Еныкьԥҳа: арҵаҩра зхы азызкуа идыруазароуп иаԥхьаҟатәи иԥеиԥш шакәу ииааӡо

56
(ирҿыцуп 10:19 05.10.2020)
35 шықәса ашкол аҿы рҵаҩыс аус зуа Мимоза Еныкьԥҳа, арҵаҩы имш аҽны, арадио Sputnik аефир аҿы еиҭалҳәеит иахьатәи аамҭаз арҵаҩра иацу ауадаҩрақәа ртәы, насгьы арҵаҩы истатус аҽшеиҭанакыз атәы.
Еныкьԥҳа: арҵаҩра зхы азызкуа идыруазароуп иаԥхьаҟатәи иԥеиԥш шаку ииааӡо

"Иахьа арҵаҩра азанааҭ аӡәгьы ашьҭыхра иҭахӡам, усҟан ашкол аҿгьы аҭагылазаашьақәа рҽырыԥсахуеит. Иахьа ауалафахәы алацажәарагьы ҳҭахӡам, аха ауаҩы данахәаԥшлак, ари ала сҭаацәа сызныҟәгаӡом иҳәоит дыҷкәыноу, дыӡӷабу. Арҵаҩы изанааҭ иагьа агәыбылра кны днеиргьы, ауалафахәы анмаҷхалак игәахшәо аҟынӡа днеиуеит. Иахьа ауаа рҭаацәаратә проблемақәа зегьы аҭаацәа роуп зыхәда иқәу. Сгәы иаанагоит арҵаҩцәа шаҟа имаҷхо аҟара, убри аҟара икәадахоит адыррақәагьы ашколқәа рҿы", - ҳәа еиҭалҳәеит Еныкьԥҳа.

Сырҵаҩуп ҳәа зхы зыԥхьаӡо, зегь раԥхьа иргыланы иара иаԥхьаҟатәи иԥеиԥш ауп ииааӡо, иара дибарц шиҭаху еиԥш ауп иҵаҩгьы дышилабжьо, азгәалҭеит Еныкьԥҳа.

"Усҟантәи аамҭақәа рзы арҵаҩы иаҳа дҳаракын, ҳәарада. Усҟан арҵаҩы ахәыҷы данилабжьоз, ииҳәоз иажәа иаҳа илҵуан, избанзар, усҟан идгылоз аҭаацәара иман. Аҭаацәараҿы арҵаҩы дҳаракны дандыргылалак, ахәыҷгьы уи иаҳаҭыр ҳаракны иаанижьуеит", - ҳәа азгәалҭеит арҵаҩы.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

56

Сангәлиа аԥсуа сериал "Алахьынҵа" азы: ҳазыԥшымызт ас ауаа ирыдыркылап ҳәа

8
Аԥсуа бызшәа аҿиара иазырхоу апроект ала имҩаԥысуеит асериал "Алахьынҵа" аҭыхрақәа. Апроект автор, арежиссиор-ақәрыгылаҩ, Саид Сангәлиа арадио Sputnik аефир аҿы еиҭеиҳәеит гәыԥҩык аҿар асериал аҭыхра шаԥшьыргаз атәы.
Сангәлиа аԥсуа сериал "Алахьынҵа" азы: ҳазыԥшымызт ас еиԥш ауаа ирыдыркылап ҳәа

"Аинтернет сериал аԥҵара схала исмыӡбеит, дсыцхрааит Мран Алҭеиба. Апроект иаалырҟьан иӡбоу ак акәӡам, акыраамҭа ҳазнеиуан. Ибзиангьы еилаҳкаауан ауадаҩрақәа рацәаны ҳшызцәырҵуаз, еиҳарак атехника аганахьала. Ҟәрышьқәак ааилаԥсаны иааҳхәеит амикрофонқәа уҳәа зыда ԥсыхәа ыҟам атехника. Иара ҳбызшәала иҭҳажьырц ҳҭахын, избанзар, аԥсшәа аӡыргара иацхраауеит. Асериал арԥыси аҭыԥҳаи рыбзиабара иазкуп. Сериак 5-7 минуҭк раҟара ицалоит, х-сезонк рыла ишьақәгылазаауеит, сезонк аҿы жәа-сериак ҟалоит. Асериал асоциалтә даҟьақәа рҿы уахәаԥшыр улшоит. Уаҟа ихәмаруа актиорцәа аҟазара злоу, абызшәа бзианы издыруа роуп, иҟоуп аҿар, хымԥада, аҟазара злоу, аха рбызшәа хьысҳауп, убри аҟнытә иаҳа иззымариоу аалаҳхын, аҭыхрақәа ҳрылагеит", - ҳәа еиҭеиҳәеит Сангәлиа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

