьараан ахылаԥшразы: амлагәыр иацло иалагеит

1
Риҵатәи Амилаҭҭә ареликттә парк аҟны абнахылаԥшҩы хада Ҭенгьыз Џьергьениа арадио Sputnik аефир аҟны еиҭеиҳәеит аԥсыӡқәа ақәырҭ анырҟьо аамҭазы , урҭ реиқәырхаразы аҷаԥшьара шымҩаԥырго.
Џьергьениа аԥсыӡ ақәырҭ аҟьараан Риҵа ахылаԥшразы: амлагәыр иацло иалагеит

Жьҭаара 25 инаркны ԥхынҷкәын 10-нӡа аԥсыӡқәа ақәырҭ аҟьара иалагоит. Ари аамҭазы аԥсыӡкра азин ыҟаӡам.

"Аинспекторцәа, аиҳабацәа зегьы ҳазҿу ҳаԥсабара, ҳаԥсыӡ ахьчара ауп, ҳхәыҷқәа ирбартә еиԥш аус ҳуеит. Акалмаҳи амлагәыри ари аамҭазы ақәырҭ рҟьоит, аԥсыӡкра аанкыланы иҟоуп. Аҷкәынцәа уахынлагьы иҷаԥшьоит. Ҵыԥх амлагәыр ахьыҟоу 26 жрақәа ыҟазҭгьы, сынтәа иҵегьы иацлароуп ҳәа агәаанагара ҳамоуп. Иубаратәы иҟоуп ахылаԥшра амҩаԥгара ашьҭахь аԥсыӡ ишацлаз. Аԥҟарақәа рықәныҟәара иабзоураны ҳӡиасқәа рҟны аԥсыӡ аҽеиҵнахо иалагеит", - иҳәеит Џьергьениа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

1

Гәарамиа акалмаҳааӡарҭа "Кәыдрытәи аӡыхь" акурорттә аамҭазы аусуразы: хар амам

1
(ирҿыцуп 17:01 27.10.2020)
Гәылрыԥшь араион Дранда аҳаблан иҟоу акалмаҳааӡарҭа "Кәыдрытәи аӡыхь" аԥшәма Беслан Гәарамиа арадио Sputnik арубрика "Раионк аԥсҭазаараҟынтә" аҿы еиҭеиҳәеит акурортә аамҭа русура ишаныԥшыз атәы.
Раионк аԥсҭазаараҟынтә: Гәарамиа акалмаҳааӡарҭа "Кәыдрытәи аӡыхь" аусура иазкны

"Нанҳәазы аҳәаа аадмыртызҭгьы ҳусқәа башахон, ҳуал иҳақәыз абжеиҳара ҳшәеит. Асезон кьасаны иалагеит, ҳаилыркаап ҳәа ҳгәыӷуеит зуал ҳақәу. Хар ҳамаӡам, ауаа ыҟан. Иахьа шьҭа хыцҩыцқәак роуп иҟоу. Аишәак аҟны итәо ҟалар алшоит, имааиргьы ауеит. Ԥхынҷкәынмзазы иҟалоит рҳәоит аԥсшьаҩцәа. Сынтәа ҩ-тоннак рҟынӡа аԥсыӡ цеит. Хәбаҟа тонна цозҭгьы иманшәалахон, аха ауаа амчымхара рымоуп, хҩык ԥсыӡк анаархәозгьы ыҟан", - иҳәеит Гәарамиа.

Шәазыӡырҩла арадио Sputnik Аԥсны аефир.

Иара убас шәаԥхьар ҟалоит:

 

1

COVID аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь

1
(ирҿыцуп 20:25 27.10.2020)
Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

АҞӘА, жьҭаара 27 - Sputnik. Аԥсны COVID-19 аҿагыларазы аԥкырацҵақәа алагалахоит Бжьаниа Москва амедусзуҩцәа данырԥыла ашьҭахь, абри атәы арадио Sputnik иазеиҭеиҳәеит Урыстәыла иҟоу Аԥсны ацҳаражәҳәаҩ Игор Ахба.

"Аиԥылара еиҿнакааит Москва иҟоу Аԥсны Ацҳаражәҳәарҭа. Уахь инаԥхьан акоронавирус зыхьуа рҟны аус заухьаз ҳџьынџьуаа-амедусзуҩцәа: Владимир Аргәын, Викториа Тарԥҳа, Мераб Арӡынба, Астан Мышәба, Едуард Быҭәба. Бжьаниа ирзеиҭеиҳәеит Аԥсны иҟоу аепидемиологиатә ҭагылазаашьа зеиԥшроу. Нас аҳақьымцәа рабжьагарақәа дырзыӡырҩит. Авирус аҿаԥҽра еиҳа хра аманы иҟаларц азы аԥкырацҵақәа алагалахоит", - иҳәеит Ахба.

Иара иажәақәа рыла абжьгарақәа ахәышәтәра апроцесси апациентцәа онлаин-режим ала аконсультациақәа рыҭареи роуп ирыҵаркуа. Ацҳаражәҳәаҩ иҳәеит ишалацәажәаз Москвантәи Аԥсныҟа амедусзуҩцәа ргәыԥ аарагьы.

Аслан Бжьаниа усутә ныҟәарала Москва дыҟоуп жьҭаара 26 раахыс.  Аслан Бжьаниа Москва иҟазаараан дырԥылеит Москва аус зуа Аԥснытәи амедицинатә усзуҩцәа.

Иара убас шәаԥхьар ҟалоит:

1