Тимур Квеквескири

Кәакәасқьыр аррамаҵзура инарыԥхьо разыҟаҵаразы: ҳтәылаҿы аспорт азнеишьа ԥсахтәуп

155
(ирҿыцуп 13:18 05.10.2020)
Аҟәа ақалақь аҵараусбарҭа аспециалист хада Ҭемыр Кәкәасқьыр арадио Sputnik аефир аҟны иҳәеит аҿар аррамаҵзура зхызгарц инеиуа ргәабзиара уамак иӷәӷәам ҳәа иҟоу ацәажәарақәа рзы игәаанагара.
Хра злоу ахҭысқәа: Кәакәасқьыр арра маҵзура инарԥхьо ргәабзиара иазкны

"Уажәшьҭа 11 шықәса ҵуеит алшара ыҟоуижьҭеи Аԥсны ашколқәа ирылгаз Урыстәыла иреиҳау аҵараиурҭақәа ирҭалартә еиԥш рышьҭра. Есышықәса уаантәи иаауеит зҵара хзыркәшо афицарцәа. Зынӡа ус ицәгьаӡам аҭагылазаашьа (ргәабзиара иахҟьаны арра имцо рзы - аред). Ара иаанхо уиаҟара аҽазыҟаҵара змам роуп, ргәабзиара иҵегьы еиӷьзар сҭахын сыхәҭаахьала. Араагьы арра ицо аҿар ус ицәгьаӡам. Иаагозар, артиллериатә гәыԥ аҿы арра иахысуа, егьырҭ архәҭақәа рахь снеилоит, даара ибзианы рхы аадырԥшуеит. Ииашоуп, игәаҭаны иҳамоуп аспорт аганахьала уиаҟара ҳхәыҷқәа шыӷәӷәам. Есышықәса шьаҿак-шьаҿак аҟаҵара ҳаҿуп уи аганахьала аҭагылазаашьа иаҳа ибзиахарц, ари азҵаарала есышықәса асеминарқәа мҩаԥысуеит абаҩрҵәыра рызҭо арҵаҩцәа рыбжьара", - иҳәеит Кәакәасқьыр.

Иара иазгәеиҭеит атәылаҟны аспорт ахь иҟоу азнеишьа хәыҷык аԥсахра шаҭаху, уи аганахьал ишырҿыԥштәу Нхыҵ-Кавказтәи ареспубликақәа.

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы.

Иара убас шәаԥхьар ҟалоит:

155

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

15
Гал араион ахадара азиндырратә ҟәша аиҳабы Инал Қәычбериа арадио Sputnik аефир аҿы еиҭеиҳәеит иарбан зҵаарақәоу ирызцәырҵуа араион ауааԥсыра, есыҽнытәи иусура шеиҿкаау атәы.

 

Раионк аԥсҭазаараҟнытә: Қәычбериа Гал ахадара азиндырратә ҟәша аусура иазкны

"Еиҳарак аусура ахьыҟоу араион ахадара ирыдыркыло аԥҟаԥҵәақәа реилыргараҿы ауп. Уи ҳауаажәлар ирызнагатәуп, рхы иахьадырхәаша, ишадырхәаша раҳәатәуп. Насгьы ҳара иаҳзаауа Аԥсны ахада идҵақәа роума, аԥыза-министр идҵақәа роума, дара зегьы еилырганы ажәлар ирызнагатәуп, урҭ адҵақәа инарықәыршәаны аусура мҩаԥысларц азы. Уи адагьы мчыбжьык ахь ҩынтә ауааԥсыра рызҵаарақәа рыла исыдыскылоит. Иара уи аамҭа абжьарагьы ианааиуа иҟоуп. Ауааԥсыра еиҳарак изыргәамҵуа атәылауашәҟәы аиура азҵаароуп, иҟоуп иара убас ашәахтәқәа ршәараҿы азҵаарақәа анрызцәырҵуагьы, анаҩс ауалафахәы ацҵара иаҵанакуа уҳәа, иаҳзааиуа рацәаҩуп, иахьынӡаҳалшо ҳрыхәоит", - ҳәа еиҭеиҳәеит Қәычбериа.

 

Иаҳа инеиҵыху аиҿцәажәара шәазыӡырҩыр шәылшоит арадио Sputnik Аԥсны аефир аҿы, мамзаргьы аудиофаил аҿы.

Иара убас шәаԥхьар ҟалоит:

15

Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит

11
(ирҿыцуп 15:50 19.10.2020)
Аԥсны атәылахьчара аминистр, аинрал Владимир Ануа арадио Sputnik аефир аҟны еиҭеиҳәеит Урыстәыла Атәылахьчара аминистрра аруаа амобилтә госпиталь аусура шеиҿкаахо атәы.
Ануа амобилтә госпиталь Аԥсныҟа аашьҭразы: иҟаҳҵаз аҳәара иаразнак ахаҵгылара аиуит

"Урыстәыла атәылахьчара аминистр Сергеи Шоигу иахь иҟаҳҵаз аҳәара иаразнак ахаҵгылара аиуит. 30 машьына инареиҳаны Будионовскынтә иаҳзааит агоспиталь. Дара рнаҩсгьы Ҟрымынтәи адәахьы атехникала ахәшәқәа ақәызҭәо ааит. Урҭ абыжьбатәи абазаҟны (Гәдоуҭа - аред.) иаангылеит ашамҭазы. Ҩажәаҩык инареиҳаны арратә базаҟынтәи аруаа агоспиталь ахьчараҟны ацхыраара ҟарҵалоит. Ас еиԥш агоспиталь маншәалоуп, аспециалистцәа ацуп. Иахьа убасгьы Адлер аҳаиртә баӷәазаҟынтәи хԥа-ԥшьба машьына рыла ахәшәқәа ааргоит. Иахьа иаҳзааз агоспиталь, аиҳабыра изларҳәо ала, 100-110-ҩык рҟынӡа ачымазцәа рыдкылара, рхылаԥшра рылшоит", - иҳәеит Ануа.

Урыстәыла Атәылахьчара аминистрра аруаа амобилтә госпиталь аргылара иалагеит Аҟәа, асасааирҭа "Аиҭар" аҵакыраҿы. Агоспиталь амедицинатә персонал асасааирҭа "Аиҭар" иҩнаҵахоит. Ара агоспиталь аҳақьымцәа авирус COVID-19 зыдбалоу апациентцәа рыхәышәтәра нап аларкуеит.

Амобилтә госпиталь ареспубликахь идәықәҵан Аԥсны атәылахьчара аминистрра иҟанаҵаз аҳәара ашьҭахь, акоронавирустә инфекциа змоу апациентцәа рыхәышәтәраҿ ацхырааразы. Уи аҿы ишьақәыргылахоит арԥҳақәа иԥсабаратәымкәа аҳауа рҭазырсуа аппаратқәа, апациентцәа интенсивла ргәаҭаразы амониторқәа, арентгенографиатә аппаратқәа, УЗИ аппаратқәа, ашьа анализҟаҵагақәа.

Иара убас шәаԥхьар ҟалоит:

11