8
Савелий Читанава

Атәылауаҩи аиҳабыреи: Ҷыҭанаа амшын Еиқәа иазкны

6
(ирҿыцуп 16:21 31.10.2020)
Есышықәса жьҭаара 31 рзы иазгәарҭоит Амшын еиқәа жәларбжьаратәи амш. Аԥсны аекологиеи аԥсабарахьчареи аҳәынҭқарратә хеилак ахантәаҩы Савели Ҷыҭанаа арадио Sputnik аефир аҿы еиҭеиҳәеит амшын иадҳәалоу ауадаҩрақәа ртәы, насгьы уи аиқәырхаразы имҩаԥырго аусурақәа ртәы.
Атәылауаҩи аиҳабыреи: Ҷыҭанаа амшын Еиқәа иазкны

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

6

Аԥсны даҽа 73-ҩык акоронавирус рыдырбалеит, ҩыџьа рыԥсҭазаара иалҵит

4
(ирҿыцуп 21:13 31.10.2020)
Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 4233-ҩык ыҟоуп. Урҭ рахьтә ргәы бзиахеит 2267-ҩык, рыԥсҭазаара иалҵит 42-ҩык.

АҞӘА, жьҭаара 31 - Sputnik. Иҳаҩсыз уахыки-ҽнаки рыла COVID-19 зцәа иалоу реилкааразы атестқәа 367 ҟаҵан, урҭ рахьтә акоронавирус аарԥшын 73 тест рҟны ҳәа аанацҳауеит Аԥсны ауааԥсыра COVID-19 рацәыхьчаразы аоперативтә штаб.

Абыржәтәи аамҭазы Гәдоуҭатәи араионтә хәышәтәырҭа хадаҿы ишьҭоуп 132-ҩык ауааԥсыра, урҭ рахьтә 114-ҩык акоронавирус адиагноз рзышьақәырӷәӷәоуп, рҭагылазаашьа бааԥсуп 23-ҩык, ибжьаратәуп - 27-ҩык, илҩаауп жәаҩык апациентцәа. Аҟәа асасааирҭа "Аиҭар" ашҭаҿы иаадыртыз амобилтә госпиталь аҟны ишьҭоуп акоронавирус зыдбалоу 60-ҩык апациентцәа. 57-ҩык рҭагылазаашьа бжьаратәуп ҳәа иԥхьаӡоуп, хҩык рҭагылазаашьа бааԥсуп.

Аоперштаб иара убас иаанацҳаит жьҭаара 31 рзы Аҟәа асасааирҭа "Аиҭар" аҟны иаарту урыстәылатәи хырхарҭарацәалатәи агоспиталь аҟны акоронавирус злаз ҩыџьа рыԥсҭазаара ишалҵыз.

Иԥсҭазаара далҵит COVID-19 ззышьақәырӷәӷәаз 1934 шықәса рзы ииз апациент. Иара ҩганктәи аполисегментартә гәыҵәкра ӷәӷәала илаҽны дыҟан. Иҭагылазаашьа акыр ибааԥсын. Жьҭаара 31 ашьыжь иара иԥсҭазаара далҵит игәы-шьадатәи иԥсыԥлагаҩагаратәи зымхара иахҟьаны.

1942 шықәсазы ииз COVID-19 ззышьақәырӷәӷәаз апациенткагьы жьҭаара 31 рзы лыԥсҭазаара далҵит. Лара ахәышәтәырҭанҭыҵтәи ҩганктәи асубтоталтә полисегментартә гәыҵәкра лыман, иара убас егьырҭ асоматикатә чымазарақәагьы лцәа иалан.

Ауааԥсыра COVID-19 рацәыхьчаразы аоперативтә штаб ажәлар рахь ааԥхьара ҟанаҵоит ачымазара ҿкы рымкырц азы иахәҭоу аԥҟарақәа зегьы ирықәныҟәаларц.

  • Акоронавирус иазку ажәабжьқәа зегьы шәрыԥхьар ҟалоит абра>>
4
Атемақәа:
Ачымазара ҿкы – акоронавирус Аԥсни адунеи аҿи: иалкаау